Тұңғыш Президентіміз жасаған орасан зор еңбектер мен жаңалықтар бүкіл әлем халықтарын өзіне аударды десем артық айтпас едік

Ақтымбаева Данагүл 9 сынып
Әл-Фараби атындағы №145 мектеп
Жетекшісі: Тлеболдинова Н.Ы.

Маған ары үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы -бергідегі қазақ баласының бірде-бірінің пешенесіне бұйырмаған бақытты – толыққанды, тәуелсіз мемлекет құрудың басында болу бақытын бұйыртқан халыққа қызмет етуден артық ештеңенің керегі жоқ, осы жолда мен бойымдағы бар қайрат-қабілетімді, білім-білігімді аямай жұмсаймын, қандай тәуекелге де барамын, - деген Нұрсұлтан Назарбаевтың сөзі көкейіме үлкен ой салды.

Мен өзімде осындай тәуелсіз елдің қызы болып туғаныма мақтанамын. Өйткені мен осындай гүлденген, адам айтса сенбестей ғаламат елде тұрып жатырмын. Елімізде болып жатқан жаңалық жаршысын күнделікті көріп жатырмыз. Біздің болашағымыз үшін Елбасы көптеген жаңалықтар жасап жатыр. Мен Қазақстанның Тұңғыш Президенті Нұрсұлтан Назарбаевпен мақтанамын. Тұңғыш Президентіміз жасаған орасан зор еңбектер мен жаңалықтар бүкіл әлем халықтарын өзіне аударды десем артық айтпас едік. Бүгінде тәуелсіз Қазақстанның беделі өсіп, ғаламдағы барлық ел таниды, біледі.

Елбасының жасаған жақсылықтарының арқасында біз әлемге құлаш сермедік. Оған дәлел жер-жерде болашақ жастар үшін салынған зияткерлік мектептер, зәулім сарайлар, бүгінгі оқушылардың білімді де дарынды болуларына барлық мүмкіндіктер жасалған . Мен қарапайым мектептің оқушысымын. Біздің тарихымызда бұрын -соңды болмаған жаңалықтар мені бейжай қалдыра алмайды. Өскелең ұрпақтың білім алуына , дамуына көп көңіл бөлініп жатыр және де қолдау көрсетіліп отыр.Тәуелсіздігіміздің жарқын бейнесін жасаған , Нұрсұлтандай атама рахметім шексіз. Ешкімнің пешенесіне жазылмаған бақыт біздің елге ғана бұйырды. Өйткені ,
Нұрсұлтандай атамыз барлық күш-жігерін,қайратын біздің елге арнады. Біздің болашағымыздың жарқын болуына тәуекелге бел буды, Сарыарқа төсінде Ақордамыз бой көтерді. Осындай елде тұрып, менің бақытсыз болуым мүмкін емес. Өйткені, менің көз алдымда Нұрсұлтан атаның жарқын бейнесі тұр. Қазақстанның жарқын бейнесі әлемді өзіне қарататынына мен сенімдімін. Мен де ертең ержетемін. Елімнің болашағы үшін өзімнің үлесімді қосамын . Алдыма қойған асқақ арманымды орындауға барлық күш-жігерімді, алған білімімді саламын.

Менің Отаным – Қазақстан - деп дүние жүзінің балалары еститіндей айтқым келеді. Отаным Қазақстанда қазақ болып туылып өскенімді мақтан етемін. Мұның бәрі маған, мен үшін өте қымбат.

Мен Елбасыммен мақтанамын. Маралтай ағамыз айтқандай:

Қазақта Ер тумайды енді
Сіздей, Жарылып кетсе де өті дұшпанымның.
Бабалар армандаған ізгі үмітпен,
Арылды дана халық жүз күдіктен.
– Нұраға, о не дейсіз?
Біз дайынбыз!!!
Тарих тұр сахнадан
Сізді күткен...

Санат: KZ портал Қазақша Рефераттар жинағы