Қазақша рефераттар

Жеті атам менің қасиетім

Салалас құрмалас сөйлемді қайталау

Бұл сабақ сайыс түрінде ұйымдастырылып, шығармашылық тапсырмалар арқылы салалас құрмалас сөйлем тақырыбы бекітіледі. Тілдік біліммен қатар оқушылардың ауызекі сөйлеуі, ойлау жүйесі мен шығармашылық қабілеті дамытылып, қазақ халқының салт-дәстүрін қадірлеуге баулу көзделеді.

Сабақтың мақсаты

  1. Шығармашылық жұмыстар арқылы салалас құрмалас сөйлем туралы білімді тиянақтау.
  2. Ауызекі сөйлеу мәдениетін, ойлау қабілетін және шығармашылық дағдыны дамыту.
  3. Қазақ халқының салт-дәстүрін қадірлеуге тәрбиелеу.

Құрал-жабдықтар

  • Үлестірме қағаздар
  • Кесте
  • Мәтін
  • Тірек-сызбалар

Сабақ форматы

Түрі
Сайыс сабақ
Типі
Бекіту, қорытындылау
Әдістері
Сұрақ-жауап, мәтінмен жұмыс, әңгімелеу, «Аукцион» ойыны

Сабақ құрылымы

  • 1. Ұйымдастыру кезеңі 3 минут
  • 2. Топтарды таныстыру 2 минут
  • 3. Үй тапсырмасын тексеру 3 минут
  • 4. Мәтінмен жұмыс 9 минут
  • 5. Тақтада жұмыс 7 минут
  • 6. «Аукцион» ойыны 3 минут
  • 7. «Жорға» сайысы 5 минут
  • 8. Тест шешу 5 минут
  • 9. Қорытындылау 3 минут
  • 10. Бағалау 3 минут
  • 11. Үйге тапсырма 2 минут

Сабақтың барысы

1) Ұйымдастыру кезеңі

  • Оқушылармен сәлемдесу, оқушыларды түгендеу.
  • Сабаққа дайындығын тексеру.
  • Мұғалімнің кіріспе сөзі: бүгінгі сабақ сайыс түрінде өтеді. Қатысушы мұғалімдер арасынан әділқазылар алқасы сайланады.

I тур: Топтарды таныстыру — I топ

«Жеті ата»

Топтың ұраны

«Жеті атасын білмеген — жетесіз»

Топтың әні

Жеті ата бастауы:

Әке мен баласы,

Немере мен шөбере

Шөпшекпен жалғайды.

Қайырмасы:

Менің тегім,

Менің елім,

Сен үшін мен егілемін.

Жырың болып төгілемін, елім.

Жеті атам — менің қасиетім.

(«Менің Қазақстаным» әуенімен айтылады)

I тур: Топтарды таныстыру — II топ

«Жеті күн»

Топтың ұраны

«Жеті күн — қасиет өлшемі»

Топтың әні

Дүйсенбі — қиын күн,

Сәрсенбі — сәтті күн.

Жұмада мешітке барамын,

Ал қалған күндерді жібермей, ұтымды пайдаланамын.

Қайырмасы:

Еңбек етіп жеті күнде

Білімдерді шыңдаймыз.

Әттең, бірақ аптасына

Бір-ақ рет демалам.

(«Крокодил Гена» әуенімен айтылады)

II тур: Сұрақ-жауап арқылы үй тапсырмасын тексеру (I топ)

Үй тапсырмасы сұрақ-жауап әдісі арқылы тексеріледі. Төмендегі сұрақтар оқушылардың құрмалас сөйлем туралы негізгі ұғымдарды меңгеру деңгейін анықтауға бағытталған.

  • 1-сұрақ

    Құрмалас сөйлем дегеніміз не?

  • 2-сұрақ

    Құрмалас сөйлемде жай сөйлемдер қандай тәсілдер арқылы байланысады?

  • 3-сұрақ

    Талғаулы салаластың жалғаулық шылауларын ата.

  • 4-сұрақ

    «Жеті ата» ұғымын атап бер.

  • 5-сұрақ

    Қазақтың қасиетті сандарын ата (7, 9, 13, 40).

Түйін

Сайыс форматындағы тапсырмалар оқушының тілдік білімін пысықтап қана қоймай, ұлттық құндылықтарды тануына және ұжымдық жұмысқа бейімделуіне ықпал етеді.