Шеңбер мен түзудің түйіндесуі

Әдістемелік нұсқаулық

Инженерлік графика пәні бойынша 1 және 2 межелік бақылауға арналған тапсырмалар

Қазақстан Республикасы Білім және ғылым министрлігі • Семей қаласының Шәкәрім атындағы мемлекеттік университеті • «Тамақ өндірісінің машиналары мен аппараттары» кафедрасы • Семей, 2016

Жұмысты рәсімдеу талаптары

Әр білімалушыға оқу барысында жеке тапсырмалар беріледі; олар пәннің барлық негізгі бөлімдерін қамтиды.
Жұмыс теорияны меңгеру деңгейін және оны практикалық есептерде қолдана алу қабілетін көрсетеді.
Тапсырмалар A4 форматында орындалып, есептеу‑графикалық жұмыстарға қойылатын талаптарға сай рәсімделуі тиіс.
Өздік жұмыс анық әрі ұқыпты жазылуы қажет.
Сыртқы бетінде: білімалушының аты‑жөні, мамандығы, курсы, тобы, нұсқа нөмірі және тапсыру уақыты көрсетіледі.
Есептерді шешу кезінде қысқаша түсіндірме беріледі, қолданылған формулалар міндетті түрде көрсетіледі; сызбалар масштаб сақтай отырып орындалады.
Жұмыстың соңында пайдаланылған әдебиеттерге сілтеме жасау қажет.

Нұсқаларды таңдау тәртібі

Бақылау есептерінің нөмірі сынақ кітапшасының соңғы саны бойынша (кесте 1) анықталады. Есептердегі шамалардың сандық мәндері сынақ кітапшасының соңғы санының алдындағы сан бойынша (кесте 2) алынады.

Есептерді шығаруға қажетті жетіспейтін параметрлерді ұсынылған оқулықтардың қосымша кестелерінен немесе басқа анықтамалықтардан алуға болады.

Тапсырмаларды белгіленген график бойынша орындасаңыз, туындаған сұрақтарға ОБӨЖ барысында жауап беріледі.

1 межелік бақылауға арналған тапсырмалар

Негізгі тақырыптар

Геометриялық сызбалар. Конустылық. Түйіндесулерді салу
Үшбұрыш пен түзудің қиылысуы
Проекциялық сызба. Бөлшектің үш көрінісін тұрғызу
Үш көрініс негізінде бөлшектің аксонометриясын тұрғызу

Түйіндесу: анықтама және негізгі ережелер

Бір сызықтың екінші сызыққа біркелкі (жұмсақ) ауысуы түйіндесу деп аталады. Біркелкі ауысу жүзеге асатын нүкте түйіндесу нүктесі болады. Біркелкі ауысуды салу үшін түйіндесудің радиусын, орталығын және нүктесін анық білу қажет.

Түзу мен шеңбер

Түйіндесуді салғанда түзу шеңберге тек жанасқан жағдайда ғана біркелкі ауысу орындалатынын ескеріңіз. Түйіндесу нүктесі берілген түзуге перпендикуляр болатын радиус бойында жатады.

Екі шеңбер

Егер шеңберлер өзара жанасатын болса, бір шеңберден екіншісіне ауысу сызығы біркелкі болады. Түйіндесу нүктесі шеңберлердің центрлерін қосатын түзу бойында орналасады.

Түйіндесудің негізгі түрлері

Екі түзудің түйіндесуі
Шеңбер мен түзудің түйіндесуі
Екі шеңбердің түйіндесуі

Пайдаланылған әдебиеттер

Ы. А. Нәби. Сызба геометрия және инженерлік графика. Алматы, 2010. 5–24-беттер.
А. А. Чекмарев. Задачи и задания по инженерной графике. Москва. Начертательная геометрия. Под ред. Крылова Н. Н. М.: 1990. 240 с.
Есмұханов Ж. М. Сызба геометрия есептері. Алматы, 1995. 272 б.
Ақпанбетов Ғ. Сызба геометрия. Алматы.

2 межелік бақылауға арналған тапсырмалар

Құрастыру және қосылыстар

Ажыратылатын қосылыстар
Ажырамайтын қосылыстар
Құрастырма сызбаны оқу. Жұмысшы сызбаларға өлшемдер қою
Құрастырма сызбаның спецификациясын орындау

Zharar.kz