Бәйтерек кешенінің биіктігін есептеу
Қосу және азайту (3-сынып): 243 + 526 және 769 − 526
Бұл қысқа мерзімді сабақ жоспары 3-сынып оқушыларына қосу мен азайтуды ауызша және жазбаша орындауды, сондай-ақ амалдарды сандарға және шамаларға қолданып есептеулер жүргізуді үйретуге бағытталған.
Оқу мақсаттары
- Арифметикалық амалдарды сандарға және шамаларға қолданып есептеулер жүргізу.
- Қосу және азайту амалдарын қолданып жазбаша есептеу.
Әдіс-тәсілдер
- топтық жұмыс
- жұптық жұмыс
- жеке жұмыс
- «конверт сұрақ»
- «сандар үйшігі»
- элективті тест
Жетістік критерийлері
Барлық оқушылар:
Амалдарды қолданып ауызша және жазбаша есептейді.
Оқушылардың көпшілігі:
- Амалдардың орындалу ретін сақтай отырып тапсырманы орындайды.
- Берілген заттың ауданын есептей алады.
Кейбір оқушылар:
- Нәтижені түсіндіреді.
- Амал компоненттерін қызметіне қарай жіктейді.
- Берілген тапсырмаға сүйеніп жақшалы өрнекті дұрыс құрады.
Сабақтың барысы
Басы (0–6 минут): ұйымдастыру және ынталандыру
Сынып ахуалы
- Сыныптағы оқушылар санын анықтау.
- Оқу құралдарының әзірлігін және көңіл күйін бақылау.
- Жағымды ахуал қалыптастыру.
Қысқа өлең жолдары
Әрбір сабақ — үйрену, ұғу, ұлағат.
Әрбір ісің — тірлік, тірек, адамдық.
Әрбір сөзің — шындық, бірлік, адалдық.
Топқа бөлу және кіріспе сұрақтар
- Оқушыларға суреттер таратылады: күн, бүркіт, ою. Сол арқылы топқа бөлінеді.
- Бұл бейнелер қайда бірге кездеседі? — Қазақстан Республикасының Мемлекеттік туында.
- Тәуелсіздігіміздің неше жылдығын атап өтеміз? — 25 жыл.
- 2050 жылы Қазақстан қандай мемлекет болады? — талқылау.
Алдағы тапсырмалар 7 құндылық идеясымен байланыстырылып орындалады.
Ортасы (7–40 минут): тапсырмалар және 7 құндылық
1-құндылық тапсырмасы: деңгейлік жұмыс
Оқушылар түстер арқылы үш топқа топтастырылады, әр деңгейге сәйкес тапсырмалар беріледі.
C деңгей
- Бір таңбалы сандар жаз.
- Өрнек құрастыр.
- Өрнектің мәнін тап.
B деңгей
- Екі таңбалы сандар жаз.
- Өрнек құрастыр.
- Өрнектің мәнін тап.
A деңгей
- Үш таңбалы сандар жаз.
- Өрнек құрастыр.
- Өрнектің мәнін тап.
Біріншіден: Қазақстанның тәуелсіздігі және Астанасы
1-мысал. Сандарды баған түрінде жазып, берілген алгоритм бойынша орындау (5 минут).
243 + 526
- Бірліктерді қосамын: 3 + 6 = 9
- Ондықтарды қосамын: 4 + 2 = 6
- Жүздіктерді қосамын: 2 + 5 = 7
Жауап: 243 + 526 = 769
769 − 526
- Бірліктерден азайтамын: 9 − 6 = 3
- Ондықтардан азайтамын: 6 − 2 = 4
- Жүздіктерден азайтамын: 7 − 5 = 2
Жауап: 769 − 526 = 243
2-құндылық тапсырмасы: жұппен жұмыс
Мысалдарды дұрыс жазып, есептеп шығару.
Екіншіден, бұл — қоғамымыздағы ұлттық бірлік, бейбітшілік пен келісім.
3-құндылық тапсырмасы: тақтамен жұмыс (теңдеулер)
2-мысал. Теңдеулерді шешу.
Үшіншіден, бұл — зайырлы қоғам және жоғары руханият.
x + 213 = 894
Шешімі: x = 681
x − 233 = 465
Шешімі: x = 698
985 − x = 462
Шешімі: x = 523
4-құндылық: есеп құрастыру және шығару
3-есеп. Топтарға рөлдер бөлінеді.
Төртіншіден, бұл — индустрияландыру мен инновацияларға негізделген экономикалық өсім.
1-топ
Есептің берілгенін оқиды.
2-топ
Берілгенін талдайды.
3-топ
Есептің шартын құрып, тақтаға жазады.
5-құндылық тапсырмасы: өлшемдер (аудан, периметр)
Бесіншіден, бұл — Жалпыға Ортақ Еңбек Қоғамы.
1-топ
Күнделіктің ауданын тап.
2-топ
Ыдыстың периметрін тап.
3-топ
Сынып бөлмесінің ауданын тап.
6-құндылық тапсырмасы: жақшалы өрнек құру және амалдар ретін сақтау
Монументтер және олардың биіктігі туралы тапсырмалар арқылы есептеу.
Алтыншыдан, бұл — тарихтың, мәдениет пен тілдің ортақтығы.
Ою тобы: «Бәйтерек» кешенінің биіктігі
100 бен 80-нің айырмасын 5-ке көбейтіп, одан 27 мен 9-дың бөліндісін азайт.
(100 − 80) × 5 − 27 ÷ 9
Күн тобы: «Қазақ елі» монументінің биіктігі
Тәуелсіздік алған жылдың соңғы екі санына 9 санын қосып, одан 4 пен 5-тің қосындысын азайт.
91 + 9 − (4 + 5)
Бүркіт тобы: Алматыдағы Тәуелсіздік монументі
90 мен 10-ның бөліндісін 5-ке көбейтіп, одан 10 мен 7-нің қосындысын азайт.
90 ÷ 10 × 5 − (10 + 7)
7-құндылық тапсырмасы: элективті тест
Жетіншіден, бұл — еліміздің ұлттық қауіпсіздігі және жаһандық мәселелерді шешуге қатысуы.
Қосу бойынша тұжырымдар
- Бірліктердің астына бірліктерді жазамын.
- Бірліктерге ондықтарды қосамын.
- Жүздіктерге жүздіктерді қосамын.
- Ондықтарға жүздіктерді қосамын.
Азайту бойынша тұжырымдар
- Бірліктерден бірліктерді азайтамын.
- Жүздіктерден ондықтарды азайтамын.
Қорытынды: 2050 және «Мәңгілік Ел» идеясы
Оқушылар 7 құндылықпен байланыстырылған тапсырмаларды орындап, қосу мен азайтуды әртүрлі форматта (жеке, жұппен, топпен) бекітеді.
«Мәңгілік Ел» идеясының жанында оқушылардың суреттері бекер қойылмайды: 2050 жылы Қазақстанды Мәңгілік Елге айналдыратын — бүгінгі ұрпақ, яғни сендер.