Қазақша рефераттар

Қазақстанның ірі қалаларына ата

16 желтоқсан — Тәуелсіздік күні

16 желтоқсан — Қазақстан халқы үшін айрықша мәні бар мереке. Биыл тәуелсіздік алғанымызға 27 жыл толды. Осы жылдар ішінде еліміз талай белесті артта қалды. Тәуелсіздік — мемлекет тарихындағы тарихи өзгерістердің жүзеге асуына негіз болған ұлы құндылық.

Қазақстан — бай әрі қуатты ел. Елімізде түрлі ұлт пен ұлыс өкілдері тату-тәтті, еркін өмір сүреді. Әр азаматтың еңбек етуге, білім алуға және демалуға құқығы бар.

Сынып сағатының мақсаты

Тәуелсіздігіміз бен егемендігіміздің жылдар бойы жүріп өткен жолын таныстыру, ел тарихындағы маңызды белестерді еске түсіру және азаматтық жауапкершілік пен отансүйгіштік сезімді нығайту.

Көрнекіліктер

  • Қазақстан Республикасының саяси картасы
  • Қазақстан Республикасының Конституциясы
  • Қазақстан Республикасының мемлекеттік рәміздері

Негізгі ой

Тәуелсіздік жылдары — өзгеріске, жаңғыруға және бірлікке толы кезең. Әр күн, әр ай ел өмірінде жаңа тарихи қадамдармен есте қалды.

Конституция және азамат теңдігі

Қазақстан Республикасының Конституциясы Қазақстанды өз Отаны деп есептейтін барлық азаматтарды ұлтына, нәсіліне, тұрған жеріне, қызметіне, байлығына, жынысына және діни нанымына қарамастан заң алдында тең деп таниды. Мемлекет азаматтардың құқықтарын тең дәрежеде қорғайды, ешкімнің құқығына нұқсан келтірілмеуін қамтамасыз етеді.

Мемлекеттік рәміздер

Қазақстан Республикасының мемлекеттік рәміздері — Туы, Елтаңбасы және Әнұраны. Олардың сипаттамасы мен ресми қолданылу тәртібі Конституциялық заңмен белгіленеді.

Ту

Ел бірлігі мен тұтастығын айқындайтын қасиетті нышан.

Елтаңба

Тарих пен дәстүрді сабақтастыратын мемлекеттік белгі.

Әнұран

Ел рухын көтеріп, ортақ мақтаныш сезімін қалыптастыратын ән.

Тәуелсіздік жылдарындағы маңызды даталар

  • 1991 жыл, 16 желтоқсан Қазақстан Республикасының мемлекеттік тәуелсіздігі туралы заң қабылданды.
  • 1992 жыл, 4 маусым Қазақстанның мемлекеттік рәміздері қабылданды.
  • 1992 жыл, 1 наурыз Қазақстан Республикасының азаматтық туралы заңы қабылданды.
  • 1993 жыл, 15 қараша Ұлттық валюта — төл теңге айналымға енгізілді.
  • 1998 жыл, 20 мамыр Ел астанасы ретінде Астана қаласы ресми түрде бекітілді.

Туған тіл — ел тірегі

Туған тілім — бабам тілі — өз тілім!
Туған тілім — ана тілі — өз тілім!
Туған тілім — дана тілі — өз тілім!
Туған тілім — адам тілі — өз тілім!

Тіл болмаса — ұлт та болмайды. Тарихымыз, әдет-ғұрпымыз, салт-дәстүріміз, мәдениетіміз бүгінгі күнге тіл арқылы жетті. Мемлекеттік тілді білу — әр азаматтың парызы, Отанына, еліне, жеріне деген құрметінің белгісі.

Әнұран

«Менің Қазақстаным» — Қазақстан Республикасының Әнұраны орындалады.

Ойындар мен сұрақтар

«Бәйге» ойыны

Сұрақтарға шапшаң жауап беру керек. Әр дұрыс жауап — 10 ұпай.

  1. Қазақстан Республикасы қандай мемлекет?
  2. Қандай мемлекеттік рәміздері бар?
  3. Елтаңбада не бейнеленген?
  4. Әнұранның сөзін және әнін кімдер жазған?
  5. Елімізде қандай мерекелер тойланады?
  6. Еттен және сүттен жасалатын ұлттық тағамдарды ата.
  7. Ұлттық теңгеміз қашан айналымға енді?

«Жеті жұмбақ»

  1. Қазақ тілі қай тілдер тобына жатады?
  2. Қазақстанның ірі қалаларын ата.
  3. Абай Құнанбайұлының ірі шығармаларын ата.
  4. Қазақстан Республикасының 10 жылдығы қашан атап өтілді?
  5. Алматы облысында қандай қалалар бар?
  6. «Аратор» сөзін аудар.
  7. Н. Назарбаев қашан Президент болып сайланды?

«Жорға» ойыны

Әр оқушы 1 минут ішінде мүмкіндігінше көп сұраққа жауап беруге тиіс.

  1. Республика күні
  2. Конституция күні
  3. Киіз үйдің төбесі
  4. Білім күні
  5. Қыс айлары
  6. Қазақ халқының салт-дәстүрлері
  7. Аптаның бесінші күні
  8. Тәуелсіздік күні
  9. Наурыз мерекесі қашан атап өтіледі?
  10. Ақшамыз қалай аталады?
  11. Қазақстанның тұңғыш ұшқышы кім?
  12. Мемлекеттік тіл
  13. Биенің сүтінен дайындалатын сусын
  14. Түйенің сүтінен дайындалатын сусын қалай аталады?
  15. Ш. Уәлиханов кім?
  16. Құнанбай кім?
  17. «Абай жолы» романының авторы кім?
  18. Қазақ тілі қай жылы мемлекеттік тіл мәртебесіне ие болды?
  19. Ш. Айманов кім?
  20. Асанәлі Әшімов кім?

Қорытынды

Қазақстан Республикасының әрбір саналы азаматы өзі өмір сүріп отырған Отанын сүйіп, құрметтеп, қадірлеуі тиіс. Өйткені елімізде толыққанды өмір сүруге қажетті жағдай жасалған, ал тәуелсіздік — сол мүмкіндіктердің берік кепілі.