Сапа менпеджмент жүйесінің элементтері
СМЖ тиімділігін талдау және жауапкершілікті бөлу
Сапа менеджменті жүйесінің (СМЖ) құжаттамалары бөлімшелер бойынша әзірленіп, бекітіліп және әрекетке енгізілгеннен кейін, әрбір қызметкердің атқарымдық жауапкершілігі нақты бөлінеді. Сонымен қатар ИСО талаптары бойынша оқытулар өткізіледі, аммоний перренатын өндірудің толық технологиялық схемасы үшін сынақтар мен бақылауларды жүргізу жөніндегі нұсқаулық процедуралар айқындалып, сәйкестендіріледі.
Осы жұмыстардың нәтижесінде сапа бойынша жазбалар жүргізіледі, ал кәсіпорынның білікті мамандары орындайтын ішкі аудиттер негізінде нақты өндіріс үшін СМЖ тиімділігі жетекшілік тарапынан талданады.
Талдау бағыттары және жауапты тұлғалар
-
Технологиялық процесті аналитикалық бақылау сапасы — Орталық аналитикалық зертхана бастығы.
-
Процесс параметрлері мен режимдерін сақтау — кәсіпорынның бас металлургы.
-
Шикізатты алу және дайындау, технологиялық сынамалар алу, КИ негізінде процестің соңғы өнімдерін алу — ӨТБ бастығы.
-
Технологиялық процесті метрологиялық бақылау сапасы, жөндеу мерзімдері, бақылау-өлшеу аспаптарын тексеру — кәсіпорынның бас метрологы.
-
Жоспарлы-ескертуші жөндеулердің сапасы — корпорацияның бас механигі.
-
Персоналдың кәсіби дайындығы, оқытылуы және біліктілігін арттыру сапасы — кәсіпорынның кадрларды жинақтау және дайындау бөлімі бастығы.
Жүргізілген ішкі аудиттердің нәтижелері бойынша кәсіпорын жетекшілігіне есептер дайындалады. Бұл есептер кәсіпорынның Техникалық кеңесінде қаралып, жоғарыда аталған процестерді жақсартуға бағытталған түзетуші және ескертуші әрекеттер қабылданады.
Ескертуші және түзетуші әрекеттер: ұғымдар және тәртіп
Сапа менеджменті жүйесінің нәтижелілігін арттыру үшін ескертуші және түзетуші әрекеттерді қабылдау арқылы ықтимал немесе анықталған сәйкессіздіктердің себептерін жою тәртібі белгіленіп, бекітілуі қажет.
Сәйкессіздік
Талаптардың орындалмауы.
Ақау
Болжанған немесе нақты пайдалануға байланысты талаптардың орындалмауы.
Ескертуші әрекеттер
Ықтимал сәйкессіздіктердің немесе басқа ықтимал қолайсыз жағдайлардың себептерін жоюға бағытталған әрекеттер.
Түзетуші әрекеттер
Анықталған сәйкессіздіктің немесе басқа қолайсыз жағдайдың себептерін жоюға бағытталған әрекеттер.
АҚ «ӨК «Южполиметалл» кәсіпорнында ескертуші және түзетуші әрекеттер процестерін басқару үшін 2 құжаттамаланған процедура әзірленген.
Осы құжатталған процедураларға сүйене отырып, әрбір құрылымдық бөлімше өз жұмыстарында немесе өндірілетін өнімнің сапасында сәйкессіздіктер байқалған жағдайда қабылданатын ескертуші және түзетуші әрекеттер жоспарын әзірлеп, бекітеді.
Төменде әрбір құрылымдық бөлімше үшін ескертуші және түзетуші әрекеттерді әзірлеу және бекітуге арналған үлгі келтіріледі.