Металдармен бейметалдардың қасиеттерін салыстыру

№ 10. Сабақтың технологиялық картасы (жоспары)
Пән: Химия
Сабақтың тақырыбы: Металдар. Металдармен бейметалдардың қасиеттерін салыстыру. Негізгі және қосымша топша металдары. Сілтілік металдар, олардың негізгі қосылыстары.
Сабақтың типі: Аралас сабақ.
Сабақтың түрі: Дәстүрден тыс (СТО стратегияларын қолдану арқылы).
Оқушылардың дайындық деңгейіне қойылатын талаптар
Базалық құзыреттілік
Металдар жайлы білім бойынша ақпараттарды жинап, есептер шығарумен ұштастыру.
Кәсіптік құзыреттілік
Өз білімдерін есептер шығаруда қолдану арқылы саралау, талдау және жинақтау қабілеттерін дамыту.
Арнайы құзыреттілік
Тақырыпқа қатысты негізгі ұғымдар мен терминдерді, әр түрлі құбылыстар арасындағы байланыстарды ашатын заңдарды білу.

Сабақ мақсаттары
Білімділік: Оқушыларға периодтық кестедегі металдардың орны, атом құрылысының ерекшеліктері және сілтілік металдар, олардың тотықсыздандырғыш қасиеттері туралы жалпы мағлұмат беру. Натрийдің периодтық жүйеде орны, атом құрылысы, ашылу тарихы, табиғатта кездесуі мен физикалық және химиялық қасиеттерін түсіндіру;

Тәрбиелік: Сілтілік металдардың тотықсыздандырғыш қасиеттерін сипаттайтын эксперименттік тәжірибелер жасау арқылы ұқыптылыққа, байқампаздыққа тәрбиелеу. Натрийдің табиғатта таралуы мен қолданылуы туралы ұғымдарды қалыптастыру.

Дамытушылық: Металдар жайлы білімді еске түсіру үшін, қосымша материалды пайдалануға дағдыландыру, металдар туралы білімдерін дамыта түсу. Типтік металл натрийдің қасиеттерін реакция теңдеулерімен жаза білу, логикалық ойлау қабілетін, танымдық белсенділігін арттыру.

Пәнаралық байланыс
Қамтамасыз ететін - Тарих, биология, география, математика, физика.

Сабақтың жабдықталуы
Көрнекілік құралдар: Слайд, мультимедия Сілтілік металдар , карта Қазақстанның қазба байлықтары , периодтық жүйе, сілтілік металдар коллекциясы, натрий хлориді, натрий гидрокарбонаты, су, химиялық стакан, лакмус индикаторлары.
Таратпа материалдар: Мәтіндер
Оқытудың техникалық құралдары Интерактивті тақта
Әдебиет: Н. Нұрахметов, Қ. Бекішев, Н. Заграничная Химия
Қосымша: Химия есептері мен жаттығулары.