Құжат үлгілерін толтырыңыз
Құжат үлгілерін толтыруға арналған тапсырмалар
Төмендегі тапсырмалар іс қағаздарын жүргізу дағдыларын нығайтуға арналған. Әр тармақ бойынша құжатты ресми стильде, нақты әрі сауатты тілмен рәсімдеп жазыңыз.
Назар аударыңыз
- Құжат құрылымын сақтаңыз: кіріспе, негізгі бөлім, қорытынды (қажет болса).
- Күні, нөмірі, адресат/жіберуші деректемелері көрсетілсін.
- Ресми-іскери стиль, қысқа әрі дәл тұжырымдар қолданыңыз.
Бағалау өлшемдері
- Деректемелердің толықтығы және форматтың сақталуы.
- Мазмұнның нақтылығы, қисындылығы, заңдық/ресми тіл нормалары.
- Орфография, пунктуация және терминдердің дұрыс қолданылуы.
Құжаттарды әзірлеу (1–19)
Әр құжатқа бір-бір үлгі жазыңыз. Қажет жерінде мекеме атауын, лауазымды тұлғаларды, күнін және өзге де деректерді шартты түрде көрсетуге болады.
-
1
Жұмысқа қабылдау және жұмыстан шығару туралы бұйрық
Қызметкерді жұмысқа қабылдау және жұмыстан босату бойынша бұйрық үлгісін әзірлеңіз.
-
2
Түсініктеме
Оқиға/жағдай бойынша түсініктеме жазбаның үлгісін жазыңыз.
-
3
Талап (претензия)
Қызмет/тауар сапасына немесе міндеттеменің орындалмауына қатысты талап-хат (претензия) үлгісін жасаңыз.
-
4
Анықтама
Мекемеде жұмыс істейтіні туралы анықтама үлгісін жазыңыз.
-
5
Телефонхат (телефонограмма)
Шұғыл ақпаратты телефон арқылы жеткізуге арналған телефонхат үлгісін жазыңыз.
-
6
Нұсқау
Демалыс кестесіне қатысты нұсқаудың үлгісін жазыңыз.
-
7
Баяндау хат
Белгілі бір мәселе бойынша басшылыққа жолданатын баяндау хат үлгісін әзірлеңіз.
-
8
Сенімхат
Белгілі бір әрекетті орындауға берілетін сенімхаттың үлгісін жазыңыз.
-
9
Мәміле жасауға сенімхат
Мәміле (келісім) жасауға өкілеттік беретін сенімхат үлгісін дайындаңыз.
-
10
Хаттама (протокол)
Жиналыс нәтижесін рәсімдейтін хаттама (протокол) үлгісін жазыңыз.
-
11
Заңсыз әрекетке шағым
Лауазымды тұлғаның (немесе мемлекеттік басқару органының) заңсыз әрекетіне қатысты шағымның үлгісін жазыңыз.
-
12
Талап қою арызы (исковое заявление)
Сотқа жолданатын талап қою арызының үлгісін әзірлеңіз.
-
13
Акт
Сақтауға жатпайтын құжаттарды жою туралы актінің үлгісін жазыңыз.
-
14
Кепілдік хат
Міндеттемені орындауға кепілдік беретін кепілдік хаттың үлгісін дайындаңыз.
-
15
Қызметтік хат
Ұйым ішінде немесе ұйымдар арасында жазылатын қызметтік хаттың үлгісін жазыңыз.
-
16
Түйіндеме (резюме)
Жеке деректер, тәжірибе, білім, дағдылар бөлімдері бар түйіндеме үлгісін жасаңыз.
-
17
Мінездеме
Қызметкердің кәсіби және жеке қасиеттерін сипаттайтын мінездеменің үлгісін жазыңыз.
-
18
Өтініш
Басшылыққа немесе мекемеге жолданатын өтініштің үлгісін әзірлеңіз.
-
19
Құттықтау хат (Наурыз мерекесіне)
Наурыз мерекесіне арналған құттықтау хаттың үлгісін жазыңыз.
Терминдерді аудару (20)
Төмендегі сөздер мен сөз тіркестерін қазақ тіліне аударыңыз. Аудармада ресми-іскери қолданысқа жақын нұсқаны таңдаңыз.