Қазақша рефераттар

ДИПЛОМДЫҚ ІС – ТӘЖІРИБЕНІҢ МАЗМҰНЫ туралы

Дипломдық іс-тәжірибе мазмұны

Мен, Баубекова Лаура, өндірістік іс-тәжірибемді №114 Т. Бегманова атындағы орта мектепте 02.02.2009–01.03.2009 аралығында өткіздім. Іс-тәжірибені осы мекемеде бастау үшін ең алдымен техникалық қауіпсіздік талаптарын меңгеру қажет болды. Алғашқы күндері қауіпсіздік бойынша нұсқаулық өткізіліп, одан кейін мамандығыма қатысты тапсырмалар берілді.

Мектеп құрылымы және жұмыс тәртібімен танысу

03.02.2009–05.02.2009

Бұл күндері мектептің бөлімдерімен, қызметкерлерімен, жұмыс барысы мен ішкі тәртібімен, сондай-ақ мектеп тарихымен кеңінен таныстым. Мектептің алғашқы құрылған кезеңінен бастап қазіргі уақытқа дейінгі деректермен танысу мен үшін ерекше қызықты болды.

Қызметкерлермен танысып, негізгі жұмысым өтетін бөліммен және бухгалтерлік кабинетпен байланыс орнаттым. Әріптестерім жұмыс үдерісін, мақсаттарын толық түсіндіріп, жұмыс істеу үшін жеке компьютер бөліп берді.

Бөлім жұмысының негізгі мақсаты

  • Жұмысқа орналасуға келген азаматтарды күзетшілік қызметіне орналастыру.
  • Қызметкерлерді өз міндеттерімен, жауапкершілігімен және жұмыс ережелерімен таныстыру.
  • Қызметкерлер арасында міндеттерді бөлу және құжат айналымын реттеу.

Техникалық қауіпсіздік және өрт қауіпсіздігі

06.02.2009–07.02.2009

Бұл күндері техникалық қауіпсіздік және өрт сөндіру ережелерімен қайта таныстым. Арнайы екі сағат алғашқы көмек көрсету дағдыларына бөлінді, сондай-ақ өрт сөндіру кезінде қолданылатын жабдықтардың орналасуы көрсетілді. Мекеме қазіргі заман талабына сай өртке қарсы жабдықтармен қамтамасыз етілген.

Электр тогынан зақымдалғанда

  • Тез арада электр қуатын өшіріп, зақымдалған адамды сымнан босату.
  • Тыныс алуы тоқтаса, дәрігер шақырып, жасанды тыныс алдыруды минутына 16–18 рет бірқалыпты жүргізу (тыныс қалпына келгенше).

Өрт жағдайында

  • Өрт сөндіргіш құралдармен жұмыс істей алу.
  • Эвакуация жолдарын білу және белгіленген тәртіпті сақтау.

ЭЕМ кабинетіндегі негізгі ережелер

  1. Қауіпсіздік техникасы ережелерін қатаң сақтау.
  2. ЭЕМ сымдарына рұқсатсыз тимеу.
  3. Суланған қолмен немесе ылғал киіммен компьютерде жұмыс істемеу.
  4. Зақымдалған сымдары бар немесе ақауы бар құрылғылармен жұмыс істемеу.
  5. Жағымсыз иіс, дыбыс немесе түтін байқалса, компьютерді өшіріп, жауапты тұлғаға хабарлау.
  6. Компьютерді қосулы күйде қараусыз қалдырмау және басқа адамдардың назарын әдейі аудармау.
  7. Құрылғы үстіне кітап, дәптер, киім және өзге заттарды қоймау.
  8. Жұмыс кезінде сырттан кірген адамға бола орнынан тұру міндетті емес (тәртіпті бұзбау).
  9. ЭЕМ кабинеттеріне рұқсатсыз кірмеу.

Компьютерлер және техникалық жабдықтар

10.02.2009–12.02.2009

Мектептегі жоғары технологиялар жұмыс процесінің ажырамас бөлігі екенін байқадым. Әсіресе компьютерлер және қосымша құрылғылар (принтер, сканер, модем және т.б.) маңызды рөл атқарады.

ЭЕМ құрылғыларының саны

  • Монитор2
  • Пернетақта2
  • Тінтуір2
  • Жүйелік блок2
  • Принтер1
  • Сканер1

Бағдарламалық қамтамасыз ету

Компьютерлерде әртүрлі офистік бағдарламалар және мекеме қызметіне қажетті арнайы бағдарламалар орнатылған.

Бағдарламалармен жұмыс және жалақыны есептеу

13.02.2009–14.02.2009

Бұл кезеңде мектептің компьютерлік бағдарламаларымен, бағдарламалық жабдықтарымен және кейбір банктік жүйелермен таныстым. Осы бағдарламалардың көмегімен күзет қызметкерлерінің айлығын есептеп, банк арқылы тиісті шоттарға аудару жұмыстарына қатыстым.

Архив деректерін талдау және қорытындылау

17.02.2009–19.02.2009

Мектептің жұмыс істей бастаған кезеңінен бастап түлектер туралы архивтік деректерді қарадым. Архивтен алынған мәліметтерді компьютерге енгізіп, әр жыл бойынша қорытынды дайындадым.

SCSELL жүйесі және зейнетақы аударымдары

20.02.2009–21.02.2009

Осы күндері мектептің ЭЕМ-дерінде орнатылған бағдарламалармен, әсіресе күнделікті жиі қолданылатын SCSELL жүйесінде жұмыс істедім. Сонымен қатар қызметкерлердің жалақысынан зейнетақы қорына аударылатын 10% мөлшеріндегі міндетті аударымды есептеу тәртібімен таныстым.

Соңғы күні бұрын танысқан бағдарламаларды қайта қарап, оқу орнына тапсыратын есеп үшін материалдарды жүйеледім.

Дипломдық жұмыс бойынша қорытынды есеп

21.02.2009–28.02.2009

Осы кезеңде дипломдық жұмыс тақырыбы бойынша бағдарламалық жүйенің сипаттамаларын компьютерде рәсімдедім. Атқарылған жұмыстарды қорытындылап, MS Word ортасында тәжірибе есебін дайындадым.