Тригонометриялық өрнектерді түрлендіру мен тепе - теңдіктерді дәлелдеу үшін негізгі формулаларды қолданатынымыз туралы ақпарат беру
Алгебра • 9-сынып
Негізгі тригонометриялық тепе-теңдіктерді өрнектерді түрлендіруге қолдану
Бұл сабақта тригонометриялық өрнектерді ықшамдау және тепе-теңдіктерді дәлелдеу кезінде негізгі формулаларды саналы түрде қолдану жолдары қарастырылады.
Сабақтың мақсаты
Білімділік
Тригонометриялық өрнектерді түрлендіру және тепе-теңдіктерді дәлелдеу үшін негізгі формулаларды қолдану туралы түсінік қалыптастыру.
Тәрбиелік
Оқушылардың пәнге қызығушылығын арттыру, жауапкершілігін күшейту және білімін жүйелі дамыту.
Дамытушылық
Есептерді тиімді тәсілмен шығару дағдысын қалыптастыру және логикалық ойлауды дамыту.
Сабақтың барысы
-
I. Ұйымдастыру кезеңі
Сыныптың дайындығын тексеру, жұмыс тәртібін нақтылау.
-
II. Мақсат пен міндеттерді қою
Сабақтың негізгі бағытын анықтау: түрлендіру тәсілдері мен дәлелдеудің логикасын меңгеру.
-
III. Үй тапсырмасын тексеру
Үйге берілген есептерді тақтада талдап, қателерді талқылау және түзету.
-
IV. Білімді өзектендіру
Алдыңғы білімді еске түсіру үшін сұрақтарға жауап беру:
- Негізгі тригонометриялық тепе-теңдік формулаларын кім жазып береді?
- Тікбұрышты үшбұрыштың сүйір бұрышының косинусы дегеніміз не?
- α бұрышының тангенсі деген не?
-
V. Жаңа сабақты түсіндіру
Тригонометриялық өрнектерді түрлендіру және тепе-теңдіктерді дәлелдеу барысында негізгі формулалар жиі қолданылады. Дәлелдеуді жүргізудің бірнеше тиімді тәсілі бар.
Тәсіл 1
Тепе-теңдіктің күрделірек жағын түрлендіріп, екінші жағына келтіру.
Тәсіл 2
Екі жағын да түрлендіріп, алынған өрнектердің бірдей екеніне көз жеткізу.
Тәсіл 3
Екі бөліктің айырымы нөлге тең екенін көрсету.
Енді тригонометриялық өрнектерді түрлендіруге мысалдар келтіруге көшеміз.