Карта масштабы
Сабақтың тақырыбы
Азимуттар мен дирекциондық бұрыштарды анықтау
Сабақтың түрі
Дәстүрлі
Сабақтың типі
Аралас сабақ
Сабақтың мақсаты
- Білімділік: топографиялық карта бойынша азимуттар мен дирекциондық бұрыштарды анықтау және қашықтықты өлшеу тәсілдерін үйрету.
- Дамытушылық: оқушыларды топографиялық картамен практикалық жұмыс жасауға баулу, танымдық және ойлау қабілеттерін дамыту.
- Тәрбиелік: ұйымшылдыққа, ұқыптылыққа, тиянақтылыққа, төзімділікке тәрбиелеу және моральдық қасиеттерін қалыптастыру.
Оқыту әдістері
- Баяндау
- Сұрақ-жауап
- Топографиялық картамен жұмыс
- Деңгейлік тест тапсырмалары
- Венн диаграммасын құру
Көрнекіліктер
Пәнаралық байланыс
Сабақ барысы
1) Ұйымдастыру
5 минут
- Взводты сапқа тұрғызу, взвод командирінің баяндамасы, сәлемдесу, взводтың сәлемге жауап беруі.
- Сырт келбетін тексеру және түгендеу.
- Взводты бөлімше бойынша екі топқа бөлу: «Барлаушылар» және «Десантшылар».
- Отырғызу, бағалау парағын тарату, топтық жұмыстың кезеңдері мен шарттарымен таныстыру.
2) Өткен тақырыпты пысықтау
10 минут
1-кезең
3 минут · Дұрыс жауап: 10 ұпай
Топ басшыларына жұмыс дәптерінен тапсырмалар беріледі. Екі оқушы бір мезгілде тақтаға шығып орындайды. Орындалған тапсырма тексеріліп, ұпай саны взвод командирінің бағалау парағына енгізіледі.
«Барлаушылар»
Тапсырма: №7, жұмыс дәптері, 30-бет.
Шешімі:
10 см → 2,5 км (250000 см)
x = 250000 : 10 = 25000
Карта масштабы: 1:25000
«Десантшылар»
Тапсырма: №12, жұмыс дәптері, 32-бет.
Шешімі:
a) 7 × 30 = 210 км
210 км = 21000000 см
21000000 : 42 = 500000 см
Карта масштабы: 1:500000
2-кезең
4 минут · Әр дұрыс жауап: 5 ұпай
Топ мүшелеріне таңдау тесті таратылады. Берілген уақыт аяқталған соң, взвод командирі нәтижелерді қорытындылап, бағалау парағына енгізеді.