Бір күні алыс сапардан шаршап, болдырып келе жатқан түлкі жол жағасында жортақтап жүрген қоянды көріпті

Бір күні алыс сапардан шаршап, болдырып келе жатқан түлкі жол жағасында жортақтап жүрген қоянды көріпті. Сонан соң түлкі ауырған болып, қоянның жолына сұлай кетеді де оны қасына шақырады.
         – Қоянжан-ау, қоянжан! Неге сонша жортасың? Менен неге қорқасың? Бала жастан бірге өскен, тоғайдың дәмін бір жескен көрші емес пе едік. Мен ауырып жатырмын, халімді неге сұрамайсың? Жақынырақ келші, қоштасалық ең болмаса, – депті қылымсып.
         Сонда қоян:
         – Екі құлағым сөзіңде, екі көзім өзіңде. Сені жұрт етті жақсы көреді дейді ғой, сол рас па? – деп сұрайды.
         – Ол рас, жалғаны жоқ, – дейді, түлкі кінәсін мойындағандай болып. – Тіпті ет жемесем, басым ауырады. Ол әдет еді, енді қайталана қоймас.
         – Міне, мен сол әдетіңнен шошимын.
         – Иә, соған өзім де қынжылып жатырмын. Кеше бір тауық жеп едім, кейін оның жастығына жаным ашып, жылап та жібердім. Өйткені оның да мына дүниеде тірі жүргісі келеді ғой. О, шіркін, тіршілік-ай – деп, күрсініпті түлкі.
         Қоян қиястанып:
         – Сен оны өлтірмей тұрып неге ойламадың? – деп сұрапты.
         Сонда түлкі:
         – Мен дәл сол жерде ойлауды ұмытып кетіппін. Қазір жаныма батып, ауырып жатқаным да соның өкініші, – депті ыңқылдап.
– Ұмытшақтық деген жаман ғой, мен де сол ұмытшақтықтан қорқамын. Сондықтан да ешкімге жоламай жортамын, – деп, қоян өз бетімен кете барыпты.

Ұқсас жұмыстар

Түс көрудің поэзиядағы рөлі

Көркем шығармадағы түс көру ұғымы

Оралхан Бөкей шығармаларындағы түс көру құбылысы

Ертегілер жайлы түсінік

Қарқаралының марқасқасы –Мәди

Тазымен із кесу, аң қағу

Көркем прозадағы түс көру тәсілінің сипаттамасы

Құлыншақ ақынның әдеби мұрасы

Қазақ аңшылығы жайындағы мақалалар жинағы

Абай Жолы романының қысқаша мазмұны

Кәсіпорынның бәсеке қабілеттілігін жетілдіру жолдары