Қазақша рефераттар

Симптомдық терапия

Менингококкты инфекция

Менингококкты инфекция — клиникалық көрінісі әртүрлі болатын жұқпалы ауру. Қоздырғышы — менингококк; ол сыртқы ортада тұрақсыз: 37°C-тан төмен температурада тіршілік ете алмайды, ал 50°C-та 5 минуттан артық сақталмайды.

Эпидемиология

  • Ауру көзі: науқас адам және қоздырғышты тасымалдаушы.
  • Жұғу жолы: ауа-сілекей (ауа-тамшы) жолы.

Сезімталдық және иммунитет

  • Жиі ауыратындар: 14 жасқа дейінгі балалар.
  • Иммунитет: тұрақсыз.

Аурудың даму механизмі

Қоздырғыш ауа-сілекей жолымен жұтқыншаққа түсіп, қабыну тудырады. Кейбір жағдайларда ол қанға және лимфаға өтіп, аурудың ауыр түрлерінің дамуына әкелуі мүмкін.

Клиникалық белгілері

Инкубациялық кезең: 2–10 күн
1

Менингококкты назофарингит (жеңіл түрі)

  • Жалпы жағдайы бұзылады: шаршағыштық, тәбеттің төмендеуі.
  • Дене қызуы көтеріледі, бас ауырады.
  • Көмейдің шырышты қабаты қызарып, мұрын бітеді.
Диагностика: жұтқыншақтың шырышты қабатынан жағынды алып, бактериологиялық зерттеу жүргізіледі.
2

Менингококкты менингит (ауыр түрі)

Ми қабықтарының қабынуы әдетте кенет басталады: қатты бас ауыруы, дене қызуының 39–40°C дейін көтерілуі және себепсіз құсумен сипатталады.

  • Менингиальды белгілер: Кернинг және Брудзинский симптомдары, желке бұлшық еттерінің тартылуы.
  • Кішкентай балаларда еңбегінің көтерілуі мүмкін.
Диагностика: жұлын сұйықтығын алып, бактериологиялық зерттеумен дәлелденеді.
3

Менингококкты сепсис (менингококкцемия) — ең ауыр түрі

Кенет басталады, дене қызуы 40–41°C дейін көтеріледі. Менингиальды белгілер кейде болады, кейде байқалмауы мүмкін.

  • Тері және шырышты қабықтар құрғақ; тахикардия, ентікпе пайда болады.
  • Нүкте тәріздіден ірі «жұлдызша» тәріздіге дейін геморрагиялық бөртпе шығады (жиі: жамбас, сан, балтыр, қол терісі).
  • Бөртпе аймағында жұмсақ тіндердің өліеттенуі (некроз) дамуы мүмкін.

Асқынуы: Уотерхаус—Фридериксен синдромы

Бұл — бүйрек үсті бездерінің жедел жеткіліксіздігімен жүретін өте ауыр асқыну. Кенет басталады: жалпы жағдай күрт нашарлайды, тері бозарады, геморрагиялық бөртпе шығады (некроз дамуы мүмкін), қатты бас ауыруы, құсу болады, дене қызуы 40–41°C дейін көтеріледі.

  • Мазасыздық, ентікпе, цианоз.
  • Қан қысымының төмендеуі.
  • Құрысу-тырысу, зәрдің азаюы немесе мүлдем тоқтауы.
  • Естен тану.

Емі

  1. 1 Науқасты міндетті түрде ауруханаға жатқызу.
  2. 2 Антибактериалды терапия: әр 4 сағат сайын пенициллин (баланың салмағының әр кг-на 200–400 мың бірлік есебімен). Баламалары: левомицетин сукцинаты, ампициллин, тетрациклин.
  3. 3 Детоксикациялық терапия: ауыз арқылы және көктамыр ішіне 5% глюкоза ерітіндісі, гемодез, Рингер ерітіндісі, физиологиялық ерітінділерді енгізу.
  4. 4 Витаминдер кешені.
  5. 5 Симптомдық терапия.

Күтімі

  • Палатада таза ауаның жеткілікті болуын қамтамасыз ету.
  • Баланың терісі мен шырышты қабаттарының тазалығын қадағалау.
  • Төсектегі қалпын жүйелі түрде өзгертіп тұру.

Алдын алу

  1. 1 Науқас адамды оқшаулау.
  2. 2 СЭС-ке №58 форма бойынша хабар беру.
  3. 3 Науқаспен қарым-қатынаста болған адамдарды 10 күн бақылауға алу; жұтқыншақтан бактериологиялық зерттеуге жағынды алу. Қоздырғыш тасымалдаушы анықталса, 7 күн тетрациклин немесе левомицетин тағайындау.
  4. 4 Ауру ошағында дезинфекция жүргізу.
  5. 5 Санитарлық-ағарту жұмыстарын ұйымдастыру.