Сабақты аяқтау
ШҚО, Аягөз қаласы • Қалалық көп салалы қазақ мектеп-гимназиясы
Бастауыш сынып мұғалімі: Садуақасова Гүлназ
Сабақ тақырыбы
6 саны мен цифры
Мақсаттары
6 санымен және оның цифрымен таныстыру; 6 санының пайда болуын түсіндіру; қосу және азайту таңбаларын қолданып, қарапайым есептер құрастыру және шығарту.
Ойын түріндегі тапсырмалар арқылы логикалық ойлауды дамыту және математика пәніне қызығушылықты арттыру.
Түрлі математикалық тапсырмаларды орындауда шапшаңдыққа баулу; ұқыптылық пен жинақтылыққа тәрбиелеу.
Сабақ барысы
I. Ұйымдастыру
- Сабаққа қажетті құрал-жабдықтарды дайындау.
II. Кіріспе
Өткен сабақтарда сандармен таныстық. Бүгін 1–5 аралығындағы сандарды қысқаша қайталаймыз.
Ойындық жағдаят
Дымбілмес пен оның кішкентай күшігі сандарды әлі толық меңгермепті. Олар суреттерді сандармен сәйкестендіргенде шатасып қалған екен. Қане, қателерін бірге түзетейік.
Тапсырмалар
- Суреттерді тиісті сандармен дұрыс сәйкестендіру.
- Шеңбер ішіндегі санға сәйкес күн шуағын (сәулесін) салу.
III. Жаңа сабақ: 6 саны мен цифры
Оқулықпен жұмыс
- Есепшот тастарын санау: 5 тас — қызыл, 1 тас — күлгін.
- Суреттегі тізілген үшбұрыштарды талдау: боялғаны — 6, түсі — қызыл.
№1 тапсырма бойынша сұрақ-жауап
Сұрақ: Суретте ақ тиіннің неше жаңғағы бар?
Жауап: 5 жаңғақ.
Сұрақ: Тағы бір жаңғақ қоссақ, нешеу болады?
Жауап: 6 жаңғақ. 5 + 1 = 6
Сұрақ: 6 торғай отыр еді, біреуі ұшып кетті. Нешеуі қалды?
Жауап: 5. 6 − 1 = 5
Қонақтар және “сиқырлы алма” тапсырмалары
Бүгін бізге Бағбан ата мен немересі қонаққа келді. Олар күзгі өнімдерін жинап болып, сендерге алма ағашын әкеліпті. Ағаштағы алмалар — сиқырлы: әр алманы алған сайын тапсырма орындау керек.
- 3 санының алдындағы санды тап. Жауабы: 2
- 4 саңырауқұлаққа 2 саңырауқұлақты қоссақ, қанша болады? 4 + 2 = 6
- 3 үйрекке 3 үйректі қоссақ, қанша үйрек болады? 3 + 3 = 6
Тапсырмаларды орындаған оқушылар марапатталады.
IV. Сергіту сәті
Қысқа қимыл-қозғалыс жаттығулары арқылы балалардың зейінін сергіту.
V. Бекіту және өздік жұмыс
Оқулық тапсырмалары
Санағыштан 6 таяқшаны санап алу, кітаптағы пішіндерден құрастыру.
Сандар қатары
Тура және кері санау:
0 1 2 3 4 5 6
6 5 4 3 2 1 0
Бақылау сұрағы
“Бұлжытпас” 5 санын артқа тастап, 6 санына келіп тоқтады.
6 цифры туралы әңгіме
Балалардан: “6 цифры несімен ұнайды?” деп сұралады. Жауап нұсқалары: ожауға ұқсайды; төңкеріп қойғанда 9 санына ұқсайды.
Мұғалім 6 цифрының таңбасын көрсетеді және жазылу үлгісін түсіндіреді.
Қорытынды тапсырма: “Туған күн”
Бүгін Қарлығаштың туған күні. Бірақ оның нешеге толғанын білмейміз. Торттың үстіндегі шамдарға қарап, жасын анықтайық.
Сабақты аяқтау
- Сабаққа белсенді қатысқан оқушыларды мадақтау.
- Негізгі нәтижені қорытындылау: 6 саны, қосу және азайту амалдары.