Қазақша рефераттар

Сабақ ережесімен таныстыру

Қызылорда облысы, Қазалы ауданы, Бекарыстан би ауылы

№24 орта мектеп, бастауыш сынып мұғалімі: Шамуратова Куралай

Сабақ тақырыбы

Қызықты ойыншықтар жасау: шардан бет-пішін құрастыру.

Сабақ түрі мен әдістері

Түрі: жаңа сабақ.

Әдістері: түсіндіру, сұрақ-жауап, сарамандық жұмыс.

Пәнаралық байланыс: математика, бейнелеу өнері.

Сабақ мақсаты

  • 1 Оқушыларға шармен жұмыс істеу тәсілдерін үйрету.
  • 2 Ой-өрісін кеңейтіп, шығармашылық қабілетін дамыту.
  • 3 Ұқыптылыққа, тазалыққа, шапшаңдыққа тәрбиелеу.

Керекті құралдар

Сарамандық жұмысқа дейін құралдарды толық тексеріп алыңыз.

  • Әртүрлі шарлар: домалақ, сопақ, ұзынша.
  • Ауамен үрлеуге арналған шағын насос (қалауыңызша).
  • Арнайы каучук желімі немесе жабысқақ таспа (скотч).
  • Безендіруге арналған ұсақ бөлшектер (шар қиындысы, т.б.).

Сабақ барысы

1) Ұйымдастыру кезеңі

  • Сәлемдесу, оқушыларды түгендеу.
  • Оқушылардың назарын сабаққа аудару.

2) Үй тапсырмасын тексеру

Тақырып: қағаздан “Қиялдағы кейіпкер” құрастыру. Оқушылар жұмыстарын көрсетіп, қысқаша түсіндіреді.

3) Орталықтар бойынша жұмыс

I. Еңбек орталығы

  • Құралдарды тексеру, жұмыс орнының тазалығын сақтау.
  • Жұмысқа дайындық.

Сабақ ережелері

  • Тыныштық сақтау.
  • Бір-бірін тыңдау.
  • Ойын ашық әрі нақты айту.

Бағалау: белсенді қатысу деңгейіне қарай “өте жақсы”, “жақсы”, “қанағаттанарлық”.

II. Пікір алмасу орталығы

Сұрақ-жауап: жауап бергісі келген оқушы қол көтеріп сөйлейді.

  1. Бүгінгі сабаққа қандай құрал-жабдықтар қажет?
  2. Еңбек қауіпсіздігін сақтау ережелерін түсіндір.
  3. Өз ойыңнан қағаздан қиялдағы кейіпкер құрастырып көр.

III. Мақал-мәтел орталығы

Оқушылар еңбек туралы мақал-мәтелдер айтып, мағынасын қысқаша түсіндіреді.

IV. Ғылым орталығы

Жаңа тақырыпты меңгерту: алдымен жұмбақты шешу.

Жұмбақ

Доп-домалақ, сопақ, ұзынша,
Іші толған ауа.
Аузы бар, мұрны жоқ.
Бұл не?

Жауабы: шар.

Жаңа тақырып: шардан бет-пішін құрастыру

Бүгін біз шардан ойыншық жасап үйренеміз. Шардан ұшқыш сайқымазақ, көз тартатын гүл тізбектері, гүл шоқтары сияқты бұйымдар мерекелік думандарда, туған күн кештерінде жиі қолданылады. Енді сол тәсілдердің негізінде шардан бет бейнесін құрастырамыз.

Қауіпсіздік және ұқыптылық

  • Шарды шамадан тыс үрлемеңіз: жарылып кетуі мүмкін.
  • Желім қолданғанда қолды таза ұстап, жұмыс орнын ластамаңыз.
  • Дайын бұйымды қауіпсіз жерде сақтаңыз.

Қысқа ескерту

Әуеде ұшпайтын шар түрлері туралы қысқаша мәлімет беріледі. Сонымен қатар шардың аузын байлаудың бірнеше тәсілі көрсетіледі. Шарды ауызбен де, шағын насоспен де үрлеуге болады.

Қадам-қадам нұсқаулық

  1. 1

    Негізгі шарды дайындау

    Шарды үрлеп, диаметрі шамамен 40 см болғанда аузын байлаңыз.

  2. 2

    Көз, мұрын, ауыз жасау

    • Көзі: диаметрі 6–8 см болатын екі домалақ шар.
    • Мұрны: диаметрі 10–12 см шар.
    • Ауызы: ұзындығы 10–12 см болатын ұзынша шар.
  3. 3

    Бөлшектерді бекіту

    Барлық кішкентай шарларды үлкен шарға жапсырыңыз. Ол үшін әуе шарларына арналған арнайы каучук желімін немесе жабысқақ таспаны пайдалануға болады.

  4. 4

    Шаш пен безендіру

    Шашын шардың қиындысынан жасап, бет-пішінді өз қалауыңызша безендіріңіз. Бет бейнесі дайын.

Сабақты бекіту

Кері байланыс

  • Сабақ ұнады ма?
  • Сабақ мақсатына жеттік пе?

Қиындықты анықтау

Қай тәсілді орындау сізге қиын көрінді? Неліктен?

Бағалау

Оқушылардың белсенділігі мен жұмыстың ұқыптылығына қарай бағалау жүргізіледі.

Үй тапсырмасы

Өз ойыңнан мерекелік безендіруге арналған әшекейлер ойластырып, жасап кел.