Бүгін сабаққа
Сабақтың мақсаты
Сабақтың негізгі мақсаты — тақырып бойынша жан-жақты мәлімет беру арқылы оқушыларға сан есімді түсіндіру, әрі сөйлеу мен жазу сауаттылығын дамыту.
Сабақтың барысы
I. Ұйымдастыру кезеңі
- Оқушылардың сабаққа дайындығын тексеру.
- Оқушылардың назарын сабаққа шоғырландыру.
- Пәннің мақсаттарымен таныстырып, тіл үйренуге қызығушылықтарын арттыру.
II. Сөздік жұмысы
Сұрақтар
Сағат қанша? — Который час?
Қазір сағат неше? — Сейчас который час?
Сөздер
- Уақыт
- время
- Тіл
- язык
- Өлшем бірлігі
- единица измерения
III. Жаңа сабақ
Жылулық шеңбері
Амансың ба, Алтын күн!
Амансың ба, Жер-ана!
Амансың ба, достарым,
Сендерді көрсем қуанам.
1-тапсырма
Сан есімБерілген сөйлемдерден сан есімдерді анықта.
-
Сыныбыңда неше оқушы бар?
Біздің сыныпта ……… оқушы бар.
-
Сабақ нешеде басталады?
Сабақ 8:20-де басталады.
-
Бүгін сабаққа неше оқушы келді?
Бүгін сабаққа ……… оқушы келді.
2-тапсырма
Жұмбақты шеш.
Сыртылдайды күнімен,
Сыртылдайды түнімен.
Білгің келсе уақытты,
Көрсетеді тілімен.
3-тапсырма
Сызба бойынша уақыттың өлшем бірліктерін меңгер.
Сергіту сәті
Тербеледі ағаштар,
Алдымыздан жел еседі.
Кішкентай ғана ағаштар,
Үлкен болып өседі.
4-тапсырма
Мәтінді тыңда.
«Сағат»
Менің атым — Сағат. Менің үш тілім бар: ұзын тілім минутты, қысқа тілім сағатты, ал жіңішке тілім секундты көрсетеді. 1 минутта 60 секунд, 1 сағатта 60 минут бар.
5-тапсырма
Сөйлем құрап үйрен.
«Сағат» сөзімен
- Сағат.
- Менің сағатым.
- Менің сағатым бар.
- Менің әдемі сағатым бар.
«Апта» сөзімен
- Апта.
- Бір апта.
- Бір аптада жеті күн.
- Бір аптада жеті күн бар.
Сергіту сәті
Ал, балалар, тұрайық,
Денемізді созайық.
Орындыққа отырып,
Алақанды ұрайық.
Үй тапсырмасы
Сан есімдер кездесетін мақал-мәтелдерді тауып, дәптерге жаз.
IV. Сабақты бекіту
Оқушылардың сан есімді дұрыс қолдануын және уақытты қазақша сұрап-жауап бере алуын пысықтау.
V. Сабақты қорытындылау
Сабақта үйренген негізгі ұғымдарды қайталап, оқушылардың жұмысын бағалау және кері байланыс алу.