Алғашқы қоңырау салтанатында құттықтау сөз бүгінгі жиынымыздың құрметті қонақтарында
Салтанатты ашылу
1-жүргізуші: Қайырлы күн, құрметті ұстаздар мен оқушылар!
2-жүргізуші: Армысыздар, қадірлі ата-аналар мен шақырылған қонақтар!
1-жүргізуші:
Өмір бойы мектебімді жыр етем,
Бір өзіңде бақыт, білім, берекем.
Шәкірттерің өрістесін, өрлесін,
Құтты болсын Білім күнің — мерекең!
2-жүргізуші: Құрметті оқушылар, аяулы ұстаздар, ата-аналар, қадірменді қонақтар! Бүгінгі сағынышқа, шаттыққа толы Алғашқы қоңырау мерекесімен құттықтай отырып, колледж өмірінде дәстүрге айналған «Сыңғырла, күміс қоңырау!» атты салтанатты жиынымызды ашық деп жариялаймыз.
1-жүргізуші:
Мектебіне шәкірттер ағылады,
Сана, білім сусаған табылады.
Гүл шоқтарын қолына көтеріп кеп,
Ұстазына жеткенше сағынады.
2-жүргізуші:
Жүректері лүпіл қағып тұрады,
Мұғалімдер оларды күтетіні анық.
Білім нұрын ұрпаққа таратсын деп,
Осы сәтті аңсайды бүкіл халық.
Рәсім
2-жүргізуші: Колледж, тік тұр! Қазақстан Республикасының Мемлекеттік Әнұраны орындалсын!
ҚР Мемлекеттік Әнұраны орындалады.
Құттықтау сөздер
1-жүргізуші: Абзал жан, биік тұлға, байсалды — құшақ жая шәкірттерін қарсы алды. Бүгінгі салтанатты сәтте баршаңызды колледж басшысы құттықтайды. Құттықтау сөз колледж директоры Жанекенов Бауыржан Мақсотұлына беріледі.
Қонақтармен таныстыру
Келген қонақтар:
2-жүргізуші: Алғашқы қоңырау салтанатында құттықтау сөз бүгінгі жиынымыздың құрметті қонақтарына беріледі:
- ______________________________________________
- ______________________________________________
Өнер бағдарламасы
Ән
1-жүргізуші: «Көңілге ұнар, шықса ән сыңғырлаған, көңілге шаттық сезім қондырар ән…» — дегендей, бүгінгі студенттердің құрметіне ІІІ курс студенті Кумарова Кенжегүлдің орындауындағы тамаша әнді қабыл алыңыздар.
Орындаушы
ІІІ курс студенті — Кумарова Кенжегүл
Қазақ биі
1-жүргізуші: Қазақ биі — ІІІ курс студенті Суюншалиева Үміттің орындауында.
Орындаушы
ІІІ курс студенті — Суюншалиева Үміт
І курс студенттеріне ізгі тілек
2-жүргізуші: Колледж табалдырығын аттағалы тұрған І курс студенттері! Қадамдарыңыз құтты болсын! Сабақтарыңызды жақсы оқып, үлкен жетістіктерге жетулеріңізге тілектеспіз.
Келесі сөз
1-жүргізуші: Келесі сөз кезегі І курс ата-аналары атынан ____________________ беріледі.
Алғашқы қоңырау
Рәсім
2-жүргізуші: Алғашқы қоңырау соғу рәсімі ІІІ курс студенті Джумабеков Тайманға және І курс студенті Нұрлыбекова Гүлжанға беріледі.
Қоңырау соғылып жатқан сәтте...
1-жүргізуші:
Қызыл гүл жайнады төрімде,
Қызықты күнім де, кешім де.
Алғашқы қоңырау дауысы,
Қалады мәңгілік есімде.
1-жүргізуші:
Соғылсын қоңырау, соғылсын,
Сыңғырла мәңгілік, сыңғырла.
Толқыған жүректер тоғыссын,
Толтырып бір арна, бір жырға.
Шаттықтың үніндей мәңгілік,
Соғылсын қоңырау, соғылсын.
Қуаныш әніндей жаңғырып,
Жүректер ақ нұрға толсын.
2-жүргізуші:
Білімнің гүлі ашылған,
Терумен оқып жүр екенбіз.
Бақытқа бізді шақырған,
Қоңырау дауысы — жыр екен.
Жиынды жабу
1-жүргізуші: Осымен Білім күніне арналған салтанатты жиынды жабық деп жариялаймыз!
2-жүргізуші: Келесі кездескенше аман-сау болайық!