Қазақша рефераттар

Желтоқсан жел

1 желтоқсан – Қазақстан Республикасының Тұңғыш Президент күніне арналған сынып сағаты

Бұл тәрбие сағаты 1 желтоқсанның тарихи мәнін түсіндіруге, тәуелсіз Қазақстанның қалыптасу кезеңіндегі маңызды оқиғаларды танытуға және ел тарихына құрмет сезімін қалыптастыруға бағытталады.

Сынып сағатының мақсаты

  • Жас ұрпаққа Нұрсұлтан Назарбаевтың қоғамдық-саяси қызметін таныстыру.
  • Ел тәуелсіздігінің нығаюы мен мемлекеттің қалыптасу кезеңіндегі тарихи үдерістерді түсіндіру.
  • Отанды сүюге, азаматтық жауапкершілікке және қоғам өміріне белсенді қатысуға тәрбиелеу.

Көрнекілігі

Слайд, сөзжұмбақ, әнұран және қосымша материалдар.

Түрі

Тәрбие сағаты.

Сабақ барысы

  1. 1) Әнұран

    Тұрып айту

    Сабақ Қазақстан Республикасының Әнұранымен басталады.

  2. 2) 1 желтоқсанның тарихи мәні

    1 желтоқсан – Қазақстан жылнамасындағы ұмытылмас тарихи күн. 1991 жылғы 1 желтоқсанда елімізде тұңғыш рет жалпыхалықтық президент сайлауы өтті. Сол сайлауда тәуелсіз Қазақстанның негізін қалаушы Нұрсұлтан Назарбаев жоғары қолдауға ие болып, Қазақстан Республикасының Президенті болып сайланды.

    Халықтың 98,78 пайызы Нұрсұлтан Назарбаевты қолдап дауыс берді. Бұл нәтиже – елдің Президентке деген сенімінің, сондай-ақ жарқын болашаққа ұмтылған қоғамның нақты көрінісі болды.

    Мемлекет басқару – машақатты да мәртебелі міндет. Тәуелсіздікке қол жеткізген бүгінгі Қазақстан – жауапкершілік пен бірлікті талап ететін ортақ үй.

    Ел дамуының ұзақмерзімді бағыттарын айқындауда «Қазақстан–2030» стратегиясы маңызды орын алды. Осы бағдарлама аясында көптеген бастама жүзеге асып, қалалар жаңарып, ел инфрақұрылымы дами түсті.

  3. 3) Поэзиялық бөлім

    Өлең жолдары

    Қазақ елі желбіреп көк байрағың, Гүлге оранды ауылың мен аймағың. Нұрсұлтаның биіктерге бастады, Ол көрсеткен нұрлы жолдан таймағын.

    Өлең жолдары

    Нұрсұлтанды тудырған заманалар, Желтоқсан жел... Тәуелсіздік байрағын көкке тікті қазағы, Ер Қарасай, Райымбек бабалары қолдады. Нұрсұлтанға рух берген кәрі тарих парағы.

  4. 4) Қысқаша өмірбаяндық деректер

    Нұрсұлтан Әбішұлы Назарбаев 1940 жылы 6 шілдеде Алматы облысы, Қаскелең ауданы, Шамалған ауылында дүниеге келген.

    Еңбек және қызмет жолы (жылдар бойынша)

    • 1960–1969: Қарағанды металлургия комбинатында жұмыс істеді.
    • 1969–1973: Қарағанды облысы, Теміртау қаласында партия және комсомол жұмыстарында болды.
    • 1973–1977: Қарағанды металлургия комбинаты партия комитетінің хатшысы.
    • 1977–1979: Қарағанды облыстық партия комитетінің хатшысы, екінші хатшысы.
    • 1979–1984: Қазақстан Орталық партия комитетінің хатшысы.
    • 1984–1989: Қазақ КСР Министрлер Кеңесінің төрағасы.
    • 1989–1991: Қазақстан Компартиясы Орталық комитетінің бірінші хатшысы, сондай-ақ Қазақстан Жоғарғы Кеңесінің төрағасы.
    • 1990 жылғы сәуірден бастап: Қазақстан Республикасының Президенті.

    Қосымша мәртебелері

    • Қазақстан халқы Ассамблеясының төрағасы.
    • Қазақстан Қарулы Күштерінің Жоғарғы Бас қолбасшысы.

    Мемлекеттік мереке ретінде бекітілуі

    Тәуелсіздіктің 20 жылдығы қарсаңында 1 желтоқсанды Тұңғыш Президент күні ретінде атап өту ұсынылып, кейін бұл бастама Парламент Сенаты депутаттарының қолдауымен жаңа мемлекеттік мереке ретінде бекітілді.

  5. 5) Ойын бөлімі

    Оқушылар екі топқа бөлініп, «Своя игра» форматында сайысқа түседі:

    1-топ

    Бәйтерек

    2-топ

    Ақ Орда

  6. 6) Марапаттау

    Белсенді қатысқан оқушылар марапатталады, қорытынды жасалып, сабақ аяқталады.