Қарапайым мәтінмен орындалатын операциялар
Сабақтың мақсаты
Дамытушылық
CorelDraw бағдарламасында мәтіннің екі түрін қолдану мүмкіндігін меңгерту және қолдану дағдысын дамыту.
Білімділік
Жүйелік бағдарламалар ұғымын түсіндіріп, мәтінмен жұмыс істеудің негізгі тәсілдерін жеткізу.
Тәрбиелік
Оқушыларды ұқыптылыққа, жауапкершілікке және ақпараттық мәдениетке тәрбиелеу.
Сабақ туралы қысқаша
- Сабақтың түрі
- Аралас сабақ
- Әдісі
- Көрсете түсіндіру
- Көрнекіліктер
- Тақта, плакат, дербес компьютер
Жаңа сабақ: CorelDraw-та мәтін түрлері
CorelDraw бағдарламасы мәтіннің екі түрімен жұмыс істеуге мүмкіндік береді:
-
Artistic Text — фигуралық мәтін
-
Paragraph Text — қарапайым (абзацтық) мәтін
Фигуралық мәтін (Artistic Text)
Фигуралық мәтін объект ретінде қарастырылады. Сондықтан оған контур мен құюдың жалпы қасиеттерін, сондай-ақ арнайы эффекттерді қолдануға болады.
Пішінін өзгерту үшін Shape құралын қолдануға болады.
Құру тәсілі: жұмыс аймағының кез келген жерін шертіп, мәтінді енгізіңіз.
Қарапайым мәтін (Paragraph Text)
Қарапайым мәтін арнайы мәтіндік блокта орналасады. Оған мәтіндік процессорларға тән параметрлерді орнатуға болады: өрістер, абзацтық шегіністер, тасымалдау және басқа да баптаулар.
Құру тәсілі: рамка (мәтіндік блок) сызып, мәтінді енгізіңіз.
Мәтін түрлерін түрлендіру
Қажет болған жағдайда фигуралық мәтінді қарапайым мәтінге және керісінше түрлендіруге болады.
Мәзір арқылы
Text → Convert to Paragraph Text немесе Convert to Artistic Text
Пернелер тіркесі
Ctrl + F8
Мәтінмен жұмыс құралдары мен терезелері
Қарапайым және фигуралық мәтінді құру үшін Text құралын қолданыңыз.
Мәтінді өңдеу
Сұхбат терезесін шақыру: Ctrl + Shift + T
Пішімдеу
Format Text терезесі: F пернесі
Format Text сұхбат терезесінде 5 бет парағы бар:
-
1
Character — символдар
-
2
Paragraph — абзацтар
-
3
Tabs — табуляция
-
4
Columns — колонкалар
-
5
Effects — маркерлер түрін таңдау
Бұл бөлімде маркердің өлшемі мен буквицаның (үлкейтілген алғашқы әріптің) түрі де бапталады.
Шағылысу (Mirror)
Mirror функциясы мәтінді солға, оңға немесе жоғарыдан төменге қарай аударуға мүмкіндік береді.
Сабақ барысы
-
I
Ұйымдастыру кезеңі
- Сәлемдесу.
- Оқушылардың назарын сабаққа аудару.
-
II
Үй тапсырмасын тексеру
Алдыңғы тақырып бойынша білімді тексеру, сұрақ-жауап жүргізу.
-
III
Жаңа сабақ
CorelDraw-та мәтіннің екі түрі, оларды құру, өңдеу, пішімдеу және түрлендіру жолдары түсіндіріледі.
-
IV
Практикалық сабақ
Оқушыларды компьютерге отырғызып, практикалық жұмысты орындату.
-
V
Қорытындылау
Сабақ нәтижесін жинақтау, негізгі ұғымдарды қайталау.
-
VI
Үй тапсырмасы
Құралдар мен командаларға қатысты пернелер тіркесімдерін оқып, жаттап келу.