Менің арманым - мемлекет мұраты

Менің арманым – мемлекет мұраты
Тезисі: Арман алысқа жетелейді.
Аргументтері: 1 Дәрігер-өте маңызды қызмет иесі, адам өмірін арашасы, адамдар өз өмірін сеніп тапсырады, дәргерге сенім артады.
2.Ұзақ өмір сүрудің сыры.
Қорытынды: Менің де мемлекетімнің де мұраты-дені сау, табиғи денсаулығы мықты халық.

Арман адамды алысқа жетелейді демекші менің де өз армандарым бар. Адам армандаған сайын алдыға ұмтылыс пайда болады, арманының жолындағы қиыншылықтарға қарсы тұрып, оларды жеңу жолдарын ойластырасың. Өйткені, бүгінгі жастың арманы-ертеңгі мемлекет мұраты.
Менің балалық шағымның үлкен арманы- дәрігер болу. Теледидардан дәрігерлердің адам өмірі үшін арпалысқанын, олардың өмірін сақтап қалғанын көріп қатты қызығатынмын. Есейе келе, бұл арман – алға қойған мақсатыма айналды.
Дәрігер - өте маңызды қызмет иесі. Адам өмірін арашалаушы. Көптеген адамдар өз өмірін сеніп тапсырады, саған сенім артады. Олардың үмітін ақтау, емделушінің жанын аман алып қалу аса жауапкершілікті, білімділікті талап етеді.
Қазір мен өз арманымның жолында дайындық үстіндемін. Өзімнің мақсатымды іс жүзінде жүзеге асыру үшін аямай тер төгуім қажет. Ең алдымен жоғары білім алғаннан кейін, үлкен мамандық иесі боламын.
Менің мамандығыма келетін болсақ: Медицина- адамдардың денсаулығын сақтау, нығайту, адамзат қоғамында ұзақ өмір сүруге жетуді көздейтін тәжірибелік іс-әрекеттің және ғылыми білімдердің жүйесі.
Ең алғашқы медициналық қызметтер Ежелгі грек жерінде пайда болған. Сонымен Қатар Римде жеке ғылым болып дамыған. Римдегі медицинаның негізін салушы Гален болып есептеледі. Ол 17 жасынан бастап медицинамен айналысқан. Оның 125-тен астам еңбектері бар. Ең маңыздысы Анатомия туралы, Терапевтік әдістер. Басқа да үлес қосқан ғалымдар бар. Олар: Ибн-Сина, Гиппократ, Әбу Насыр Әл Фараби.
Қазақстанда медицина саласы 1925 жылдан дами бастады. Қазақстандық білім ордалары: Қазақ Ұлттық медицина университеті (Тараз), Венерология ғылым университеті (Ақтөбе), Алматы дәрігерлер білімін жетілдіру университеті, Семей медицина университеті тағы басқа оқу орындары жатады.
Біздің елбасымыз ағымдағы жылдың қаңтар айында елімізге жолдауын жолдады. Бұл жолдауында Мәңгілік ел болу үшін: тұғыры биік, білімі жоғары, денсаулығы мықты халық болуы қажет деп атап өтті. Медицина саласынан үздік 30 ел қатарына кіру көзделуде. 2030 жылға дейінгі стратегия бойынша алдыңғы қатарлы 17 елмен білім алмастыру, тәжірибе алмастыру алға қойылды.
Алдыға қойған ұлы мақсаттары бар, ертеңіне сеніммен қарайтын, рухы биік ел ғана мәңгілік ел болып, ғасырлар бойы жасайды. Бүгінгі мектеп партасында отырған оқушының, болашақ маман иесі студенттің мақсаты арманы мемлекетіміздің гүлденуіне қызмет ету. Елбасы салған сара жолдан таймай, береке мен бірлікте, бейбітшілік пен бақытта өмір сүру. Бұл менің де мемлекетімнің де мұраты.

Пайдаланылған ақпараттар:
1. Елбасының Қазақстанның үшінші жаңғыруы: жаһандық бәсекеге қабілеттілік атты халыққа жолдауы
2. https:www.