Қазақ поэзиясына өзіндік жаңа ырғақ, тегеурінді екпін әкелген поэтикалық жыр кітаптары

Дүниеге өзінің аппақ, тап-таза пейілімен келіп, сол көңілмен кеткен сағыныштың ақыны Төлеген Айбергенов 3 наурызда Қарақалпақстанның Қоңырат ауданында туған. Ташкент педагогикалық институтын бітірген (1959). 1959-1962 жж. Қоңырат ауданындағы орта мектепте мұғалім, 1962-1965 жж. Шымкент облысының Сарыағаш ауданындағы кешкі жастар мектебінде директор, 1965 жылдан Қазақстан Жазушылар одағы жанындағы әдебиетті насихаттау бюросында қызмет істеді. Өлеңдері республикалық баспасөзде 1957 жылдан жарияланды. Туған жерге деген албырт сағыныш пен мөлдір махаббатқа толы бір топ өлеңдері 1961 жылы шыққан Жас дәурен атты ұжымдық жинақта басылды. Қазақ поэзиясына өзіндік жаңа ырғақ, тегеурінді екпін әкелген поэтикалық жыр кітаптары: Арман сапары (1963), Өмірге саяхат (1965), Құмдағы мұнаралар (1968), Мен саған ғашық едім (1970), Аманат (1975), Бір тойым бар (1981), балаларға арналған Бақшаға саяхат сурет-кітапшасы (1985) жарық көрді. Сондай-ақ орыс тілінде Мир созвездия (1987) деген атпен таңдамалы өлеңдері аударылып басылды. Ақерке Жайық Жаңғырған Маңғыстау, Қазақстан, Сені ойладым, Мені ойла, Ақ қайыңдар, Бір тойым бар, т.б. өлеңдеріне жазылған әндер ел арасына кеңінен танымал.
Қазақстан Ленин комсомолы сыйлығының лауреаты (1974 жылы, қайтыс болғаннан кейін). 1997 жылы ақынның Таңдамалы өлеңдер жинағы мен ол туралы жазылған Біргемін мен сендермен атты естелік кітап, 2001 жылы Бір тойым бар атты жыр кітабы жарық көрді. Жастарға арналған Т.Айбергенов атындағы әдеби сыйлық бар.
Поэзияда оны Мұхтар Шаханов, Фариза Оңғарсынова, Жарасқан Әбдірашев, Есенғали Раушанов, Тынышбай Рахым т.б. жас ақындар ұстаз тұтты.

Ұқсас жұмыстар

Төлеген Айбергенов

Иран-Ғайып шығармашылығы және қазіргі қазақ поэзиясы

Төлеген Айбергенов туындыларындағы лиризм

Қазіргі қазақ поэзиясындағы ұйқас тәсілдері

Шығарма тілінің көркемдігін анықтау

Мұхтар Шаханов поэзиясының қалыптасуы мен даму жолы

Сегізінші наурыз - қазақ ақыны Төлеген Айбергеновтің туған күні

Фариза Оңғарсынованың поэзиясы мен поэтикасы

МАҒЖАН ӨЛЕҢДЕРІНІҢ ТҮР ЕРЕКШЕЛІКТЕРІ

ТӘУЕЛСІЗДІК КЕЗЕҢІНДЕГІ ҚАЗАҚ ЖАСТАР ПОЭЗИЯСЫНЫҢ ДАМУ ҮРДІСІ

ҚР қоғамдық жаңа даму кезеңінде жоғары білім беру