Суретке мәтіндер енгізу
Сабақтың өтілу барысы
Бұл сабақта Paint бағдарламасындағы негізгі командаларды тәжірибемен ұштастыра отырып қарастырамыз: редакциялау, болдырмау/қайталау, сақтау/ашу және мәтін енгізу.
I кезең. Қызығушылықты ояту
Ұйымдастыру
Оқушылардың назарын сабаққа аудару, жұмысқа бағыттау.
Психологиялық дайындық
- Сабақ басында қандай көңіл күйде боламын?
- Сабақ ортасында қандай көңіл күйде боламын?
- Сабақ соңында қандай көңіл күйде боламын?
Үй тапсырмасын тексеру (сұрақтар)
- Графикалық редактор не үшін қажет?
- Paint графикалық редакторын қалай іске қосамыз?
- Paint терезесінің негізгі элементтерін атаңыз.
- Сурет салу қандай кезеңдерден тұрады?
- Сурет салу түсін қалай таңдауға болады?
- Фон түсін қалай өзгертеміз?
- Құю құралын қолданғанда қай жағдайда бояу бүкіл аймаққа (не экранға) төгіліп кетеді?
II кезең. Мағынаны тану
Бүгінгі сабақта Paint графикалық редакторының негізгі командаларын қарастырамыз. Редакциялау — суретті өңдеу және толықтыру.
Түзету (Правка): Болдырмау
Болдырмау (Отменить) — соңғы әрекетті кері қайтару командасы.
- Жұмыс ойдағыдай шықпаса, суреттің басқа бөлігін бүлдірмей соңғы әрекеттерді алып тастау үшін.
- Құю құралымен бір бөлікті бояғанда бояу бүкіл суретке тарап кетсе.
- Өшіргішпен өшіріп қойып, кейін ойың өзгерсе.
Ескерту
Paint бағдарламасында әдетте соңғы 3 әрекетті ғана болдырмауға болады.
Түзету (Правка): Қайталау
Қайталау (Повторить) — болдырылған әрекетті қайта қолдану командасы.
Пернетақта жарлықтары
Суреттерді сақтау
Суретті кейін қайта қолдану үшін оны файлға сақтаймыз. Paint бағдарламасында файлдың кеңейтілуі көбіне .bmp форматында болады.
Сақтау қадамдары
- 1 Файл мәзірін ашу.
- 2 Сақтау немесе Сақтау қалай... командасын таңдау (Файл → Сохранить / Сохранить как).
Сақталған суретті ашу
Файл → Ашу (Открыть) командасын орындап, ашылған терезеден қажетті файлды таңдаймыз.
Суретке мәтін енгізу
- 1 Надпись (Жазу) құралын таңдаймыз.
- 2 Мәтін енгізілетін аймақты белгілейміз.
- 3 Мәтінді енгіземіз.
- 4 Егер Шрифт (қаріп) параметрлері көрінбесе, оны Вид → Панель атрибутов текста арқылы қосамыз.
III кезең. Ой толғаныс
Оқушылар жаңа білімді практикада қолдану арқылы бекітеді, өз идеяларын сурет арқылы жеткізуді үйренеді.
IV. Практикалық жұмыс
- Кітаптың 123–125 беттеріндегі «Өзің орында!» тапсырмаларын орындау.
- Тақырып бойынша сурет салу және қысқа әңгіме құрастыру: 1) Туған жер, 2) Қыс.
V. Шығармашылық тапсырма
Қазақ суретшілері туралы реферат дайындап келу:
- Әбілхан Қастеев
- Гүлфайрус Мәнсүрқызы Ысмайлова
- Тілек Халин
- Серік Мәтениязов
VI. Венн диаграммасы
Paint графикалық редакторымен салынған сурет пен сурет салу дәптеріндегі суретті салыстырып, ұқсастықтары мен айырмашылықтарын Венн диаграммасы арқылы көрсету.
VII. Қорытындылау (бақылау сұрақтары)
- 1 Болдырмау командасы қашан орындалады?
- 2 Мәтін (жазу) енгізу қалай орындалады?
- 3 Суреттерді қалай сақтаймыз?
VIII. Үйге тапсырма
§4.3 тақырыбы. Сыныптың немесе өз пәтеріңіздің жоспарын салыңыз. Кейбір элементтерін атап жазыңыз (үстел, шкаф және т.б.).
IX. Рефлексия
- Сабақта не есіңізде қалды?
- Бүгінгі сабақ сізге ұнады ма?
- Бүгінгі сабақта нені үйрендіңіз?
- Тапсырманы орындауда қандай қиындықтар болды?
- Қиындықты қалай жеңдіңіз?