Ішкі танау тесік (хоаны) - жұтқыншақпен жалғасатын мұрын қуысының шығаберіс тесігі

Ішкі танау тесігі (хоана)

Ішкі танау тесігі (хоана) — жұтқыншақпен жалғасатын мұрын қуысының шығаберіс тесігі. Хоана тесігі таңдай сүйегінің тік және горизонтальды тақташаларынан түзілген.

Ішкі құлақ (auris interna)

Ішкі құлақ (внутреннее ухо; auris interna) — есту және тепе-теңдікті сақтауға жауап беретін рецепторлар орналасқан құлақ бөлігі. Ол самай сүйектің тастық (қайыршық) бөлігінде орналасады және сыртқы сүйектік, оның ішіндегі жарғақтық шытырмандардан тұрады.

Сұйықтық ортасы: перилимфа және эндолимфа

Перилимфа

Сүйектік және жарғақтық шытырмандардың арасындағы лимфа сұйықтығы.

Эндолимфа

Жарғақтық шытырман қуысының ішіндегі сұйықтық.

Ішкі құлақтың негізгі бөлімдері

Сүйектік және оның ішіндегі жарғақтық шытырман үш бөліктен құралады:

Кіреберіс (саға)

Жарғақтық кіреберісті бір-бірімен жіңішке эндолимфалық өзек арқылы жалғасқан сопақ және дөңгелек қапшықтар құрайды.
Үш жартыдөңгелекше өзек

Сопақ қапшық (утрикулюс) үш жартыдөңгелекше жарғақтық өзекпен байланысады. Бұл өзектер өзара перпендикуляр жазықтықтарда орналасады: сагиттальды, сегментальды және фронтальды.
Ұлу (иірілімді өзек)

Дөңгелек қапшық (саккулюс) қысқа өзек арқылы жарғақтық ұлу өзегімен жалғасады. Жарғақтық ұлу өзегі сүйектік ұлу қуысының ішінде орналасады.

Рецепторлардың орналасуы: есту және тепе-теңдік

Есту талдағышы

Есту рецепторлары жарғақтық шытырманның ұлу өзегін бойлай орналасқан иірілімді мүшеде — Корти мүшесінде орналасады.

Тепе-теңдік мүшесі

Тепе-теңдік рецепторлары жарғақтық қапшықтардың ішкі бетіндегі «дақ» (макула) деп аталатын дөңесте және жарғақты жартыдөңгелекше ампуласының ішкі бетіндегі «қырша» деп аталатын дөңестеу жерде орналасады.