Интерактивті тақтада дайындалған тапсырмалар

Сабақ туралы мәлімет

Аймақ: Ақтөбе облысы, Алға ауданы
Білім беру ұйымы: №3 Алға қазақ орта мектебі
Пән мұғалімі: Төребекова Жаңылсын Барсаевна (математика)
Тақырып: «Алгебралық өрнектер және оларды түрлендіру» тарауын қайталау (презентациямен)

Оқушылардың «алгебралық өрнектер және оларды түрлендіру» тақырыбы бойынша алған білімдерін жүйелеу және пысықтау.

Ойлау, есте сақтау және танымдық қабілеттерін дамыту; есептеу дағдыларын жетілдіру; пәнаралық байланысты нығайту.

Іскерлікке, өз бетінше еңбектенуге, білім алуға ынталандыру; бәсекелестік пен жинақылыққа тәрбиелеу; пәнге қызығушылығын арттыру.

I. Ұйымдастыру
Кіріспе кезең
- Сәлемдесу, оқушылардың назарын сабаққа аудару.
- Сабақтың мақсатын нақты түсіндіру.
- Оқушыларды екі топқа бөлу.
II. «Есте сақта!» тапсырмасы
Жадты дамыту

Оқушылардың есте сақтау қабілетін дамыту мақсатында кестеде берілген өрнектер 1 минут көрсетіледі, кейін жабылады.

Нұсқаулық: Уақыт аяқталған соң оқушылар көрген өрнектерін дәптерге жазады.