Табиғатпен сырласуда әдемі
Табиғаттың сұлулығын сезіну
Күн сәулесінің төгілуі әдемі. Алуан түрлі қызыл гүлдер әдемі. Сылдыр қаққан мөлдір су да әдемі. Биік-биік шыңдарым да әдемі. Айдын көлде аққу қандай әдемі, сұңқар құстың самғағаны әдемі. Даланы әнге бөлеген құстарым да әдемі, мөлдіреген көзді киігім де әдемі.
Ақ көрпеге оранған қысым қандай әдемі. Масатыдай құлпырған көктем қандай әдемі. Асыр салып ойнайтын жазым қандай әдемі. Сары түске боялған күзім қандай әдемі. Табиғатқа бір қарап, табиғатпен сырласу — өзіңді табумен тең.
Түйін: Жер-Анаға жан-тәніңмен жанашыр болсаң, сен де дүниедегі ең әдемі істердің иесі боласың.
Табиғатқа сәлем
Армысың, алтын күн!
Көгілдір көк аспан!
Бармысың, құстарым — қанатты достарым!
Суларым таза ма? Талдарым аман ба?
Тауларға, жамылған қарларға бас ием.
Біз — табиғаттың баласымыз
Жайқалған даланы, Табиғат ананы көруге сағынып келген біз — оның баласымыз. Сондықтан табиғатты қорғау — өз болашағымызды қорғау.
Жоба: топтық ізденіс жұмысы
Тақырып бойынша үш бағытта топтық зерттеу жүргізіледі. Әр топ өз дәлелін мысалмен толықтырып, ортақ қорытынды ұсынады.
1-топ: Ағаштардың пайдасы
- Табиғаттағы ылғалды сақтауға көмектеседі.
- Топырақтың құнарлы қабатын қалыптастырады.
- Құм көшуден қорғайды.
- Егіндікті желден және суықтан қорғайды.
- Адамды және жануарларды аптаптан, жел мен шаңнан қорғайды.
2-топ: Экологиялық әсері
- Ыза судың (жерасты суының) деңгейін реттеуге ықпал етеді.
- Топырақтың тұздануын азайтады.
- Шаң-тозаң мен көмірқышқыл газын жұтып, оттегін бөлу арқылы ауаны тазартады.
3-топ: Қызықты мәліметтер
- Ағаш — құрылыс пен жиһаз өндірісінің маңызды материалы.
- Құстар мен аңдардың мекені, биоалуантүрліліктің тірегі.
- Отын көзі бола алады, ал ең бастысы — ел мен жердің көркін арттырады.
Табиғатқа үндеу
Әй, табиғат! Шеберсің, көрмегенді көрсетерсің. Ұлан-ғайыр байлығыңды місе етпей, ашкөзденген адамдарға не дерсің? Айың анау, күнің мынау, жерің міне. Ау, адамдар, жетпей жатыр енді не?
Табиғатқа таласпайық, ағайын. Ол сені де, мені де, елді де асырайды.
Орман егу — ортақ міндет
Еліміздің, жеріміздің көркін арттыру үшін орман егуіміз керек. Жеріміз кең болғанымен, әлемдік ауқыммен салыстырғанда орманы аз елдердің біріміз. Кей мемлекеттерде бір ағаш кесілсе, орнына екі ағаш отырғызу қағидасы бар. Бұл — табиғатқа берілетін өте әділетті жауап.
Экологияға қосылатын үлес
Орманды көбейту — халық денсаулығының жақсаруы, ауаның тазаруы және тек өз еліміздің ғана емес, бүкіл әлем экологиясына қосылған үлес.
«Елге орманды көп егетін болсақ, халықтың денсаулығына, ауаның тазалығына, тек өз еліміздің ғана емес, күллі дүние жүзінің экологиясын жақсартуға қосқан үлесіміз болып саналады».
Н. Назарбаев
Өсиет сөз
«Көзіңді қалдыр — бұлақ көзін аша жүр,
Ізіңді қалдыр — жақсылық мұра шаша жүр,
Өзіңді қалдыр — бау өсіріп, жаса нұр»
Қосымша
Әлемдегі ерекше ағаштар туралы материалды слайд түрінде көрсетуге болады. Қажет болса, дереккөздерді алдын ала тексеріп, сенімді сілтемелермен толықтырыңыз.
Көрсетілген сілтеме: www.2081-t.html