Қазақша рефераттар

Қасқырдың тапсырмасы

Сабақ туралы қысқаша мәлімет

Тақырыбы
10 көлеміндегі сандарға 6-ны қосу және азайту
Сабақтың түрі
Аралас сабақ
Көрнекіліктер
Ертегі кейіпкерлері бар слайдтар, үлестірме парақшалар

Мақсаттары

Білімдік

Оқушыларға 10 көлеміндегі сандарға 6-ны қосуды және сандардан 6-ны азайтуды еске түсірту; берілген тапсырмалар арқылы білімді бекіту және жаттықтыру.

Дамытушылық

Ой-өрісті кеңейту, логикалық ойлау қабілетін дамыту; есептеу дағдылары арқылы оқу әрекетін қалыптастыру.

Тәрбиелік

Тапқырлыққа, жылдамдыққа, ұйымшылдыққа, зеректікке және ұқыптылыққа тәрбиелеу.

Сабақтың барысы

I. Ұйымдастыру және психологиялық дайындық

Білімнің тұңғиығын бойлайтын,
Оқысаң жолықтыра қоймайтын.
Ғылымдар патшасы боп дараланып,
Математика — қызықты, тоймайтын.

Бүгінгі сабақ ерекше өтеді: сыныпқа қонақтар келді. Олар біздің қосу мен азайту амалдарын қалай орындайтынымызды, теңдеуді шешу жолдарын және екі амалмен шығатын есептерді қалай есептейтінімізді бақылайды. Сондықтан бар білімімізді көрсетіп, нақты әрі дұрыс жауап беруге тырысамыз.

II. Үй тапсырмасын тексеру

Үй тапсырмасы сұралады, орындалуы тексеріледі. Үш қатардан бір-бір оқушыдан оқытылады.

III. Жаңа сабақ (қайталау және бекіту)

Бүгінгі сабақ — өткенді қайталап, білімді тиянақтау. Негізгі мақсат: 10 көлеміндегі сандарға 6-ны қосу және сандардан 6-ны азайтуға берілген тапсырмаларды сауатты орындау.

Мағынаны ашу сұрақтары

  • Сұрақ: Жылдың неше мезгілі бар?
  • Жауап: Жылдың 4 мезгілі бар: көктем, жаз, күз, қыс.
  • Сұрақ: Қазір жылдың қай мезгілі?
  • Жауап: Қыс.
  • Сөйлем: Қыс келді.

Ертегі желісі: «Арманға көмектесейік»

Қыстың шуақты күнінде құлын, бота, бұзау, қозы өзеннен өтіп, орманға барады. Кешке қайтарда мұз сықырлап, шытынап жарыла бастайды. Төрт түліктің төлдері қорқып, дауыстайды. Сол сәтте орманнан қасқыр шығып, тапсырмасын орындаса, малдардың қайда екенін айтып беретінін айтады. Арман есімді бала малын іздеп жүрген еді — біз оған көмектесеміз.

Қасқырдың тапсырмасы

Қыс болғандықтан бұлт күннің көзін жауып қалыпты. Бұлттың артындағы тапсырмаларды орындап, күннің көзін «ашайық».

Оқулықтағы №1 тапсырма

Әр қатардан бір оқушы шығып орындайды.

Қосу

  • 6+6 = (6+4)+2 = 12
  • 7+6 = (7+3)+3 = 13
  • 6+7 = (6+4)+3 = 13

Азайту

  • 12−6 = (12−2)−4 = 6
  • 13−6 = (13−3)−3 = 7
  • 13−7 = (13−3)−4 = 6

Тапсырма орындалған соң қасқыр разы болып, малдардың өзен жақта жүргенін айтады.

Қозыны құтқару: №2 тапсырма (теңдеулер)

Теңдеулерді шешеміз.

1) x + 6 = 13

x = 13 − 6 = 7

Тексеру: 7 + 6 = 13

2) 13 − x = 6

x = 13 − 6 = 7

Тексеру: 13 − 7 = 6

3) x − 6 = 7

x = 7 + 6 = 13

Тексеру: 13 − 6 = 7

4) x + 6 = 14

x = 14 − 6 = 8

Тексеру: 8 + 6 = 14

5) 14 − x = 6

x = 14 − 6 = 8

Тексеру: 14 − 8 = 6

6) x − 6 = 8

x = 8 + 6 = 14

Тексеру: 14 − 6 = 8

Бұзауды құтқару: №3 тапсырма (өрнек және мәні)

Өрнектерді жазып, мәндерін табамыз.

6 + a

a = 70, 73, 9

  • 6 + 70 = 76
  • 6 + 73 = 79
  • 6 + 9 = 15

a − 6

a = 76, 79, 15

  • 76 − 6 = 70
  • 79 − 6 = 73
  • 15 − 6 = 9

Тапсырма сәтті орындалып, бұзау да құтқарылды.

Құлынды құтқару: №4 тапсырма (есептер)

Есептің шартын құрып, шешуін жазамыз.

Есеп 1

  • Бірінші орамда — 30 м
  • Екінші орамда — 8 м артық

Шешуі: 30 + (30 + 8) = 68 м

Жауабы: Екі орамда 68 м мата бар.

Есеп 2

  • Бірінші орамда — 30 м
  • Екінші орамда — 8 м артық

Шешуі: 30 + 8 = 38 м

Жауабы: Екінші орамда 38 м мата бар.

Екі есеп салыстырылып, ұқсастығы мен айырмашылығы талқыланады. Осылайша құлын да құтқарылды.

Лақты құтқару: сергіту сәті

Ешкі әрқашан көңілді секеңдеп жүреді. Лақты құтқару үшін сергіту сәтін орындаймыз.

Секең-секең, ей, лақ,
Жүрмін саған кейіп-ақ.
Тыным тапсаң болмай ма,
Секеңдемей бір уақыт.

Сергіту сәтінен кейін лақ та мұздан аман шығарылды.

Ботаны құтқару: №5 тапсырма (есептер)

Есептің шартын құрып, шешеміз.

Есеп 1

  • Бірінші күні — 28 м
  • Екінші күні — 8 м кем

Шешуі: 28 + (28 − 8) = 48 м

Жауабы: Екі күнде 48 м мата жұмсалды.

Есеп 2

  • Бірінші күні — 28 м
  • Екінші күні — 8 м кем

Шешуі: 28 − 8 = 20 м

Жауабы: Екінші күні 20 м мата жұмсалды.

Осылайша сынып оқушылары Арманға төлдерін құтқарып алуға көмектесті. Арман алғысын білдірді.

IV. Қорытындылау және бекіту

Сабақта кез келген санға 6 санын қосу және 6 санын азайту тәсілдерін қайталадық.

Оқушылар сабаққа белсенді қатысып, тапсырмаларды дұрыс орындауға тырысты.

V. Бағалау

Оқушылардың жұмысы сабақ барысындағы жауаптары мен тапсырмаларды орындау сапасына қарай бағаланады.

VI. Үй тапсырмасы

Оқулық: №7

6-ны қосу және азайтуға берілген есептер мен теңдеулерді орындап келу.