Дінтану мамандығыДінтану елімізде жаңа ашылған мамандық
Дінтану мамандығы туралы
Дінтану — елімізде салыстырмалы түрде жаңа ашылған мамандық. Білім беру бағдарламасы жоғары білім берудің жалпыға міндетті мемлекеттік стандартына сәйкес әзірленген және дінді зайырлы ғылыми ұстаным тұрғысынан зерделеуге бағытталған.
Түлектердің кәсіби қызмет салалары
- Мемлекеттік, діни және қоғамдық ұйымдарда; бұқаралық ақпарат құралдарында тәуелсіз сарапшы ретінде және сарапшылық комиссиялар құрамында.
- ҰҚК және ІІМ-нің сараптамалық қызметі; мемлекеттік басқару құрылымдары; сыртқы және ішкі саясат бөлімдері; дін істері саласындағы уәкілетті органдар.
- Дін тарихы мен теориясы, заманауи өркениеттің діни-философиялық мәселелері бойынша ғылыми-зерттеу жұмыстарында ғылыми қызметкер ретінде.
- Мемлекеттік және мемлекеттік емес жоғары оқу орындары мен орта арнаулы оқу орындарында оқытушы ретінде.
- Магистратура және PhD деңгейінде білімін жалғастыру, сондай-ақ халықаралық жобаларға қатысу (БҰҰ, ISESCO, Ашық қоғам институты және т.б.).
- Халал стандарттау бағытындағы құрылымдарда, Қазақстан мұсылмандары діни басқармасында (ҚМДБ), сондай-ақ өзге мемлекеттік/мемлекеттік емес мекемелер мен халықаралық ұйымдарда.
Оқу барысында қамтылатын бағыттар
Бакалавриат деңгейінде студенттер дінтанудың негізгі салалары бойынша жүйелі дайындықтан өтеді:
Дін тарихы
Діни дәстүрлердің қалыптасуы мен эволюциясы.
Ислам теологиясы
Ислам ілімі, мектептері және негізгі ұстанымдар.
Христиан теологиясы
Дәстүрлер, догматика, тарихи даму арналарын талдау.
Құран және Құран ілімі
Мәтінтану, түсіндірме дәстүрлері, негізгі әдістер.
Дін философиясы
Дін мен таным, сенім және рационалдық мәселелері.
Дін әлеуметтануы
Діннің қоғамдағы орны, институттар және әлеуметтік үдерістер.
Дін психологиясы
Діни тәжірибе, мотивация және тұлғалық өлшемдер.
Дін антропологиясы
Діннің мәдени-антропологиялық қырлары.
Дін этикасы және аксиологиясы
Құндылықтар, мораль, жауапкершілік және қоғамдық келісім.
Дін және өнер
Символика, эстетика, сакралды өнер дәстүрлері.
Дін және мәдениет
Мәдени код, ұжымдық жады және дәстүр сабақтастығы.
Еркін ой және дін
Сындарлы ойлау, пікір алуандығы және зайырлылық.
Дәстүрлі емес культтер және эзотериялық ілімдер
Қазіргі діни қозғалыстарды талдаудың әдіснамасы.
Қазақстандағы дін және мемлекет
Құқықтық негіздер, қоғамдық келісім және саясат.
Қазақстандағы ислам
Тарихи даму, дәстүр, қазіргі ахуал.
Қазақстандағы православие
Қауымдастық тарихы және мәдени кеңістіктегі орны.
Дінтанудың зерттеу пәні
Дінтану діни ілімдер тарихын және діни өмірдің институционалдық формаларын кешенді түрде зерттейді. Бұл бағыт діни-мәдени мұраны, діни өнерді, діни жазба ескерткіштерін, діни білім беру мен ғылыми зерттеу тәжірибесін, дінге тән құқықтық нормаларды, діндер тарихына қатысты археологиялық деректерді, сондай-ақ түрлі діни ілімдер мен ұйымдар арасындағы өзара байланыстардың тарихы мен қазіргі ахуалын талдауды қамтиды.
Зайырлы оқыту қағидаты
Жоғары білім жүйесінде дінтану зайырлы ғылыми тәсілдермен оқытылады.
Құрмет және академиялық этика
Оқытушылар діни білімге, әдет-ғұрыптар мен дәстүрлерге құрметпен қарайды.
Ғылым — дінге қарсы ұстаным емес
Зайырлы ғылымның мазмұны атеистік немесе дінге қарсы бағыт ретінде түсіндірілмейді.
Тәрбиелік және гуманистік құндылықтар
Университетте оқытылатын пәндердің мазмұны қайырымдылық, ізгілік, адамсүйгіштік, патриотизм, толеранттылық және өзге дін өкілдеріне құрмет қағидаттарына сүйенеді.
Оқу ресурстары, тәжірибе және тілдік дайындық
Ресурстар
Студенттер интернет ресурстарын, сондай-ақ дінтану бойынша жаңа отандық және шетел әдебиеттерін кеңінен пайдаланады.
Тәжірибеден өту
Тәжірибе шетелдік және отандық білім беру ұйымдарында, діни орталықтарда, әкімдіктердің ішкі саясат департаменттерінде, университеттер мен колледждерде және басқа да мекемелерде ұйымдастырылады.
Шет тілдері
Шет тілін меңгергісі келетіндер үшін ағылшын, араб, парсы және түрік тілдерінде сабақтар қарастырылған.
Академиялық траектория
Бітіру жұмысын үздік қорғаған түлектер магистратурада және PhD бағдарламаларында білімін жалғастыра алады.
Студенттік өмір және инфрақұрылым
Әл-Фараби атындағы ҚазҰУ студенттеріне толыққанды оқуына және демалысына қажетті жағдай жасайды.
Медицина және тамақтану
- Қалалық студенттер емханасы және ҚазҰУ медициналық орталығының қызметтері.
- Бағасы қолжетімді әрі сапалы тағам ұсынатын қоғамдық тамақтандыру орындары: асханалар мен буфеттер.
Тұрғын үй және бос уақыт
- Басқа қаладан келген студенттерге жатақханадан орын беріледі.
- ҚазҰУ қалашығында: Студенттер сарайы, киноклуб, спорттық кешен.
- Ыстықкөл жағалауында жаздық спорттық-сауықтыру кешені.
Қорытынды ой
«Дінтану» атауының астарында адамзат тарихының барлық кезеңдерін қамтитын және қоғамның сан қырына ықпал ететін мәдениеттің ең күрделі әрі қызықты салаларының бірін ғылыми тұрғыдан тану жатыр.
Мәтін: ҚазҰУ-дың 4-курс студенті Жұмағалиев Ернұр. Дипломдық жұмыс жетекшісі: Мұқан Н.