Қазақша рефераттар

Мемлекеттік тіл қай тіл

Ойын-сайыс туралы қысқаша мәлімет

Тақырыбы
«Қазақшаңыз қалай?» ойын-сайысы
Түрі
Ойын-сайыс сабағы
Мақсаты
Тәуелсіз елімізде өмір сүріп отырған түрлі ұлт өкілдері арасындағы достық пен бірлікті нығайту, мемлекеттік тілге деген құрмет сезімін қалыптастыру және оқушылардың қазақ тіліне қызығушылығын арттыру.

Мұғалімнің кіріспе сөзі

Құрметті әріптестер, оқушылар! Бүгінгі «Қазақшаңыз қалай?» сайыс сабағымызды қазақ тілі мен әдебиеті апталығына арнаймыз. Сайысымыздың ұраны:

Көп тіл білсең — көкжиегің кең болар,
Құрметтейді кісі екен деп төрге озар.
Қай елде жүрсең де бұл дұрысы —
Мемлекеттік тілді білген жөн болар.

Тіл сайысын өткізудегі мақсатымыз — орыс сынып оқушыларының және өзге ұлт өкілдерінің мемлекеттік тілге құрметпен қарауын қамтамасыз ету, сондай-ақ қазақ тіліне деген қызығушылығын күшейту.

Сайыс басталар алдында

4-сынып оқушыларының тіл туралы дайындаған тақпақтары мен ой-толғамдары

  1. Қазақ тілі — қазақ халқының ана тілі.

  2. Қазақ тілі — Қазақстан Республикасының мемлекеттік тілі.

  3. Қазақ халқының асыл қазынасы — елдігіміз, ұлан-байтақ жеріміз және қасиетті бай тіліміз.

  4. Тіл — аса маңызды құрал. Тіл болмаса, адам өз ойын өзгеге жеткізе алмас еді.

  5. Қазақ тілі — өте бай әрі көркем тілдердің бірі.

  6. Мемлекеттік тілді меңгеру — Қазақстан Республикасы азаматының парызы.

  7. Туған тілім — тірлігімнің айғағы,
    Тілім барда айтылар сыр ойдағы.
    Өссе тілім — мен де бірге өсемін,
    Өшсе тілім — мен де бірге өшемін.

  8. Ана тілі — біздің туған анамыз!
    Анамыздай сыйлап, бағып-қағамыз.
    Ана тілін бағаласақ қалай біз,
    Өзіміздің сондай болмақ бағамыз.

  9. Қымбат маған ана тілім — бал тілім,
    Қымбат маған дана тілім — ар тілім.
    Ақ сүтімен бірге сіңген бойыма,
    Ана тілім — ардақ тұтар алтыным.

  10. Ана тілін жырлап өткен талайлар,
    Жырлап өткен Ыбырай мен Абайлар.
    Қасиетті менің ана тілімде,
    Өшпес мәңгі алаулаған арай бар.

  11. Мен Қазақстанда тұрамын. Мен қазақпын. Ана тілім — қазақ тілі. Менің досым бар, ол — орыс. Оның ана тілі — орыс тілі. Әр адам өз ана тілін білуі керек. Мен ана тілімді құрметтеймін. Ана тілім — ата-бабамның тілі. Ана тілі — дана тіл.

  12. Өзге тілдерді үйрену үшін адам ең алдымен өз ана тілін жақсы білуі қажет. Мен ана тілімді жақсы білемін.

  13. Қазақ тілі — Қазақстан Республикасының мемлекеттік тілі. Мен қазақ тілін үйреніп жүрмін: қазақша кітап оқып, өлең жаттаймын. Хат та жаза аламын. Болашақта қазақ тілінде жазылған шығармаларды көп оқимын деп ойлаймын.

  14. Біздің елімізде қазақтар, орыстар, немістер, ұйғырлар, татарлар тұрады. Немістің ана тілі — неміс тілі, ұйғырдың ана тілі — ұйғыр тілі. Кейбір адамдар бірнеше тіл біледі — бұл дұрыс. Бірақ ана тілімізді барлық тілден жақсы білуге тиіспіз. Қадыр Мырза Әли айтқандай: «Өзге тілдің бәрін біл, өз тіліңді құрметте!»

Ән: «Анамның тілі — аяулы үні»

Орындайтын: хор

1-шумақ

Өмірге келдім, анамды көрдім, Деді ол: «Жаным, арайлы таңым». Самал боп желпіп, жырымен ертіп, Үйретті тынбай бал тілін маған.

Қайырмасы

Анамның тілі — айбыным менің, Анамның тілі — ай-күнім менің. Сүйемін байтақ елімді туған, Сүйемін мәңгі өмірді думан.

2-шумақ

Анамның тілі — аяулы үнім, Жүректің нұрын жүгері құйды. Сүйгенім — тілек, сүйемін — ана, Мәңгілік жаса, қазақтың тілі!

Қайырмасы

Анамның тілі — айбыным менің, Анамның тілі — ай-күнім менің. Сүйемін байтақ елімді туған, Сүйемін мәңгі өмірді думан.

Сайыс құрылымы

Кезеңдер

  1. Таныстыру
  2. Кім жылдам?
  3. Білімпаздар
  4. Сөз тапқанға
  5. Тапқыр болсаң — тауып көр
  6. Ойлан, тап
  7. Қызықты ұйқастар

Ереже және бағалау

Әр кезең басталар алдында тапсырмалар түсіндіріледі. Топтардың жауаптарын әділқазылар алқасы әділ бағалап отырады.

Қатысушылар

4 «Д», 4 «Е», 4 «Г» сынып оқушылары

Қазылар алқасы

Құрамы таныстырылады

Сайысымыздың беташарын бастайық,
Көрерменді бір серпілтіп тастайық.
Таныстырсын сайыскерлер өздерін,
Өнеріне ду қол соғып қостайық!

1-кезең: Таныстыру

I топ

«Достар»

II топ

«Болашақ»

III топ

«Сұңқар»

2-кезең: «Кім жылдам?»

Сұрақтарға тез әрі дұрыс жауап беру.

  1. 1

    Қазақ әліпбиінде неше әріп бар?

  2. 2

    Дауыссыз дыбыстар қанша?

  3. 3

    Біздің Отанымыз қалай аталады?

  4. 4

    Мемлекеттік тіл қай тіл?

  5. 5

    Бір жылда неше мезгіл бар?

  6. 6

    Қазір қай жыл мезгілі?

  7. 7

    Бір аптада неше күн бар?

  8. 8

    Дауысты дыбыстар жақ қатысына қарай қандай түрлерге бөлінеді?

  9. 9

    Қазақ тілінде жалғаудың неше түрі бар?

  10. 10

    Бүгін айдың нешесі?

  11. 11

    Бір жылда неше ай бар?

  12. 12

    Күзде балалар қайда асығады?

3-кезең: «Білімпаздар»

Бұл кезеңде берілген әріптерден сөз құрастырылады. Қай топ сөзді жылдам әрі дұрыс құрастырса, сол топ ұпай алады.

М ӨСЛЙЕ

Сөйлем

УҒАЛЖА

Жалғау

ЗСӨ

Сөз

ЛТІ

Тіл

ҚАБАС

Сабақ

ОҢЫАУҚР

Қоңырау

ЕТМПЕК

Мектеп

ЖБРЫСОЛА

Жолбарыс

ҰМАҒЛМІ

Мұғалім

Қорытынды мәлімет

Білім беру ұйымы

Ақсай қаласының №4 жалпы орта білім беретін мектебі

Пән мұғалімі

Қазақ тілі мен әдебиеті пәнінің мұғалімі: Б. К. Кусаева

Ескерту

Материал 22 қыркүйек — Тіл мерекесіне арналған «Қазақшаңыз қалай?» ойын-сайысы негізінде әзірленген.