Германияның тізе бүгуі.
Германияның тізе бүгуі. 1945 жылы 30 сәуірде Гитлер өзін-өзі өлтірді. Берлин гарнизоны қарсыласуын тоқтатты. Реймсте Одақтас әскерлер бас қолбасшысы генерал Д.Эйзенхауәр Герман өкіметінің тізе бүккенін қабылдады. Келесі күні Берлинде барлық жеңімпаз елдердін басшыларының катысуымен Германия өкілдіктері тізе бүгу туралы Актіге қол қойды. Дениц үкіметі таратылып, Германияда бүкіл билік одақтастардың қолына көшті.
Қырымдағы келісім бойынша Германияны — кеңестік, американдық, ағылшын, француз — төрт аймағына бөлді. Осы бөлудін нәтижесінде кеңестік аймаққа қарай американдық армия алып жатқан едәуір аумақ жіберілді. Әрбір аймақта билікті 4 жеңіске жеткен мемлекеттердің әскери әкімшілігі жүзеге асырды, жоғары билік одақтастардың бақылау кеңесіне берілді. Потсдам конференциясында жеңілген елдерге қатысты жалпы саясат анықталды. Одақтас державалардың Сыртқы істер министрлер Кеңесіне Германия және оның одақтастарымен бейбіт келісімшарттар әзірлеу тапсырылды.
2. Жапонияның тізе бүгуі. 1944 жылы ағылшын-американ армиясы жапондық басқыншыларды Оңтүстік-Шығыс Азия және Тынық мұхит аймағынан қуып шығу жөнінде көлемді операцияларын бастады. Осы жылы тамыз айында Тынық мұхит соғысында екі жақтың төрт күндік ұрысынан кейін 100-ге жуық кемесі жойылды.
1945 жылдың жазына қарай одақтастар Филиппин аумағының бір бөлігін азат етті. Осыдан кейін американдықтар Жапония қалаларына жаппай шабуыл жасай бастады.
Жапонияның соғыста жеңілгені айдан анық болды. Алайда әскери басшылар оны мойындағысы келмеді. Олар АҚШ талап еткен тізе бүгу туралы шартты қабылдағысы келмеді.
1945 жылы 6 және 9 тамызда американдықтар Жапонияның Хиросима және Нагасаки қалаларына екі атом бомбасын тастады. Жүздеген мың адамдар бірден қаза тапты, ал қалғандары кейін азапты жағдайда жатып көз жұмды. Бұл апат осы күнге дейін көптеген талас-тартыс туғызуда.
КСРО-ның Жапонияға қарсы соғысқа катысуы Ялта мен Потсдам конференцияларында қарады. Еуропадағы соғыс біткеннен кейін үш айдан соң, келісімге сәйкес Кеңестер Одағы 9 тамызда өзін "соғысушы Рейхстаг. 9 мамыр 1945 жылы ел" деп жариялап, Қытай мен Кореяның, Оңтүстік Сахалин мен Курляндияның біраз аумағын тез арада жаудан азат етті.
Көп ұзамай-ақ 15 тамызда Жапония қаруын тастауға дайын екендігі туралы мәлімдеді. 1945 жылы 2 қыркүйекте американдық "Миссури" крейсерінің бортында ол одақтастар алдында тізе бүгу туралы актіге қол қойды. Осылайша Екінші дүниежүзілік соғыстың соңғы нүктесі қойылды.
3. Халықаралық аренадағы күштер арасалмағының өзгерістері. Жалпы адамзаттық қантөгіс осылай аяқталды. Кешегі дандайсыған дұшпандар масқара болып, өлім бағанасына таңылды. Германия, Италия және Жапония жеңілістің ащы көрмек дәмін татты. Бостандық, демократия, адамдық биік абырой идеялары жеңіске жетті. Тәуелді елдер мен халықтар біртіндеп тәуелсіздікке қол жеткізе бастады. Англия, Франция жеңімпаз елдердің арасында болғанына қарамастан, олардың әскери-саяси салмағы едәуір азайып қалды. Екі ел ғана біршама алға шықты. Оның бірі — АҚШ мемлекеті, 1945 жылы оның үлесіне дүниежүзілік өндірістің 50%-ы тиді. АҚШ капиталистік дүниенің көшбасшысы болды. Келесі мемлекет — орасан зор шығынға ұшырағанына және бүлінгеніне қарамастан Кеңестер Одағын айтуға болады. Ол сол кезде өзінің экономикалық қуаты бойынша екінші орын алды. Еуропаның көптеген елдері, сондай-ақ Азияның бірқатар мемлекеттері оның бақылауында болды. Осы кереметтей державалардың әрқайсысы XX ғасырдың келесі онжылдықтарында дүние жүзінің жекелеген елдерін басқаруға әрекет жасады.
Екінші дүниежүзілік соғыс аяқталуға жақындаған сайын одақтас мемлекеттер басшылары Германияны тізе бүктіруге, Жапонияны талқандауға қатысты қимылдарды қарастыруға, сондай-ақ келешектегі халықаралық. қатынастардың негіздерін белгілеуге мән бере бастады. 1944 жылы шілдеде Ф.Рузьвелттің И.Сталинге жазған хатында Ұлыбритания, АҚШ, КСРО жетекшшері бас қосып түйінді мәселелерді талқылау туралы ұсыныс жасаған. Сталин біресе майдандағы жағдайларға, біресе өз денсаулығына байланысты себептермен кездесуге дайын еместігін ескерткен. Мүмкін ол Батыстағы одақтастарының екінші майдан ашқанынан гөрі, кеңес әскерлерінің ірі жеңістерін күткен болар. Сол жылы қазанда У.Черчилль Мәскеуге сапар шеккен. Келіссөзге КСРО-дағы АҚІП елшісі У.А.Гарриман да қатысқан. Бұл жолы олар пікір алысумен шектелсе де, көптеген мәселелер талқыланып, әр елдің көзқарастары анықтала түскен. Үштік одақтың конфе-ренциясын 1945 жылы қыс айларына өткізу белгіленіп, әр жқ ол жоспарларын алға салуға қызу кіріскен.
4. Біріккен Ұлттар Ұйымын құру туралы жоспар. Германия мен оның одақтастарының КСРО-ға шабуылы, сосын Жапонияның АҚШ пен Ұлыбританияға қарсы шапқыншылығы фашистік басқыншыларға қарсы күресуші бірқатар мемлекеттердің бірігуін мәжбүр етті. 1941 жылы тамызда Рузвельт пен Черчилль "Атлантика хартиясын" жариялады. Онда олар соғыстың ресми мақсатын анықтады. Бұл құжат антигитлерлік коалицияның бағдарламалық деректерінің негізі болды. "Атлантика хартиясы" демократиялық елдердің аумақтық тұтастығын, бірлігін, өздеріне тиісті басқару жүйесін, жаппай қауіпсіздіктің сенімді жүйесін бекіту ұстанымдарын қолдайтынын айқындады. «Атлантика хартиясын» Кеңес Одағы да жақтады. Сөйтіп, бірте-бірте антифашистік, антигитлерлік коалиция қалыптаса бастады. Оның негізін әр түрлі қоғамдық жүйедегі үш ірі держава —
Ұлыбритания, АҚІП және КСРО-ның қарым-қатынасы құрастырды. Антигитлерлік коалицияға басқа да көптеген мемлекеттер қосылды.
1941 жылы 11 желтоқсанда Германия мен Италия АҚШ-қа соғыс жариялады. Соғыс шеңберінің кеңеюі және фашистік саясаттың дамуы антифашистік коалицияның нығаюын талап етті. 1942 жылы 1 қаңтарда 26 мемлекеттің өкілдері, оның ішінде КСРО, АҚШ, Англия және Еуропа мемлекеттері, Латын Америкасы елдері "Атлантикахартиясы" ұстанымдарының мақсатына қосыла отырып, Біріккен Ұлттар Ұйымын құру туралы Мәлімдемеге қол қойды.
Одан кейін антигитлершілдер коалициясының басты міндеті Еуропада екінші майдан ашып, соғысты аяқтау мерзімін қысқарту болды.
Ол талап шешілген жағдайда жаңа мәселелерді алдын ала талқылау қажеттігі туды. Одақтастар Қырымда отырыс өткізуге дайындалды.
Тегеран конференциясы
Екінші дүние жүзілік соғыстың басталуы
Үшінші рейхтың соғысқа әзірленуі
Франк- Прусс соғысының басталуы
Потсдам конференциясының ашылуы
Ұлы отан соғысы (1941-1945 жж.)
Екінші дүниежүзілік соғыс туралы
Екінші дүниежүзілік соғыстың басталуы
Екінші дүниежүзілік соғыстың аяқталуы туралы
Бiрiншi дүниежүзiлiк соғыс. Дүниежүзiн қайта бөлiске салу
Германияның Кеңес Одағына байланысты жоспары
Германияның 1949 жылғы Конституциясы
1219 жылы Корея патшалығы Шыңғыс хан әскерлерінен тізе бүкті
Райымбектің үнемі Ұлы жүз қолының атақты батырларымен тізе бүктіре отырып, ата мекенді жаудан тазартудағы ерліктері - ұрпаққа үлгі боларлықтай
Отто фон Бисмарк - Германияның темір канцлері