Қазақша рефераттар

Оқушыларға өлеңді оқыту

Сабақтың барысы

Бұл жоспар сабақ құрылымын кезең-кезеңімен ұйымдастыруға, оқушылардың белсенді қатысуын арттыруға және өлең мазмұнын тереңірек меңгертуге бағытталған.

I

Ұйымдастыру кезеңі

  • Оқушылар шеңберге тұрып, психологиялық дайындық жүргізіледі.
  • «Жаз», «Көктем», «Күз», «Қыс» сөздері бойынша топқа бөлінеді.
II

Үй жұмысын тексеру

1) Мәтінмен жұмыс

Оқушыларға «Балалар» өлеңін оқыту.

2) Өлең бойынша сұрақ-жауап

  • Өлеңде қай мезгіл туралы айтылған?
  • Балалар қайда жүгіріп жүр?
  • Қай жерде аунайды?
  • Ауа райы қандай деп ойлайсыңдар?
  • Өлеңнің авторы кім?
III

Жаңа сабаққа кіріспе (сұрақ-жауап)

Әліпби және дыбыс

  • Қазақ тілінде қанша әріп бар?
  • Дыбыстар нешеге бөлінеді?
  • Дауысты дыбыстар нешеге бөлінеді?
  • Дауыссыз дыбыстар нешеге бөлінеді?

Фонетика және буын

  • Жуан дауысты дыбыстарды атаңдар.
  • Жіңішке дауысты дыбыстарды атаңдар.
  • Сөздің қанша буыннан тұратынын қалай білеміз?
  • Сөзді қалай тасымалдаймыз?
  • Қандай сөздер тасымалданбайды?

Сөз таптары

Заттың атын білдіретін сөздерге қандай сұрақ қойылады?

IV

Жаңа сабақ

Бүгін біз М. Әлімбаевтің «Бұл қай кезде болады?» өлеңімен танысамыз. Мұғалім ақынның суретін көрсетіп, өмірбаяны туралы қысқаша мәлімет береді.

Өлең: «Бұл қай кезде болады?»

Көбелек бір, гүл де бір, Қызыл-жасыл күллі өңір. Аспан төрі — ақша бұлт, Бау-бақшада — барша жұрт. Саңқылдаған саз әні, Көлде құстың базары. Жидек пісіп, толды алды. Бұл қай кезде болады?

1) Түсіндіру

Өлеңнің мазмұны талданып, негізгі ойы анықталады.

2) Оқу

Оқушылар өлеңді кезекпен, мәнерлеп оқиды.

3) Сергіту сәті

Қысқа қимыл-қозғалыс жаттығулары орындалады.

Оқулықпен жұмыс

192-жаттығу

1) Сөйлем құрап жазыңдар

  1. Қасында, бар, мая, үйдің, шөп, тұр.
  2. Ұя, тауық, маяға, салыпты.
  3. Жұмыртқа, ұяда, алты.
  4. Малға, Үсен, берді, шөп.
  5. Сүйсініп, бұзаулар, шөпті, жеді.

2) Тасымалдау

Қарамен жазылған сөздерді тасымалдап жазыңдар.

3) Тыныс белгісі

Құрастырылған сөйлемдердің соңына қандай тыныс белгісі қойылды?

Әр топқа бір сөйлемнен беріледі, соңғы сөйлем сыныппен бірге орындалады.

193-жаттығу

Жаттығу оқушылармен бірге орындалады.

V

Жаңа сабақты бекіту

1) Сұрақ-жауап

Тақырып бойынша қорытынды сұрақтар қойылады.

2) Таратпа материалдар

Өзіндік жұмыс орындалып, нәтижелері талқыланады.

VI

Қорытынды

Сабақ соңында негізгі ойлар қайталанып, оқушылардың түсіну деңгейі қысқаша талданады.

VII

Бағалау

Оқушылардың белсенділігі, мәнерлеп оқуы және тапсырмаларды орындауы бойынша бағаланады.

VIII

Үйге тапсырма

191-жаттығу.