Қазақша рефераттар

Қысқаша сұрақ - жауап

Параметрлі цикл

Бұл сабақта Pascal тілінде параметрлі циклді (қайталану саны белгілі циклдерді) қолдану, қайталану командаларын тиімді пайдалану және программаны ықшам әрі сапалы жазу дағдылары қарастырылады.

Сабақтың мақсаты

1) Білімділік

Параметрлі цикл ұғымын түсіндіру және қайталану командаларын Pascal тілінде программалауда қолдануды үйрету.

2) Дамытушылық

Программаны ықшам әрі сапалы жазу дағдысын қалыптастыру. Программаның математикалық моделі туралы түсінік қалыптастыру.

3) Тәрбиелік

Программа мәтінін экранға және дәптерге сауатты, ұқыпты әрі эстетикалық талапқа сай жазуға дағдыландыру. Өз бетінше ізденуге және жауапкершілікке тәрбиелеу.

Көрнекілігі

  • Интерактивті тақта
  • Компьютер
  • Turbo Pascal программасы
  • Презентация

Сабақтың түрі

Білім мен білікті практикада қолдануға бағытталған сабақ.

Сабақтың барысы

I. Ұйымдастыру

  1. Оқушыларды түгелдеу, журналды толтыру.
  2. Оқушылардың назарын сабаққа аудару.
  3. Тренинг: «Көңілді білдіру»

    Оқушылар шеңбер жасап тұрып, бір-біріне тілек айтады. Бір оқушының айтқан тілегін екіншісі қайталамайды.

II. Үй тапсырмасымен жұмыс

Үй жұмысының орындалуын тексеру және есепке алу төмендегі ұпайлау жүйесі бойынша жүргізіледі:

Орындалған, бірақ дұрыс емес

1 ұпай

Жартылай дұрыс

2 ұпай

Толық дұрыс

3 ұпай

Орындалмаған

0 ұпай

Қысқаша сұрақ-жауап (1 ұпай)

  • Циклдік алгоритм не үшін қолданылады?

    Қайталанып келетін процестерді программалау үшін.

  • Шарт деген не?

    Жауабы «иә» немесе «жоқ» болатын тұжырым.

  • Серия деген не?

    Pascal операторларының тізбегі.

  • Циклдік алгоритм дегеніміз не?

    Қайталау әрекеттері бар алгоритм.

  • Қандай цикл түрлері бар?

    Қайталану саны белгілі және белгісіз циклдер, сондай-ақ шартқа байланысты циклдер.

III. Жаңа сабақ

Тақырып: Қайталану саны белгілі циклдер. Бұл бөлімде параметрлі циклдің қолданылуы және қайталанатын әрекеттерді тиімді ұйымдастыру жолдары қарастырылады.