Ертеде мынау, төмен жақта бір биік тау болыпты
Ертедегі бір биік тау туралы аңыз
Ертеде, төмен жақта бір биік тау болыпты. Сол таудан әрі қарай ешбір құс аса алмайтын көрінеді. Қанаты қатты, ұшқыр, қыран құстардың талайы бағып көрген: бірақ ешқайсысының шамасы жетпепті.
Қырандар да аса алмаған асу
Әуелі бүркіттің ұшқыш қыраны келіпті — аса алмапты. Артынша қырғидың атақтысы келіпті — ол да өте алмапты. Сөйтіп, талайы қайтыпты.
Соңғы үміт — бөдене
«Енді кім қалды?» дегенде, бөденеден басқаның бәрі сыннан өтіп қойған екен. Сонда бөдененің атақтысын шақырыпты. Ол болса: «Тәуекел!» — деп, ұша жөнеліпті.
Бөдене шырқап көтеріліп, қанша тырысса да, таудан аса алмапты. Сол кезде ызаланған бөдене зымырап төмен құлдилап келіп, тауды көкірегін төсеп соққан екен дейді. Сөйтіп, бір-ақ сәтте таудың ар жағына түсіп кетіпті.
Неге бөдене көкірегін төсеп қонады?
Міне, содан бері бөдене қонғанда аяғымен емес, көкірегін жерге соғып қонады екен.
Құйрығы неге қысқа?
Ал құйрығы неге қысқа десек, әлгі тау тескен тар өткелде жұлынып қалыпты дейді. Әйтпесе, бұрын бөдененің құйрығы қырғауылдың құйрығындай ұзын болса керек.
Сөйтіп, биік таудан аса алмаған құстардың бәрі кейін сол бөдене тескен тесіктен өтіп, ар жағына барыпты дейді.