Жазу жолындағы әріптерді жазу
Сабақ тақырыбы
В дыбысы мен әрпі
Сабақтың мақсаты
- В дыбысы мен әрпімен таныстыру; берілген сөздерді оқуға және жазуға үйрету; буынды және оның түрлерін ажырата білу дағдысын қалыптастыру.
- Ой-өрісті, сын тұрғысынан ойлау қабілетін, сөздік қорды және тіл байлығын дамыту.
- Сауатты әрі көркем жазуға тәрбиелеу; үлкенді сыйлап, кішіге қамқор болуға баулу.
Көрнекіліктер
Суреттер, текшелер, кеспе әріптер, слайд.
Әдіс-тәсілдер
Түсіндіру, ой қозғау, сұрақ-жауап, талдау.
Сабақтың түрі
Жаңа сабақ.
Сабақтың барысы
I. Ұйымдастыру кезеңі
- Сәлемдесу.
- Оқушыларды түгендеу.
- Оқушылардың назарын сабаққа аудару.
- Психологиялық дайындық.
II. Өткен сабақты пысықтау
«Бәйге» ойыны арқылы өткен сабақта алған білім тексеріледі.
Мақсаты: өткен сабақта алған білімдерін тексеру.
Шарты: оқушылар орналасу ретімен кез келген бір санды таңдап, сол сұраққа жауап береді.
- Һ дыбысы қандай дыбыс?
- «Қаһарман» сөзін буынға бөл.
- Қазақ қаһармандарын ата.
- «Қаһарман» мәтінінде не туралы айтылған?
- Һ дыбысын қатыстырып сөз ойла.
-
Жұмбақты шеш:
Теуіп-теуіп қалдым,
Алысқа ұзап бардым.Жауабы: Велосипед
III. Жаңа сабақ
Әңгіме «велосипед» ұғымынан басталады: оның шығу тарихы қысқаша айтылады. Оқушылар «велосипед» сөзін буынға бөліп, қай дыбыстан басталатынын анықтау арқылы жаңа тақырыпты өздері ашады.
Сабақтың мақсаты хабарланады.
Негізгі ұғым
В — ұяң, дауыссыз дыбыс; орыс тілінен енген дыбыс.
Жаңа сөздер суреттер арқылы таныстырылады, мағынасы ашылады:
- Сөздерді буынға бөліп, неше дыбыс және неше әріп бар екенін анықтау.
- В дыбысының сөздің барлық буынында кездесуі мүмкін екенін байқау.
IV. Оқулықпен жұмыс
Сурет бойынша әңгімелеу. «Вокзал» туралы не білетіндері сұралады.
Мәтінмен жұмыс кезеңдері:
- Мәтінді мұғалімнің оқуы.
- Мәтінді талдау.
- Іштей оқу, дауыстап оқу, тізбектей оқыту.
Мақал-мәтел: «Үлкенге құрмет — балаға міндет». Мағынасы түсіндіріліп, өмірмен байланыстырылады.
V. Сергіту сәті
Қысқа қимыл-қозғалыс жаттығулары орындалады.
VI. Дәптермен жұмыс
- Әуеде жазу арқылы әріп элементтерін қайталау.
- Жазу жолындағы үлгі бойынша әріптерді жазу.
- В в әрпін әдемі, таза, сауатты жазуына бақылау жасау.
VII. Топтық жұмыс
Оқушыларды топқа бөліп, әр топқа жеке тапсырма беріледі.
1-топ
«Волейбол» сөзіндегі дыбыстарды қатыстырып сөз құрастыр.
2-топ
Буын ұйқасын тап:
-гон, -гон, -гон
-рет, -рет, -рет
Келіп қалды …………
Мен саламын …………
3-топ
Суретке қарап әңгіме құрастыр.
VIII. Ой-толғаныс
«Топтастыру» стратегиясы қолданылады: В дыбысы бойынша не үйрендік, не білдік?
IX. Сабақты қорытындылау
Сабақ соңында сөзжұмбақ арқылы қорытынды жасалады.
- Түйе сүйіп жейтін шөп. (Жантақ)
- Бір-бірімен қатар үйлер тіркесіп, қос сүрлеумен әрі-бері жүр көшіп. (Вагон)
- Табанында жолы бар, төбесінде қолы бар. (Трамвай)
- Поезға қай жерден мінеміз? (Вокзал)
- Суда жүзетін көлік. (Қайық)
- Ең жақсы баға. (Бес)
- Үй жануары. (Мысық)
Сөзжұмбақтың шешімі: «Жарайсың»
Оқушылар мадақталады.