Қазақша рефераттар

Сабақты пысықтау

Алгебра • 9-сынып

Сабақ тақырыбы: Квадрат теңдеуді шешу әдістері

Бұл сабақ жоспары квадрат теңдеулерді шешу тәсілдерін жүйелі түрде меңгертуге, білімді бекітуге және оқушылардың логикалық ойлау дағдыларын дамытуға бағытталған.

Сілтемелер мен ресурстар

  • Алгебра 8-сынып оқулығы
  • Мұғалімдерге арналған әдістемелік нұсқаулық
  • Интернет ресурстары

Жалпы мақсат

Оқушыларға тақырып бойынша толық әрі терең білім беру; алған білімдерін жинақтау, жүйелеу және бекіту. Логикалық ойлау қабілеттері мен дағдыларын жетілдіру, математикаға қызығушылықты арттыру. Оқуға жауапкершілікпен қарауға және өз бетінше еңбектенуге тәрбиелеу.

Оқу нәтижелері

  • Өз пікірін айтуға және өзгенің ойын құрметтеуге үйренеді.
  • Пікірталас жүргізу мәдениетін қалыптастырады.
  • Топпен жұмыс арқылы еркін ойлауға және сенімді сөйлеуге дағдыланады.

Туындайтын идеялар

Квадрат теңсіздіктерді интервалдар әдісімен шешу барысында берілген тапсырмаларды топта талқылап шығару оқушылардың түсіну деңгейін тереңдетіп, білімін толықтыра түседі.

Сабақ құрылымы мен тапсырмалар

12 кезең
  1. 1
    Ұйымдастыру кезеңі
    Көтеріңкі көңіл күй қалыптастыруға арналған психологиялық тренинг.
  2. 2
    Үй жұмысын тексеру
    Слайд арқылы өзара тексеру және бағалау: әр дұрыс жауап — 1 ұпай (7 минут).
  3. 3
    Қайталау
    «Қайталау — оқу анасы» сәйкестік тесті.
  4. 4
    Ой қозғау
    Топтастыру стратегиясы, математикалық домино ойыны және бақылау сұрақтары.
  5. 5
    Жаңа тақырыпты өздігінен түсіндіру
    Оқушылар тақырып мазмұнын өз сөздерімен түсіндіріп, негізгі ұғымдарды нақтылайды.
  6. 6
    Сергіту сәті
    Қызықты логикалық сұрақтар: әр дұрыс жауап — 1 ұпай. Барлығы 12 сұрақ (6 минут). Дұрыс жауапқа қол жоғары, қате жауапқа қол алға созылады.
  7. 7
    Оқулықпен жұмыс
    Топтар есепті түсіндіріп, тақтада шығарады; қалғандары дәптерге орындайды. Соңында тексеріліп, сұрақтарға жауап беріледі.
  8. 8
    Деңгейлік тапсырмалар
    Әр оқушы тақтадағы жауап арқылы өзін-өзі тексереді: әр дұрыс жауап — 1 ұпай (8 минут).
  9. 9
    Сабақты қорытындылау
    Әр топ квадрат теңдеуді шешу алгоритмін құрастырады.
  10. 10
    Рефлексия: «Табыс ағашы»

    Тақтада ағаштың суреті беріледі: діңі — жаңа тақырып, жасыл желек — экология, ал жемісі — сендердің алған білімдерің. Оқушылар таңдаған алмасын алып, ағашқа жапсырады.

    Жасыл алма

    Маған сабақ ұнады. Тақырыпты меңгердім.

    Сары алма

    Тақырыпты түсіндім, бірақ есептеу кезінде қиналдым.

    Қызыл алма

    Сабақ маған түсініксіз болды.

  11. 11
    Үй тапсырмасы
    Үй тапсырмасы сабақ соңында нақты тапсырмалармен беріледі (оқулыққа сәйкес).
  12. 12
    Бағалау
    Сабақ бойындағы ұпайлар нәтижелік картаға түсіріліп, қорытынды баға шығарылады.

Мұғалімнің жазбалары

Сабақ басында жағымды психологиялық ахуал қалыптастырып, сыныпты төрт топқа бөлемін: үшбұрыш, трапеция, параллелограмм, ромб.

Әр оқушыға нәтижелік карта таратылады. Оқушы сабақ барысында өз ұпайларын белгілеп, оқу үдерісін бақылап отырады.

Жаңа білімді ашуға арналған сұрақтар

Проблемалық сұрақ

Біз теңдеу мен теңсіздік туралы айттық. Ендеше, квадрат теңдеу дегеніміз не?

Бағдарлаушы сұрақ

Квадрат теңдеуді шешудің неше әдісі бар?