Ауаның маңызыСабақтың мақсаты
Сабақтың тақырыбы: Ауаның маңызы
Сабақтың мақсаты
Білімділігі
Ауасыз тіршілік жоқ екенін ұғындыру; ауаның ластану жолдары мен оны қорғау туралы мағлұмат беру.
Дамытушылығы
Танымдық және шығармашылық тапсырмалар арқылы ауаның маңызы мен ауаны қорғаудың нақты әдістері туралы білім қалыптастыру.
Тәрбиелігі
Қоршаған ортаны қорғау және ауылды көркейтуге әр оқушының үлес қосуы — азаматтық парыз екенін түсіндіру.
Сабақтың барысы
I. Ұйымдастыру кезеңі
Сабақ басында оқушылардың назарын оқу үдерісіне аударып, кезекшіден бүгін сыныпта кімнің жоқ екенін нақтылау ұсынылады. Мұғалім қысқа сұрақпен сабақтың бағытын айқындайды:
— Қазір қандай сабақ?
— Дүниетану сабағы.
Одан кейін оқушыларды елдегі маңызды жаңалықтарға назар аударуға шақыруға болады. Мысалы, 1–2 желтоқсан күндері Астанада өткен Саммит туралы қысқаша әңгіме:
Маңызды жаңалық
Тәуелсіз еліміздің жоғары жетістіктерінің бірі — Қазақстанның Еуропадағы қауіпсіздік және ынтымақтастық ұйымына төрағалық етуі.
Сабақтың идеялық бағыты
Сабақ Қазақстан Республикасында білім беруді дамытудың 2010–2020 жылдарға арналған мемлекеттік бағдарламасын қолдауға және оның іске асуына өз үлесімізді қосуға арналады.
Мұғалім оқушыларға ой тастайды: «Сендер 2020 жылы неше жаста боласыңдар?» Бұл сұрақ бағдарлама мәнін — келешекке үміт пен мақсат қоюды — нақты сезіндіруге көмектеседі.
Ғылымның сырын ұғына,
Шығыңдар білім шыңына.
Психологиялық дайындық
Жабырқауды білмейміз,
Жалқаулықты сүймейміз.
Біз талантты жас ұлан,
Үлгі аламыз жақсыдан.
II. Үй тапсырмасын тексеру
«Гүл құрастыру» ойыны
Сұрақтарға жауап беру арқылы үй тапсырмасы пысықталады:
- Ауаны қалай сезуге болады?
- Ауаның түсі қандай?
- Ауаның қандай қасиеттері бар?
- Неліктен жану үшін ауа қажет? Дәлелде.
Сауалнама (жетон арқылы)
Оқушылардың білімін қысқа тест арқылы бекіту:
-
Адам өміріне ең қажетті жағдайға не жатады?
A) машина
Ә) ауа
Б) ағаш
-
Еңбектің жауы не?
A) жалқаулық
Ә) еңбекқор
Б) жауапсыздық
-
Адам денсаулығына зиян тигізетін нәрсе?
A) микроб
Ә) су
Б) сабын
-
Көкжиек дегеніміз не?
A) аспан
Ә) жазық дала
Б) көз жеткен кеңістік
-
Сұлба дегеніміз не?
A) сурет
Ә) карта
Б) заттың тұрған орнын көрсету
Сергіту сәті
Қоршаған орта — табиғат,
Жануар, өсімдік, адамзат.
Сүю, қорғау — парасат,
Білейік мұны жамағат.
III. Жаңа сабақ
«Сиқырлы сандықша» ойыны
Мұғалім тақтадағы бейнеге назар аудартады:
— Тақтадан нені көріп тұрсыңдар?
— Сандықша.
Сандықшаның ішінде жұмбақ жасырылған:
Бар ма, жоқ па — оны білмейсің,
Ол жоқ жерде өмір сүріп жүрмейсің.
Шешуі: Ауа.
Топтастыру стратегиясы
«Ауа туралы не білеміз?» деген сұраққа сүйеніп, оқушылардың бастапқы білімін топтастыру ұсынылады. Бұл кезеңде ассоциациялар құрастыру, негізгі ұғымдарды бөлу және байланысын табу арқылы жаңа тақырыпқа кіріспе жасалады.
Тірек сұрақ
Ауа туралы білетінімізді топтастырып көрейік.