Қазақша рефераттар

Бірінші топқа - кіші қазандықты жылу жасаушы

Қазандық агрегаттардың топтасуы (классификациясы) және міндеті

Қазандық агрегат — берілген мөлшерде және белгілі қысым мен температурада бу өндіруге арналған энергетикалық құрылғы (P, МПа, t, °C, D, т/сағ). Бұл құрылғыны бу генераторы деп те атайды, өйткені онда бу генерациясы жүреді. Қарапайым атауы — булы қазан (МемСТ 3619–76 бойынша бекітілген атау).

Егер соңғы өнім ретінде берілген қысым мен температурадағы ыстық су алынып, ол өндірістік технологиялық үдерістерде қолданылса және тұрғын үйлер мен нысандарды жылытуға бағытталса, мұндай құрылғы су жылытқыш қазан деп аталады.

Негізгі жіктелуі

  • Барлық қазандық агрегаттар екі негізгі класқа бөлінеді: булы және су жылытқыш.
  • Бу өндіру (немесе жылу өндіру) деңгейіне қарай олар: кіші, орта, үлкен өнімді болып топтастырылады.

Өнімділігі бойынша топтар

Кіші өнімді
4,6…7,6 МВт және төмен
2,78 кг/с дейін (10 т/сағ)
Орташа өнімді
11…58 МВт
4,45…20,85 кг/с (16…75 т/сағ)
Үлкен өнімді
58 МВт-тан жоғары
75 т/сағ-тан жоғары

Алғашқы екі топтағы қазандықтар көбіне арнайы қазандық үйлерде орнатылады, ал ең жоғары өнімді агрегаттар әдетте ЖЭО (ТЭЦ) құрамында қолданылады. Қуаттың өсуіне байланысты жылытушы қазандықтарда 100 т/сағ (28,8 кг/с) және одан да жоғары өнімді қондырғыларды қолдану тәжірибесі қалыптасты.

Жылу (бу) өндіру диапазондары

Кіші
0,445…5,5 кг/с
(1,6…20 т/сағ)
Орташа
5,5…20,85 кг/с
(20…75 т/сағ)
Үлкен
27,85 кг/с және жоғары
(100 т/сағ және жоғары)

Қазіргі жоғары қуатты энергетикалық агрегаттарға: табиғи циркуляциялы барабанды қазандық агрегаттар (180 кг/с немесе 640 т/сағ дейін) және тура ағынды (тура дәлді) қазандық агрегаттар (700 кг/с немесе 2600 т/сағ дейін) жатады.

Қолданылу салалары

Аз бу жасағыш

Негізінен жылытатын қазандықтарда қолданылады.

Орташа бу жасағыш

Көбіне өндірістік қазандықтарда пайдаланылады.

Үлкен бу жасағыш

Әдетте электр станцияларында қолданылады.

Негізгі жұмыс параметрлері

Су жылытқыш қазандықтар
Су қысымы: 1,6…2,5 МПа
Су температурасы (қазандықтан кейін): 150…260 °C
Булы қазандық агрегаттар
Аз бу жасағыш: 0,9…1,4 МПа
Орташа бу жасағыш: 4,0 МПа дейін
Үлкен бу жасағыш: 14 МПа дейін
Тура ағынды бу генераторлары: 25,5 МПа дейін

Су ысытқыш қазандықта ыстық су көрсетілген температураға дейін дайындалады. Булы қазандық агрегаттарда қаныққан бу да, жиі жағдайда қыздырылған бу да өндіріледі. Жылу, негізінен, отынның жануы есебінен алынады: жану процесі қазандық агрегаттың оттығында жүреді.