САБЫР ТҮБІ — САРЫ АЛТЫН
Мемлекет басшысы Н. Назарбаевтың еліміздегі телеарналар басшыларымен сұхбатында қазақ тілінің жағдайына қатысты айтқан салмақты ойлары маған өткен ғасырдың 90-жылдарындағы қым-қуыт кезеңді қайта еске салды. Егемендігіміз жарияланып, ұлттық мүддеге қатысты мәселелер біртіндеп шешіле бастаған тұста кейбір тіл жанашырлары мәселенің байыбына бармай-ақ, қызбалыққа беріліп кететін. Жиындарда олар эмоциямен сөйлеп, күрделі түйіндердің бір мезетте шешілуін талап еткен сәттерге талай куә болдық.
Асығыстық пен уақыттың таразысы
Ұлттық намыстың оянуы — құптарлық құбылыс. Бірақ кез келген істің өз ретімен атқарылатын кезеңі бар. Қанша асықтырғанмен, уақыт атты ұлы құдіретке бағынатынымызды ұмытпау керек. Әсіресе қоғамдық келісім мен тұрақтылық сынға түскен сәттерде эмоцияға ерік берудің салдары ауыр болуы мүмкін.
Ұлттық намыс ел тәуелсіздігін одан әрі нығайтуға қызмет етуі тиіс.
Петропавлдағы бұрынғы ахуал
Ол жылдары облыс орталығы — Петропавлда бір ғана ұлттық мектеп болды. Қазақ ата-аналары балаларын оқыту үшін амалсыздан орыс мектептеріне беретін. Балабақшада орысша тәрбиеленген балаға ана тілін меңгеру қиынға соғатыны бәрімізге мәлім еді.
Сол кезеңде бәріміз жан-жақтан шу көтерсек, онсыз да арамызға от тастауға дайын сепаратистік пиғылдағы топтардың күшеюіне жол ашып алу қаупі бар болатын. Сондықтан солтүстіктегі ағайынның дабылға ермей, сабыр сақтап, жағдайдың орнығуын күткені рас. Бәріне уақыт төреші.
Бүгінгі өзгеріс: салыстыруға келмейтін деңгей
Ұлттық мектептер
6
Облыс орталығында алты ұлттық мектеп жұмыс істейді.
Балабақшалар
Қазақ тілі
Қазақ тілі тереңдетіп оқытылады, жүйелі орта қалыптасып келеді.
Мәртебе мен қолдау
Артып келеді
Ана тіліміздің мемлекеттік мәртебесі нығайып, үлкен қолдау табуда.
Бүгін қазақ тіліне деген ынта-ықыластың түбірімен өзгергенін көріп отырмыз. Қазіргі жағдайды бұрынғымен салыстыру қиын.
Орталық тәжірибесі: нақты мысалдар
Алысқа ұзамай-ақ, өзім жетекшілік ететін орталықтың тыныс-тіршілігінен мысал келтірейін. Бізде қазақ тілін оқып-үйренуге барлық жағдай жасалған. Бұған дейін бір ғана мультимедиялық кабинет жұмыс істесе, екіншісін орнатуға облыс әкімі С. Біләлов 5 миллион теңге бөлдіртіп, кабинет жуырда іске қосылды.
Материалдық база
- Компьютер
- 26
- Интерактивті тақта
- 2
- Оқу топтары
- 105
- Тыңдаушы
- 1500+
Сондай-ақ бірнеше грамматикалық стендтер оқу процесін жүйелеуге және көрнекі түрде түсіндіруге көмектеседі.
Оқыту тәсілі
Қазақ тіліне ынта білдірушілер үш деңгейлі бағдарлама бойынша оқытылады. Бұл тәсіл тыңдаушылардың дайындық деңгейін ескеріп, нәтижеге кезең-кезеңімен жетуге мүмкіндік береді.
Түйін: сабыр — нәтижеге бастайтын жол
Елбасы атап өткендей, ұлттық намыс тәуелсіздікті бекемдеуге қызмет етуі керек. Асықсақ та, аптықпаған жөн. “Сабыр түбі — сары алтын”. Сабырлы адам көздеген мұратына жетеді, ал сабырсыздың ұятқа қалатыны белгілі.
Айбала МӘЖЕНОВА
Солтүстік Қазақстан облыстық мемлекеттік тілді оқыту орталығының директоры
Петропавл