Қазақша рефераттар

Жазу қатарындағы үлгіні жазу

Сабақтың барысы

Бұл жоспар сабақ кезеңдерін жүйелі ұйымдастыруға, оқылым мен тыңдалым дағдыларын дамытуға және жаңа дыбысты меңгертуге бағытталған.

I. Ұйымдастыру кезеңі

  • Оқушылардың сабаққа дайындығын тексеру.
  • Оқу құралдарын түгелдеу.

Психологиялық дайындық

Күннің нұры шуақты, Сергітеді денемді. Құрдастарым сияқты, Оқушымын мен енді.

II. Үй тапсырмасын тексеру

1) Тақтамен жұмыс

А) Я әрпі кездесетін сөздерді теріп жазу:

Алаша, қияр, ұят, кітап, пияз, оймақ.

Ә) Ж әрпінен басталатын сөздерді теріп жазу:

Жаға, сағат, жастық, жусан, марал, зығыр.

Б) Буынға бөліп, сөйлем құра:

«Шаянның суреті» (сурет бойынша сөйлем құрастыру).

2) Партадағы оқушылармен жұмыс

  • Сөздер тізбегін оқыту.
  • «Сұр қоян» өлеңін жатқа сұрау.
  • Кісі аттары мен жер-су атауларын оқыту.

III. Үй тапсырмасын қорытындылау

1) Дыбыстық талдау

Баян, мая, таяқ, егіз.

2) «Ұйқасын тап» ойыны

Қонып алып жарға,

Моп-момақан өзі,

Қарқылдайды … (қарға)

Сүп-сүйкімді … (қозы)

3) Топтық жұмыс: «Кім тапқыр?»

I топ

Жемістердің суреті бойынша А дыбысы кездесетін жемісті табу.

II топ

Аңдардың суреті бойынша Қ дыбысы кездесетін аңдарды табу.

III топ

Көкөністердің суреті бойынша З дыбысы кездесетін көкөністерді табу.

4) Еске түсіру: Яя — қосарлы дауысты

Я дыбысы й + а құрамынан тұрады.

Айтылуы Жазылуы
Тайақ Таяқ
Шайан Шаян
Майа Мая

IV. Сергіту сәті

«Маша мен аю» ертегісінен үзінді көрсету.

V. Жаңа сабақ

Сұрақ-жауап арқылы кіріспе

Мұғалім: Балалар, біз жаңа қандай мультфильм көрдік?

Оқушылар: «Маша мен аю».

Мұғалім: Кейіпкерлерді атаңдар.

Оқушылар: Маша, аю.

Мұғалім: «Аю» сөзінде бізге таныс емес қандай дыбыс естіліп тұр?

Оқушылар: Ю.

Қорытынды: Бүгін біз Ю дыбысымен танысамыз.

1) Жұмбақ

Қыс бойына жатады,
Тәтті ұйқыға батады.
(Аю)

2) Кіріспе түсіндіру

  • Ю дыбысы — дауысты дыбыс.
  • Қосарлы дыбыс ретінде: й + у = ю.
  • Көбіне орыс тілінен енген сөздерде кездеседі.
Юра оюлап азаю

3) Оқулықпен жұмыс

  • Сурет бойынша жұмыс.
  • Сөздер тізбегін оқу.
  • «Ою» мәтінін оқу және мазмұнын түсіндіру.
  • «Жақсы көрем» өлеңін оқыту.

4) Дәптермен жұмыс

  • Ю ю дыбысының баспа және жазба түрлерімен таныстыру.
  • Тақтада жазу, ауада жазу, дәптерде жазу.
  • Дұрыс отыру ережесін түсіндіру.

VI. Жаңа сабақты қорытындылау

Мәнерлеп оқу және жаттау

Мияны жеп қоян, Атанды ол ноян. Балды жеп аю, Ұйқыға батты қою.

Өлеңді екі рет оқытып, жатқа сұрау.

Бекіту сұрақтары

  1. Ол балды жақсы көреді. Ол кім?
  2. Атам қандай шай ішеді?
  3. Әжемнің сүйікті ісі қандай?
  4. Адамзаттан ең бірінші ғарышқа ұшқан кім?

VII. Үй тапсырмасы

  • «Ою» мәтінін оқу.
  • «Жақсы көрем» өлеңін жаттау.
  • Жазу жолындағы үлгі бойынша жазу.

VIII. Бағалау

Оқушыларды мадақтау және білімін бағалау.