Балдырған тобы

Сабақтың тақырыбы: Туған өлкем мақтанышым
Сабақтың мақсаты:
Білімділігі: оқушыларға Отан туралы жалпы мәлімет беру.
Дамытушылығы: оқушылардың ой - қиялын дамыта отырып, байланыстырып сөйлеу дағдыларын жетілдіру. Шығармашылық қабілетін дамыту, сөздік қорын молайту.
Тәрбиелігі: өз халқына, еліне, Отанына деген мақтаныш сезімін ояту, оқушылардың елін, жерін сүюге, қадірлеуге, елжандылыққа тәрбиелеу.
Сабақтың көрнекілігі: суретті кестелер, мақал - мәтелдер, дидактикалық ойы, топ аттары, техникалық құрал, бағалау жетоны.
Сабақтың әдіс - тәсілі: сұрақ - жауап, топтық, әңгімелеу, ой - толғау.

Сабақтың барысы: 1. Ұйымдастыру кезеңі:
Оқушыларды сабаққа дайындау, топқа бөлу.
1 - топ. Балдырған тобы.
2 - топ. Қарлығаштар тобы.
3 - топ. Балапандар тобы.
Психологиялық дайындық:
Бөбек жыры.
Біз қандаймыз, қандаймыз?
Шұғылалы таңдаймыз.
Күлімдеген күндейміз,
Еш уайымды білмейміз.

ІІ. Жаңа сабақ. Туған өлкем мақтанышым
а) туған ел дегеніміз не?
ә) Отан деген не? Кім қалай түсінеді (оқушылар ойы тыңдалады)
Кіріспе.
Отан - адамның туып - өскен, ата - бабаларынан бері кіндік қаны тамып, өсіп - өніп келе жатқан жері. Сондықтан қай елдің адамы болсын өз Отанын дүниедегі ең қымбаттысы, ең қасиеттісі, ең аяулысы - анасына балайды. Отан ұғымы адамның адамдық мінез, ізгілік сезімімен, парасатымен байланысты. Отансыз адам болмайды. Туған жер ата - ана, бала - шағасы, солармен бірге осы өмірден көретін қызығы мен бақытының тұрағы. Туған жерді шексіз сүйіп, ардақтау керек. Отансыз адамдардың күні жоқ. Онсыз тіршіліктің мәні болмайды. Алыс кетсең оны сағынасың, тіпті ол алыстан қол бұлғап шақырғандай болады. Ол жерде сен дүниеге келесің, өсесің, білім аласың. Кейін сол үшін адал қызмет жасайсың. Оны мәңгілік сүю және қорғау әрбір азаматтың парызы.
- Балалар, мен не туралы айтып тұрмын?
- Әрине туған жер, Отан туралы.
Отан, туған жер туралы қандай мақал - мәтел, өлең білесіңдер?
1 - топ. Мақал - мәтелдер.
2 - топ. Өлең - тақпақтар.
3 - топ. Менің ауылым тақырыбы бойынша әңгімелеу.

ІІІ. Сергіту сәті.

ІV. Кімнің мекені жақсы атты ертегі тыңдау.
- ертегі мазмұнын әңгімелеу
- суретпен жұмыс
- сахналық көрініс

VІ. Дидактикалық ойын. Кім шапшаң?
- топтық тапсырма
- оқушыларға суретті кестелер таратылады
1 - топ. Үй жануарларын топтастыру.
2 - топ. Үй құстарын дұрыс анықтау.
3 - топ. Жабайы аңдарды дұрыс орналастыру.

VІІ. Сабақты қорытындылау:
- әр топтың ұпай санына қарай отырып, жеңімпаз топты анықтау.
- жеңімпаз атанған топты мақтап, мадақтау.