Бір тышқан тамақ аулап, ініне қайтып келсе, онда бір жылан жатыр екен

Бір тышқан тамақ аулап, ініне қайтып келсе, онда бір жылан жатыр екен. Тышқан мұнан жаман қорқып, қуып шығаруға батпай, ақыл сұрай, өзінің қайғысын айтқалы көршілеріне барады. Ақылды тышқандар жиылысып отырып, кеңесін айтыпты:
         — Сен ол інді тастап, өзге ін қазып ал. Жылан сенің ініңді тартып алғаны әділдік емес, бірақ оған қылар еш айла жоқ. Оған тиіп не қыласың? Мазасын ала берсең, өзіңді жеп қояды, оған ештеңе қыла алмайсың.
         Тышқан бишара қайғырса да үндемей қойыпты. Бірақ қалай кегін алуды ойлайды.
         Бір күні сейілдеп келе жатса, інінің аузында жыланның күн шуақта жылынып жатқанын көріпті. Жанында бір кісі ұйықтап жатыр екен. Тышқан барып оның мұрнын тістеп алып, жыланға қарай тұра қашыпты. Кісі оянып, тұра қуады. Қараса, алдында жатқан жыланды көреді. Тышқаннан мұның зияны көбірек болған соң, кісі жыланды өлтіруге алданып қалыпты да тышқанды қоя беріпті.
         Сөйтіп, кегі қайтқан тышқан өз ініне қайта келіп тұрыпты.

Ұқсас жұмыстар

Дератизация. Профилактикалық және эпидемияға қарсы іс-шаралардағы маңызы, рөлі, міндеттері. Кеміргіштердің санын төмендету бойынша іс-шаралар

Биоценоздың экологиялық құрылымы

Қазақ аңшылығы жайындағы мақалалар жинағы

От пен судың ертегі жанрындағы қызметі

Барсакелмес қорығы

Алматы облысының жер ресурстарын пайдалану ерекшеліктері

Қазақ ертегілеріндегі құрмалас сөйлемдер

Толымсыз теңеулер

Ер Төстік ертегісі

Сүтқоректілердің жалпы сипаттамасы

Бюджет тапшылығын қаржыландырудың жолдары. туралы