Сендер осы жіпті алып қолдарыңа былай жинайсыңдар
Заттарды топтастыру (Бөбек тобы)
Бұл ұйымдастырылған оқу іс-әрекеті балалардың түстерді ажыратуын, саусақ моторикасын және ойынға деген қызығушылығын дамытуға бағытталған. Сабақта Воскобовичтің ойын құралдары арқылы ойлау мен танымдық қабілеттерді күшейтіп, ақыл-ой тәрбиесіне негіз қаланады.
Мақсаты
- Түстерді ажырата білуге үйрету
- Саусақ моторикасын жетілдіру
- Ойынға белсенді қызығушылықты арттыру
- Воскобович құралдары арқылы ой-танымды дамыту
- Ақыл-ой тәрбиесін қалыптастыру
Әдіс-тәсілдері
- Түсіндіру
- Әңгімелесу
- Сұрақ-жауап
- Ойын (Воскобович әдісі)
Пәнаралық байланыс
- Сенсорлық тәрбие
- Дене тәрбиесі
Сөздік жұмыс
Көрнекіліктер
- Ұзын жіп
- Воскобовичтің ойын құралы
- Түрлі-түсті жіптер
- Әртүрлі кір қыстырғыштар
- Тақтаға ілінген жіптер
Мотивациялық-қозғаушы кезең
Балаларды шеңберге тұрғызу. Бүгін бізге қонаққа апайлар келді. Қане, бәріміз сәлемдесейік.
Іздену-ұйымдастырушы кезең
1) Әңгімелесу және түстерді қайталау
Балалар, орындарыңа жайғасайық. Сендер аналарыңды және әжелеріңді жақсы көресіңдер ме?
Қараңдаршы, менің қолымда түрлі түсті жіптер бар. Осы жіптерден әжелерің сендерге басың жылы болсын деп қалпақ тоқып береді. Ендеше жіптердің түстерін ажыратып көрейік:
Сұрақ
Мына жіптің түсі қандай?
Қызыл жіп
Сұрақ
Ал мына жіптің түсі қандай?
Көк жіп
Жіптеріміз өте жұмсақ. Енді жіпті алақанымызға жинап көрейік. Алдарыңдағы көк тәрелкеде көк және қызыл жіптер бар. Жіпті алып, алақандарыңа ұқыптап жинайсыңдар.
- Жіпті қолыңа ал
- Алақаныңда жұмсақ қимылмен жина
- Жіпті қайтадан тәрелкеге салып қой
2) Қимылды сергіту
Балалар, шаршадыңдар ма? Ендеше жіптің үстімен аяғымызды абайлап басып, жүріп өтейік.
Нұсқау: жіптің үстінен бірінен соң бірі, асықпай, тепе-теңдікті сақтап жүріп өту.
Жарайсыңдар! Енді орындықтарға жайғасайық.
3) Кір қыстырғышпен жұмыс (саусақ моторикасы)
Аналарың киімдеріңді жуып, таза әрі ұқыпты етіп дайындайды. Киімдер кепкенде құлап кетпес үшін кір қыстырғыштарды пайдаланады.
Енді біз де кір қыстырғыштарды жіпке қыстырып үйренеміз. Кейін жоғары топқа барғанда аналарыңа көмектесе аласыңдар.
Тапсырма
Тақтада қыстырғыш қадауға арналған жіптер ілінген. Қыстырғыштардың түсіне сәйкес жіпке қыстырамыз.
Қыстырғышты саусақтарыңмен ұстап, ақырын қысып ашып, жіпке қыстырамыз.
№7 «Балдырған» бөбекжай-балабақшасы
Тәрбиеші: Өмірзақова Зибагүл