Орталығы Шымкент қаласы

Оңтүстік Қазақстан облысы әкімшілік-аумақтық бірлік ретінде 1932 жылғы 10 наурызда құрылды. Ол республиканың оңтүстігінде, Сырдария алабында орналасқан.

Облыс солтүстігінде Қарағандымен, батысында Қызылордамен, шығысында Жамбылмен, ал оңтүстігінде Өзбекстан Республикасымен шектеседі.

Әкімшілік құрылымы: 11 аудан, 8 қала, 13 кент және 932 ауыл. Елді мекендер 132 ауылдық және 13 кенттік округке бөлінген. Облыс орталығы — Шымкент.

Оңтүстік өңірі республикадағы халқы ең көп аймақтардың бірі ғана емес, сондай-ақ байырғы тарихи-мәдени орындарының молдығымен ерекшеленеді. Бұл топырақта Отырар қамалы, түркі жұртына мәлім болған бұрынғы Иассы (қазіргі Түркістан) сияқты киелі мекендер орналасқан.

Табиғи жағдайлары да алуан түрлі: қысы қаталдау, жазы салқындау Түлкібас өңірінен бастап, шаруашылығы қуатты Жетісай аймағына, сондай-ақ жайма-шуақ Түркістан маңына дейін табиғи-географиялық айырмашылық айқын сезіледі.

Ерте дәуірлерден-ақ Отырар, Түркістан, Сайрам, Шымкент сияқты қалаларымен қатар Қаратау мен Алатау, Мырзашөл мен Қызылқұм, Созақ пен ҚазығұртСырдария мен Арыс сияқты табиғи нысандар кеңінен танылған.

Ғылыми деректер Қаратаудың күнгей және теріскей беттері адамзаттың миллион жыл бұрынғы мекені болғанын да көрсетеді.

Оңтүстік өлкесі — қасиетті орындар, кесене-күмбездер және тарихи-мәдени ескерткіштер көбірек сақталған аймақ. Әр ескерткіш өз дәуірінің дерегін, өз заманының үнін жеткізеді.

2000 жылы Түркістанның он бес ғасырлық шежіресі аясында Қожа Ахмет Ясауи мұрасына кеңінен назар аударылды. Тәуелсіздіктің 10 жылдығымен тұспа-тұс келген әл-Фарабидің 1130 жылдық мерейтойы да маңызды мәдени оқиға ретінде аталып өтті.

Қазақстанның өзге өңірлері сияқты, оңтүстік аймақ та тарихтың талай сындарлы кезеңдерін, қиын-қыстау уақыттарын бастан өткерді.

Облыстың өндірістік-экономикалық мүмкіндіктері едәуір. Негізгі тіректер — табиғи қорлардың молдығы және еңбек ресурстарының жеткіліктілігі.

Өңірден басқа аймақтарға жеткізілетін өнімдер:

• мақта, тері шикізаты, өсімдік майы;
• жүзім, бау-бақша өнімдері;
• макарон өнімдері, темекі, сыра және өзге алкогольсіз сусындар.

Өңірде өндірілетін негізгі өнеркәсіп өнімдері:

Облыс орталығы арқылы халықаралық және өңіраралық бағыттар өтеді: Орынбор—Ташкент, Шымкент—Тараз—Алматы, сондай-ақ Ташкент—Шымкент және Түркістан—Самара автомагистральдары.