Қазақша рефераттар

Тігін машиналарын жұмысқа дайындау

Сабақтың мақсаты

Білімділік

Машина тігістерінің түрлерімен таныстыру және тігістерді орындауды үйрету.

Дамытушылық

Оқушылардың ой-өрісін кеңейтіп, білімді практикада қолдануына ықпал ету; жұмыс орындаудағы ептілігін дамыту.

Тәрбиелік

Еңбек мәдениетіне, іскерлікке және ұқыптылыққа тәрбиелеу.

Сабақтың барысы

I. Ұйымдастыру кезеңі

  • Сабаққа қатысуды бақылау.
  • Оқушылардың жұмыс киімі мен сабаққа дайындығын тексеру.

II. Өткен сабақты қайталау

Қайталау сұрақтары

  1. Машина тігістерінің сапасына не әсер етеді?
  2. Тігін машинасының негізгі бөлшектерін атаңыз.
  3. Жіптің тартылуы қалай реттеледі?

Тігін машинасын жұмысқа дайындау қадамдары

  1. 1) Үстіңгі жіпті сабақтау

    Ине жібін дұрыс бағытпен өткізу және бекіту.

  2. 2) Астыңғы жіпті сабақтау

    Шөлнек жібін орналастырып, еркін айналуын тексеру.

  3. 3) Жіп тартылуын реттеу

    Тігістің тегіс шығуы үшін кернеуді теңшеу.

Тігін машинасымен жұмыс істеу кезіндегі қауіпсіздік ережелері

Маңызды

Қауіпсіздік талаптары сақталмаса, ине жарақаты, матаның бүлінуі және құрылғының істен шығуы мүмкін.

  1. 1. Жұмыс орнын ретке келтіріңіз.
  2. 2. Шашты жинап, жеңді қайырыңыз.
  3. 3. Машинада түзу отырып, орындыққа толық жайғасып, денені сәл ғана еңкейтіп, басты алға қарай иіп жұмыс істеңіз.
  4. 4. Жарық жұмыс орнына сол жақтан немесе алдынан түсуі керек.
  5. 5. Тігін машинасын тек мұғалімнің жетекшілігімен іске қосыңыз.
  6. 6. Машина мен орындаушының арақашықтығы 20–30 см болсын.
  7. 7. Аяқтар толықтай еденде немесе аяқ қойғышта орнығуы тиіс.
  8. 8. Машина үстінде артық заттар жатпасын.
  9. 9. Тігісті бастар алдында бұйымда түйреуіштер немесе инелер қалмағанын тексеріңіз.
  10. 10. Жұмысты бастамас бұрын орналасуын тексеріңіз: табанды реттегіш бұранда мықтап ұстап тұр ма, ине тесігіне дәл келе ме.
  11. 11. Матаны қойып, табанды түсірмей тігін машинасын жүргізбеңіз.
  12. 12. Тігіс түрін ауыстырғанда инені жоғары көтеріп қойыңыз.

III. Жаңа тақырып

1) Қызығушылықты ояту

Талқылау сұрақтары

  • Машина бізге не үшін керек? — Тігу үшін.
  • Бұйымды тігу үшін бір ғана тігіс емес, бірнеше түрлі тігіс қолданылады. Сондықтан бүгін тігіс түрлерімен танысамыз.

2) Мағынаны тану

Тігіс тігетін машиналарда бөлшектерді қосу екі жіптің — ине жібі мен шөлнек жібінің — өзара өрілуі арқылы жүзеге асады. Бір немесе бірнеше материал қабатын тігім арқылы қосу нәтижесінде тігіс пайда болады.

Машина ине шаншымдары арқылы әртүрлі тігістер алуға болады: сырылған, торланған, аралас, әрлейтін, жапсырма және т.б.

3) Машина тігістерінің түрлері

Киім дайындау барысында әртүрлі жұмыстар орындалады: қолмен тігу, машинамен тігу және ылғалды-жылулық өңдеу.

Біріктіру тігістері

Бөлшектерді бір-біріне қосуға арналған негізгі тігістер.

Шет тігістері

Матаның шетін өңдеп, тарқатылудан қорғауға бағытталған тігістер.

Әрлеуші тігістер

Сәндік және бекіту мақсатында қолданылатын тігістер.