Менеджердін берген компаниялары бойынша іздестіре бастаым

Таңертең тәжірибе өтіп жатқан орныма келіп, агенттіктің жарнаманың барлық түрімен айналысатынын, сондықтан әртүрлі ұйымдардан ұсыныстар үнемі түсіп тұратынын байқадым. Агенттіктің басты міндеті — тапсырыстарды қысқа мерзімде орындау.

Атқарушы директордың нұсқауымен мені жарнамалық менеджердің көмекшісі ретінде тағайындады. Сол күннен бастап біз әлеуетті клиенттерді іздеуге кірістік.

Әдеттегідей таңертең келіп, күндік жоспарымды құрастырдым. Тапсырма беруші компаниялар мен ұйымдарды іздеуді жалғастырдық. Менің жұмысымның басым бөлігі телефон арқылы сөйлесуге байланысты болды.

Алғашқы күні-ақ бұл істің оңай еместігін түсіндім: әр жұмыстың өз икемі бар, ал менде тәжірибе жеткіліксіз еді. Күн соңында қателіктерімді саралап, келесі күнге қорытынды жасап қайттым.

Бұл күндері күн сайын таңертең өз орныма отырып, тұтынушыларды телефон арқылы іздеумен айналыстым. Жұмыстың қызығы — көптеген адамдармен байланыс орнату: жүзбе-жүз кездеспесем де, телефон арқылы танысып, диалог жүргізуді үйрендім.

Істеген еңбегім зая кеткен жоқ. Ұсыныстарыма құлақ асып, кейінірек жауап беретінін айтқан ұйымдар болды. Күннен-күнге тәжірибем артып, сенімдірек сөйлей бастадым.

Бұл күні сәттілік серік болды: мен жасаған ұсыныстардың бірін «Барыс» корпорациясы қабылдады. Олардың нұсқауы бойынша мәтіндік бөлігін өздері беретін болды, ал визуалды безендіруді біз өз мойнымызға алдық.

Дәл сол кезеңде агенттікте дизайнер болмай қалғандықтан, мен белсенділік танытып, Абай атындағы Қазақ ұлттық педагогикалық университетінің халықаралық бөлімімен келісім жасап, бірлесіп жұмыс істеуді ұсындым. Олар да ұсынысымызды қабылдады.

19 ақпанда «М-Транс» ЖШС фирмалық логотипін кішігірім газ баллондарында және кеңседегі үстел үстіне қойылатын пластик бұйымдарда типография әдісімен жасауға тапсырыс берді. Олар жұмысты қысқа мерзімде аяқтауды сұрады.

Біз алдыңғы тапсырмаларды уақытша шегеріп, осы тапсырысқа жедел кірістік. Бұл жолы барлық бөлімдердің мамандары қатысқанын айтуға болады. Нәтижесінде жұмысты уақытында орындап, клиенттің көңілінен шығатындай сапада тапсырдық.

Бұл күндері агенттікке жаңа ұсыныстар түсті: қаламыздағы «Керемет» атты ірі магазин желілерінің бір филиалы жаңадан ашылғалы жатыр екен. Олар ашылу салтанатын ұйымдастыруды және сыртқы жарнамалық щиттер жасауды тапсырды.

Алдымен бәріміз жиналып, жұмыс жоспарын құрып, әркімнің міндетін нақтылап алдық. Ең әуелі жарнамалық щиттерді дайындадық. Ашылар күннің алдында нысанға барып, салтанатқа дайындық жүргіздік: жүргізушімен келісіп, шарларды іліп, музыкалық безендіруге атсалыстық. Екі күннің қалай өткенін байқамай да қалдым.

Бұл күнді қала ішінде жүріп өткіздім деуге болады. Агенттік көптеген газеттермен бірлесіп жұмыс істейді екен. Тапсырыс берілген материалдардың жариялану мерзімі өтіп кетпес үшін, қайта тапсырыс беру және шығу күндерін нақтылау қажет болды.

Сол себепті бас менеджермен бірге қаладағы газет редакцияларын аралап, мерзімдер мен шарттарды нақтылап қайттық.

Бұл күні агенттік корпоративтік кеш ұйымдастырды. Себебі атқарушы директордың туған күні болатын. Күндіз кеңседе болып, ішін безендіріп, сыйлық табыстап, құттықтау сөздер айтып, көңіл көтердік.

Кешке қарай мерекені мейрамханада жалғастырдық. Компанияның барлық қызметкерлері және директордың достары жиналды. Жалпы кеш өте жоғары деңгейде өтті. Сол сәтте мен корпоративтік рухтың маңызын бұрынғыдан да жақсырақ түсіндім.

Бұл күні әріптестеріміздің бірі «Тау самалы» компаниясымен жаңа келісімдер жасады. Бұрынғы жобаларымызға өзгерістер енгізіп, толықтырулар жасадық.

Клиент жаңа жоба ұсынып, жарнаманы тарату жолдарын кеңейтуді сұрады. Біз «клиент әрқашан дұрыс» қағидасын ұстана отырып, жаңа тарату арналарын қарастырдық. Соның нәтижесінде мен қайтадан клиенттермен байланыс орнату жұмысына кірістім.

Бұл күндері ұжым болып кеңсені көшірумен айналыстық. Қаланың бір шетінен екінші шетіне қоныс аудару оңайға соқпады: заттарды жинап, тасымалдап, жаңа кеңседе қайта орналастыруға уақыт кетті.

Екінші наурыз — практикамның соңғы күні болды. Мен ол жерде жай ғана практикант болсам да, ұжым мені толыққанды қызметкердей қабылдады. Бұл орта маған қатты ұнады, әрі мен көптеген пайдалы нәрсе үйрендім.

Адамдармен дұрыс сөйлесу, байланыс орнату, келіссөз жүргізудің алғашқы дағдыларын меңгердім. Осы тәжірибеден жақсы нәтиже алдым деп ойлаймын және алдағы уақытта үйренгендерім маған міндетті түрде көмектеседі деп үміттенемін.