Өркендей бер Қазақстаным, гүлдене бер ғажапстаным
Менің отаным — Қазақстан
Жүзі жылы, жүрегі кең, қолы ашық, дастарханы мол, мінезі өр, намысшыл әрі еңбекқор елдің болашағы әрдайым жарқын болары анық. Мен өз еліммен, өз ұлтыммен мақтана аламын. Мен үшін қазақ болып туғаннан асқан бақыт жоқ.
Тәуелсіздік — оңай келген сый емес
Тәуелсіздік пен жетістік өздігінен келмейді. Бодандықтан азаттыққа қол жеткізу — бабаларымыздың асыл арманы. Елімізден талай батырлар мен данышпандар шықты. Олар білектің күшімен, найзаның ұшымен қазақтың алақандай жерін жауға бермей, кейінгі ұрпаққа аманат етіп қалдырды.
Бүгін қазақ елі — ешкімге тәуелсіз, дербес мемлекет. Тәуелсіздіктің жаңа таңы атты.
Тіл мен рухани қазына
Тәуба дейміз: тәуелсіздік рухын кеудемізге сіңіріп, санаға мемлекеттік тіліміздің ұлағатын тоқып, тілімізді ардақтап өстік. Егемендігіміздің арқасында біз бұрынғыдай ешкімге жалтақтамай, жасқанбай өз тарихымызға тереңірек үңіле алдық.
Осы ұзақ жолда ұмыт қалған немесе жоғалтқан рухани қазынамызды қайта жинақтап, жаңғыртып, өркениетті елдерге тіліміз бен дінімізді таныта түстік.
Рәміздер, салт-дәстүр және ұлттық болмыс
Әрбір тәуелсіз мемлекеттің өзіне тән Әнұраны, Туы, Елтаңбасы, мемлекеттік тілі бар екені баршаға белгілі. Ал сол елдің әдет-ғұрпы мен салт-дәстүрі ұлттық ерекшелікті айқындай түседі.
Әнұран
Ел рухын көтеретін үн.
Ту
Бірлік пен еркіндіктің нышаны.
Елтаңба
Тамыр мен тағдырдың белгісі.
Тіл
Ұлттық жадтың өзегі.
Осы құндылықтардың барлығы ой-санамызға қоршаған ортамен үндесе отырып орнығып, тұтас бір әлемдей ұялайды, ұлттық болмысты қалыптастырады.
Әлем алдындағы сенім
Біздің мемлекет әлем алдында өз деңгейінен көрініп, үлкен сенімге ие болды. Байтақ елімнің көк байрағы желбіреп, бейбітшілік аспаны астында абыройы асқақтай берсе деймін.
Өркендей бер, Қазақстаным.
Гүлдене бер, ғажапстаным.
Бұл мәтін редакцияланып, грамматикасы мен стилистикасы түзетілді.