Бөктергінің шаршау кейпін көрген қырғи

Қырғи мен бөктергі ойда жоқ жерде кездесе кетеді. Екі дос өткен-кеткенді әңгімелеп, кездесу құрметіне кеш өткізуді ұйғарады. Кештің керегін әзірлеу үшін жиырма торғай ұстап әкелуге келіседі. Жиырма торғайдың жартысын ұстауды қырғи міндетіне алады, қалған он торғай бөктергінің үлесіне тиеді.
Қырғи көп кешікпей 10 торғайды ұстап, төбе басында бөктергіні күтіп отырады. Бөктергінің келетін мезгілі өтіп, кешігеді. Ал, бұлар кешті күн батпай бастауға уәде еткен. Ақыры шыдамы таусылған қырғи дерексіз кеткен бөктергіні іздеуге шығады.
Қалың тоғай бойымен ұшып келе жатып, қырғи алыстан бөктергіні байқайды. Ол бір торғайды қуып, ылдиға ығыстырып барады екен. Сол сәтте қырғи бөктергінің соңынан ұшып жетеді. Оның қауырсындары терге малшынып, аяғын торғайды бүруге ілгері соза түсіпті. Бөктергінің шаршау кейпін көрген қырғи: Тоғайда торғай қалдырмай қырған екен, – деп ойлайды. Сөйтіп, ол бөктергіден асығыс:
– Ау, Бөке, қанша торғай ұстадыңыз? – деп сұрапты.
Сонда бөктергі алдында ұшып бара жатқан торғайды нұсқап:
– Осыны алсам, тоғыз торғай қалады, – депті.

Ұқсас жұмыстар

Сәбит Дөнентаев. Өмірі мен шығармашылығы

С. Дөнентаевтың шығармашылық кезеңі

Ақан сері Қорамсаұлы. (1843 – 1913 ж)

Ж. Аймауытов шығармаларындағы фразеологизмдер

Әлем «қырғи-қабақ» соғыстан кейін: бір полюстік және көп полюстік

Сәбит Дөнентаевтың шығармаларын оқыту

Екінші дүниежүзілік соғыстан кейінгі халықаралық жағдай

Эмоция және сезім. Сезімді вербалдау

Жапония мен Америка Құрама Штаттарының саяси-тарихи қарым-қатынастары

Екінші дүниежүзілік соғыстан кейінгі халықаралық жағдай «қырғи қабақ соғыстың» шығу себептері

АҚАНДЫ КӨРГЕН АТА