Менің мектебім - білімділер мектебі
Мектеп — кеме, білім — теңіз
Мектеп — кеме, білім — теңіз. Сол теңізде біз толқындап жүреміз. Желбіреген ақ желкені — ұстаз. Ұстаз — ұланымның ертеңі.
Иә, мектеп, білім, ұстаз деген ұлы ұғымдар бір-бірімен тығыз байланысты. Бұл сөздердің құдіретін ұға білу — әрқайсымыздың парызымыз.
Автор туралы
Абдуманап Камила, 4-сынып оқушысы, №15 орта мектеп. Жетекшісі: Жакыпбекова М.Б.
Алтын ұя мектебім — менің мақтанышым
Дана халқымыз: «Дарын — жанып тұрған жалын» дейді. Әр оқушының өз таланты бар. Сол талантты аша білетін орта — мектеп. Мен өз шәкірттері білімді, дарынды, қаламыздың қақ төрінен орын тепкен алтын ұя мектебім туралы мақтанышпен айтқым келеді.
Жетістіктердің жарқын жолы
Білім ордамыз аз уақыт ішінде облыстық және республикалық деңгейдегі білім сайыстарында да, түрлі мәдени шараларда да жоғары нәтижелер көрсетті. Қала мектептері арасында төрт жыл қатарынан «Жыл мектебі» номинациясымен жоғары көрсеткіштерге ие болып, марапатталды.
Заманауи білім ордасы
Талапқа сай жабдықталған, мүмкіндігі тең, оқушыға қолайлы орта қалыптасқан.
Түлектер табысы
Түлектеріміз білімділігімен, шығармашылығымен ерекшеленіп, беделді оқу орындарына түсіп жүр.
Мектебімнің мәртебесі күн сайын биіктеп, өнерлі жастары өркендеп өсуде. Әр оқу жылы әр оқушыға өз жаңалығын әкеледі.
Бес жылдық белес
Биыл мектебімізге 5 жыл толды. Осы уақыт ішінде мектебіміз сан қырынан танылып, көптеген номинацияларға, дипломдар мен жүлделі орындарға ие болды. Қысқа мерзімнің өзінде талай биікті бағындырды.
Мектеп дәлізі — тәрбие мен білімнің айнасы
Мектебімнің дәлізінен өтсеңіз, көздің жауын алатын, көңілді нұрға бөлейтін ақпараттар мен оқу-білімге шақыратын баннерлерді көресіз. Олар оқушыға ой салып, ізденіске жетелейді.
Ұстаз — мектеп жүрегі
Мектеп басшысы туралы
Мектепті басқарып, алға жетелеп отырған директорымыз Қарлығаш Шәкәрімқызы — жаңа ұрпаққа заманауи талаптарға сай тәрбие мен білім берудің инновациялық тәсілдерін меңгерген, дарынды оқушыларды қалыптастыруда нәтижеге бағытталған, жоғары санатты жаңашыл ұстаз.
Ізденіске бастайтын бағыт
Менің мектебім — білімділер мектебі. Сабақта өтілген тақырыптар бойынша қосымша материалдар іздеп, ғылыми жобалар жазуға дағдыланып келеміз. Бұл бағыттағы еңбегімізге өнегелі ұстаздарымыз үлкен қолдау көрсетеді.
Ұстазға алғыс
Осы жолда маған 1-сыныптан бастап білім берген ұстазым, сондай-ақ директордың оқу ісі жөніндегі орынбасары Жакыпбекова Майра Берікболқызына ерекше алғыс айтамын. Көптеген оқушылар өз жобаларын шығармашылық ізденіспен орындап жүр.
«Мұғалім — мектеп жүрегі». Бізді білім нәрімен сусындатып, маман даярлау жолында аянбай еңбек етіп жүрген ұстаздардың еңбегі орасан зор.
Білімдіден шыққан сөз,
Талаптыға болсын кез.
Нұрын сырын көруге,
Көкірегінде болсын көз.
Еліміздің көркейіп, гүлденуі және өркениетті елдер қатарына қосылуы — бүгінгі ұрпақтың бейнесінен, яғни бізден көрінеді. Ертеңгі күннің бүгіннен де нұрлы, жарқын болуы — білімге байланысты.
Әлеуметтік серіктестік және ортаға қамқорлық
Мектебіміздің тағы бір ерекшелігі — «Гүлстан» республикалық ғылыми-танымдық көпшілік журналымен әлеуметтік серіктестігі бар. Осы серіктестіктің көмегімен мектеп ауласын көгалдандыру жұмыстары жүзеге асырылды.
Мектебім — менің мақтанышым, киелі алтын ордам. Арманым көп, алға қойған мақсатым да айқын. Сол арманға, сол мақсатқа жететініме сенімдімін.
Ұстаздарыма және жоғары сынып оқушыларына қарап бой түзеймін. Қазір мектебімнің жетістігіне мақтанамын. Ал келешекте мектебім менің қол жеткізген нәтижелеріме мақтанса деген ойдамын.
Өсе бер, өркендей бер, менің сүйікті мектебім!
Санат: KZ портал — Қазақша рефераттар жинағы