Жан - жақты таным процестерін дамыту
№22 негізгі орта білім беретін мектеп-интернаты
Химия және биология пәндері мұғалімі: Қабылова Бақыт Асқаровна
«Биологиялық бәйге-тартыс»
Аннотация
Сыныптан тыс өткізілетін «Биологиялық бәйге-тартыс» іс-шарасы 7-сынып оқушыларына арналады. Сабақтан тыс жүргізілетін көпшілік жұмыстардың тиімді түрлерінің бірі — биологиялық дидактикалық ойындар. Ойын барысында оқушының денесі де, ақыл-ойы да дамып, қабілеті мен белсенділігі артады.
Бұл іс-шарада дәстүрлі емес ойын элементтері қолданылады. Негізгі мақсат — оқушылардың биологиядан алған білімдерін қорытындылап, бекіту, денсаулықты шыңдау және салауатты өмір салтын насихаттау. Топпен бірлесіп жұмыс істеу арқылы оқушылардың пәнге қызығушылығы артып, ынтымақтастық дағдылары қалыптасады.
Қысқаша мәлімет
- Сынып
- 7-сынып
- Форматы
- Ойын-эстафета
- Өтетін орын
- Спорт зал
Мақсаты
Білімділік
- Оқу процесінде дәстүрлі емес ойын түрлерін қолдану.
- Биологиядан алған білімді қорытындылап, бекіту.
- Салауатты өмір салтын насихаттап, оқушылардың денсаулығын шыңдау.
Дамытушылық
- Ойлану және топпен бірлесіп жұмыс істеу дағдыларын дамыту.
- Дүниетанымдық көзқарасты қалыптастыру.
- Жан-жақты таным процестерін жетілдіру және пәнге қызығушылықты арттыру.
Тәрбиелік
- Ұжымдық қарым-қатынас мәдениетін қалыптастыру.
- Ынтымақтастық пен бірлікке тәрбиелеу.
Ұйымдастыру және әдістеме
Пәнаралық байланыс
Әдіс-тәсілдер
Ойын түрінде ұйымдастыру (эстафета, командалық тапсырмалар).
Ресурстар
- Тақта, маркерлер, А3 парақтар, түрлі-түсті стикерлер
- Параққа жазылған мәтіндер, «бес саусақ» макеті
- Ғалымдар портреттері, суреттер, магниттер
- Шеңбер, кегль, секіртпе, қап, доп
Жұмыс барысы
I. Ұйымдастыру кезеңі
1) Топқа бөлу
Оқушыларға суреттер таратылады. Суреттердің мазмұны бойынша қатысушылар екі топқа бөлінеді.
Мұғалімнің кіріспе сөзі
Іс-шараға 7-сыныптың биология пәнін жақсы меңгерген, «Ең-ең-ең» атанған оқушылары қатысады. Команда мүшелерінің биология пәні мен оның заңдылықтарын қаншалықты білетінін, сондай-ақ оларды күнделікті өмірде қаншалықты қолдана алатынын бақылаймыз.
Жүргізушілердің таныстыруы
1-жүргізуші
«Білім деген биік шың, бақытқа сені жеткізер. Білім деген ақылшың, қиындықтан өткізер», — деп «Биологиялық бәйге-тартыс» іс-шарасының шарттарымен таныстырамын:
- Іс-шара спорт залда өтеді.
- Бәйгеге 5 оқушыдан тұратын екі команда қатысады.
- Әр эстафета ұпай арқылы бағаланады.
2-жүргізуші
Қазылар алқасы — қатаң әрі әділ. Қатысушыларды бағалау тәртібі алдын ала түсіндіріледі.
Командалардың таныстырылымы
Ортаға 1-команда «Маржандар» және 2-команда «Ұлулар» шығып, өздерін таныстырады. (2 ұпай)
1-эстафета: «Допты жетелеу»
Толық жауапқа 5 ұпай«Ысқырық» белгісімен әр команда мүшесі допты жетелей отырып межеге барады, магнитті тақтадағы тапсырманы орындайды және кері қайтады. Эстафетаны бірінші аяқтаған команда жеңіске жетеді.
Бағалау
Тапсырманың толық әрі дәл орындалуы ұпаймен есептеледі.
2-эстафета: «Өткелден өту»
Толық жауапқа 5 ұпай- Команданың бірінші мүшесі шахмат тәртібімен қойылған кегльдердің арасымен бір аяқпен секіріп өтеді.
- Тапсырманы орындайды.
- Сол бағытпен кері қайтып, келесі қатысушыға эстафетаны тапсырады.
Тапсырма
Әр оқушыға ғылым салаларына байланысты терминдер беріледі. Сол терминдерге нақты анықтама беру қажет.