Бүгінгі күнде Жас өркен баспасөз орталығының тілшілерінің жұмыстары қала, облыс көлеміне танымал
Автор туралы мәлімет
Оқушы
Бағдат Оңғар, 7-сынып
Мектеп
№15 орта мектебі, Балқаш қаласы
Жетекші
Тойшыбекова Б.Б.
Кітапхана — ақыл мен адамгершілік ордасы
«Мен кітапхананы ақыл-білім, адамгершілік ордасы деп білемін. Ал кітапханашыларды ешқашан жоғалмауға тиісті сол асыл қазынаның сақшылары санаймын».
— Ә. Кекілбаев
Елбасының «Қазақстан – 2030» бағдарламасында: «ХХІ ғасырда білімсіз өмір сүру мүмкін емес, халықты салауатты да сауатты өмірге бағыттауымыз керек» деген ойы бүгінгі ұрпаққа білім мен тәрбие беретін жандарға жүктелген маңызды міндет іспетті.
Неліктен бұл мәселе өзекті?
Қазіргі күні жас ұрпаққа берілетін білім мен тәрбиенің сапалы болуы — ең бірінші кезектегі талап. Осы тұрғыда еліміздегі руханият ордасы саналатын кітапхананың орны ерекше.
Кітапхана мен кітапханашының рөлі
Кітапхана — оқырман мен кітапты жалғайтын алтын көпір. Ал кітапханашы — сол көпірге жан бітіретін, ұлттық құндылықтар мен оқырман арасын жалғастыратын тұлға.
Қызығы мен қиындығы қатар жүретін кітапханашы мамандығын бір ғана ауыз сөзбен сипаттау мүмкін емес. Дегенмен бүгінгі кітапханашы — рухани әрі мәдени сауатты, еңбегі қарапайым көрінгенімен аса маңызды, жан-жақты білімді, өз міндетіне жауапты педагог әрі тәрбиеші.
Мектеп кітапханасы: заманауи орта, сапалы қызмет
Мектебіміздің кітапханасы заманауи үлгіде жабдықталған және оқырмандар сұранысын толық қанағаттандыратын кеңістік. Біз бос уақытымызды кітапханада өткізуге, кітаппен дос болуға, кітап оқуға және жаңа ақпаратпен танысуға асығамыз.
Кітапхана меңгерушісі туралы
Кітапхана меңгерушісі Гүлнар Тайкенқызы — әр оқырманның жүрегіне жол таба білетін, қажетті ақпаратты тиімді ұсынатын, эстетикалық талғамы жоғары, ойы зерек, қиялы жүйрік, кәсіби шеберлігін үнемі шыңдап жүретін маман. Ол оқырманға кітап таңдауда бағыт-бағдар беруге жан-тәнімен кірісіп, ұлттық қазыналарымызды көзінің қарашығындай сақтап, насихаттап, ел игілігіне жаратып жүрген ең қажетті мамандық иесі деп білемін.
Қызмет ұстанымы
- Оқырманға қолайлы бағыт беру
- Ақпаратты дәл әрі тиімді ұсыну
- Ұлттық құндылықтарды сақтау және насихаттау
Оқырманға әсері
- Кітапқа қызығушылықты арттыру
- Сауаттылықты қалыптастыру
- Дүниетанымды кеңейту, сөздік қорды молайту
Әдеби кештер, конференциялар және көрмелер
Гүлнар Тайкенқызының ұйымдастыруымен қалалық және мектепішілік деңгейде оқырманның ой-өрісін кеңейтетін көптеген іс-шаралар өткізіліп тұрады. Бұл кездесулер кітапқа деген сүйіспеншілікті күшейтіп, шығармашылыққа жетелейді.
Әдеби кештер
- «Тіл — елдіктің белгісі»
- «Туған өлкем — қандай көркем»
- «Өмірін өлеңмен өрнектеген»
Оқырман конференциялары
- «Абай дара — Абай дана қазақта»
- «Өзіңсің поэзия пайғамбары»
- Әр кезеңде жарық көрген ақын-жазушылар шығармалары бойынша талқылаулар
Тақырыптық көрмелер
- «Ата заң — айбынымыз»
- «Желтоқсан — ерлік тарихы»
- «Ұлттық дәстүр — ұрпаққа мирас»
- «Өнеге — отбасынан»
«Жас өркен» баспасөз орталығы
2009–2010 оқу жылында мектеп директорының ұсынысымен және кітапхананың ұйымдастыруымен мектебімізде ақынжанды, шығармашылыққа жақын оқушыларға арналған «Жас өркен тілшілері» баспасөз орталығы құрылды.
Нәтиже
Бүгінде «Жас өркен» баспасөз орталығы тілшілерінің жұмыстары қала және облыс көлеміне танымал.
Жетістік
Тілдер мерекесі аясында өткізілген қалалық шарада тілшілеріміз жүлделі I дәрежелі «Үздік тілші» дипломымен марапатталды.
Осындай шаралар кітапқұмарлықты арттырып, сауаттылықты нығайтады, дүниетанымымызды кеңейтіп, сөздік қорымызды молайтуға үлкен ықпал етеді.
Қорытынды ой
Мектеп кітапханасы — «білімнің бастауы кітап» екенін күн сайын дәлелдейтін қасиетті мекен. Кітап мәртебесін көтеріп қана қоймай, мектептегі жаңалықтың жаршысы болып, заман талабына ілесу — әр кітапханашының міндеті. Осы ұстанымды өмірлік қағидасына айналдырған Гүлнар Тайкенқызы бізді әлем жаңалықтарымен тұрақты ақпараттандырып, тілімізді, дінімізді, рухани байлығымызды дәріптеуге қызмет етіп келеді.
Өлеңмен түйін
Ойшылдар мен білімпаздар мекені —
Бәріне аян кітапхана екені.
Кітаппенен дос болуға баулитын,
Кітапханашылар мұнда қызмет етеді.
Санат: KZ портал — Қазақша рефераттар жинағы