Қазақша рефераттар

Күздің кереметі

Сабақтың мақсаты

Білімділік

Жазушының өмірі мен шығармашылығын таныстыру, әңгімесінің идеялық-мазмұнын ашу, шығармаға әдеби талдау жасау.

Тәрбиелік

Кейіпкерлердің іс-әрекеті мен сөзі арқылы адамгершілікке, қайырымдылыққа, еңбекті сүюге тәрбиелеу; жақсы істерді бағалай білуге ынталандыру.

Дамытушылық

Өз бетінше ізденуге жұмылдыру, ойлау қабілетін дамыту, дүниетанымды кеңейту, сөздік қорды байыту, мәтінді мәнерлеп оқуға және шығармашылыққа дағдыландыру.

Сабақтың барысы

I. Ұйымдастыру кезеңі

Оқушыларды түгендеп, назарын сабаққа аудару. Сәлемдесу арқылы жағымды психологиялық ахуал қалыптастыру.

II. Үй тапсырмасын тексеру

Сұрақ-жауап әдісі арқылы үй жұмысы тексеріледі, жауаптар қорытындыланады.

III. Жаңа сабақ

Кіріспе өлең жолдары

Сұр бұлт түсі суық қаптайды аспан,
Күз болып, дымқыл тұман жерді басқан.
Білмеймін тоңғаныма, тойғаныма,
Жылқы ойнап, бие қашқан, тай жарысқан.

Күздің ерекше кереметтерін суреттейтін Әдібай Табылдиевтің «Күздің кереметі» әңгімесімен танысамыз.

Әрі ақын, әрі жазушы Әдібай Табылдиев 1926 жылдың 1 ақпанында Жамбыл облысы, Т. Рысқұлов ауданында дүниеге келген.

Жұмыс түрлері

  • Мұғалімнің мәтінді мәнерлеп оқуы және мазмұндауы
  • Сөздік жұмысы
  • Мәтінді оқушылардың бөліп-бөліп оқуы

Мазмұндық жоспар

  1. 1.Күз кереметтері
  2. 2.Күз байлығы
  3. 3.Күзетші Омар атаның қонақтары
  4. 4.Дастарханға қойылған тағамдар
  5. 5.Неліктен күзді «қауырт кез» дейді?
  6. 6.Құстар күзде қайда ұшады?
  7. 7. Атаның әңгімесі: а) Әртүрлі бейнедегі жемістер мен көкөністер ә) Күз — байлық пен берекенің бастауы б) «Күздің бір күні қыстың бір айын асырайды»

IV. Ой тастау және талдау

«Нені білдік?» сұрағы арқылы әңгімеге талдау жасалады.

Оқушыларға мәтіннен мақал-мәтелдерді, тұрақты сөз тіркестерін, антонимдерді және диалогтарды тапқызып, оқыту; жауаптарды дәлелдету.

Сергіту сәті

Жел бетке еседі,
Ағаштар тербелді.
Жел тынышталды,
Ағаштар биіктеді.

V. Ой-өрісті дамыту

Оқушыларға деңгейлік тапсырмалар беріледі:

  • 1-оқушы: «Күз» тақырыбына өлең шығару.
  • 2-оқушы: Әңгіме бойынша күзгі дастарханға сипаттама беру.
  • 3-оқушы: Күзге байланысты сурет салу.

VI. Ой қорыту

Жұмбақтар

  • Іші жұмсақ, сырты қатты, еті қызыл, сүті тәтті.

    Жауабы: Қарбыз

  • Жерде жатып желіндейді, күз түскенше желінбейді.

    Жауабы: Қауын

  • Тәтті, тәттінің іші қатты, қаттының іші тәтті.

    Жауабы: Өрік

  • Қабат-қабат тоны бар, түймелеуге жетпейді.

    Жауабы: Орамжапырақ

  • Үстіне тігіп көк шатыр, астында қызғылт дәу жатыр.

    Жауабы: Қызылша

Венн диаграммасы

Оқушылар ұғымдардың ортақ және айырым белгілерін Венн диаграммасы арқылы салыстырып, қорытынды жасайды.

1-топ

Белгі 1

Ортақ

Ұқсастық

2-топ

Белгі 2

VII. Қорытынды сұрақтар

  1. 1.Күзгі ағаш жапырақтарының түсі қандай болады?
  2. 2.Жапырақтар жерге неге түсе бастайды?
  3. 3.Қыстап қалатын қандай құстарды білесіңдер?

VIII. Үй тапсырмасы

  • Әңгімедегі бір көрініске сурет салу.
  • Мәтінді мәнерлеп оқып, мазмұндау.

IX. Бағалау

Оқушылардың сабақтағы белсенділігі, жауаптарының дәлелділігі және шығармашылық тапсырмаларды орындауы бойынша бағаланады.